MÁFIYU 7:5 - Kɛ́lɛ Niinaí

⁵ Yá ɣéle ngulu búsa wálai gúla lɛ́ɛ í ndá yááh̃ui w̃a hése, ná lɔ́ áá kɛ yí ỹándai lɔ kpál̃au ngáá yí kaa kúlo kw̃ɛ́ɛ́ngi gúla náa í mbálai yaah̃ú, yɛ́i yí ngáá faa lá mɔ́ɔ yaah̃ú kɛ́ ɛí ɣɛ í líí h̃u.

MÁFIYU 7:5 Iomraidhean Croise

MÁFIYU 22:18

Kɛ́ sífaa Jísu í ɣɛ́i ti gísiyai ỹɔí wɔ́lɔ, i ɣɛi ti w̃a, “Wá lɔ́ ngáá Ngala fáá la mbélaa yaah̃ú kɛ́ aa wú líí h̃u! Ndeénii le wáa ɣɛ́ wú sóu ndáá woo wá?

MÁFIYU 7:3

Ndeénii le yáá kaa kúlo kw̃ɛ́ɛ́ngi lɔ í mbálai yaah̃ú kɛ yɛ́i wolíɣɛ ngulú búsa wálai w̃a áá ɣɛ́ lááni í ndá yááh̃ui w̃a?

MÁFIYU 7:4

Yáá ɣéle ɣɛ́ náa í mbálai w̃a, ‘Yí vélei kái bɛlɛ́ ngí kaa kúlo kw̃ɛ́ɛ́ngi gúla í yááh̃u,’ ná ngulú búsa wálai áá ɣɛ́ lááni í ndá yááh̃ui w̃a?

MÁFIYU 7:6

Sí fíli í ná Ngalá fááw̃a, waá fé kékeaitii mbɛ, sífaa taá vóte nɔ́ɔ tí laa lɛ́ wú wú. Ŋani h̃ɔ́w̃ɔ bangɔ́ fíli kulangɔ́ ngáá góóli, waá píli búbuaitii mbɛ, sífaa taá gɔwɔ́ lóo loó nɔ́ɔ ma.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:56

Wá lɔ́ ngáá faa lá mbélaa yaah̃ú kɛ́ ɛi ɣɛ wú líí h̃u! Ndeénii le wáá ndɔwɔlɔ́i waa ɣɛ́ kíli belé, wú ngeleí yá kɛ́ kíli belé wú hómbo wú ngi h̃úúgula maí ɣɛ ngáá sí íwaa vá ɣɛ́ma, kɛ́ wɔ́i hómbo wɔ́ɔ́ faa vólu haa lé kɔwɔ́ato fái sítii mbá tíwaa híya sí h̃uu yéteyangi h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:15

Kɛ́ Ndemɔí Jísu i ngapóteni, i ɣɛ ta, “Wá lɔ ngáá Ngala fáa la mbélaa yaah̃ú kɛ́ aa wú lií h̃u! Wú yíla ngílaangi wú mbéi, kɛ́mbɛ wáá wú níkaitiini ngaa wú hóóhaalengitii fuló Ndɛɛlɛmbó Ngála Fɛli Fóloi w̃a, wú lí ngáá ti ye njɛí h̃u njɛ hé fááw̃a ti yɛ, kɛ́lɛi?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:23

Kɛ Jísu i ɣɛa ti w̃a, “Ngí kɔlɔ́ gíte kpál̃au ngáá kɛ wá lɔɔ vá faanɛ́ɛ́ngi sí héima mbɛ́, wú ɣɛ́ ta, ‘Mbaló mbó mɔ́ɔ walaí, bɔwɔ́ waló ná.’ Ná vólu, wáá mɔ́ɔ ɣɛ ta, ‘Sí ní mɛ́ningɔ ngáá yí kɛ́ngɔ Kapɛ́ɛ́niya taa h̃u, ta ɣɛ ná í bɔ́wɔ bɔ́wɔ lái h̃u.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:42

Yáá ɣelé ɣɛ náa í mbálai w̃a, ‘Mu mbálai, bɛlɛ́ ngí kaa kúlo kw̃ɛ́ɛ́ngi gúla í yááh̃u,’ ná yá bútei yí bááh̃aa ɣɛ má kɔlɔ́ ngáá kɛ ngulú búsa wála lɔ í ndá yááh̃ui w̃a? Yɛ́i yí ngáá faa lá mɔ́ɔ yaah̃ú kɛ́ ɛí ɣɛ í líí h̃u, yáá ɣéle ngulú búsa wálai gúla lɛ́ɛ í ndá yááh̃ui w̃a hése, ná lɔ́ áá kɛ yí ỹándai lɔ kpál̃au ngáá yí kaa kúlo kw̃ɛ́ɛ́ngi gúla náa í mbálai yaah̃ú.”

TI GƐ́Ɛ́ HAÍTII 19:15

Kɛ́ ỹína nyɔí i ɣɛi ti w̃a, “Ngí Jísu wɔlɔ́ taá Pɔ́ɔ, kɛ́ ele wáa ngáá wú ye?”