MÁFIYU 7:2 - Kɛ́lɛ Niinaí

² Sífaa, Ngalá ngáá wú wááleve kíya nɔ́ɔ jɔ́ wáá nungáá vékaitii mbaaléve. Laáva sí wáá gitó mba wáá nungáá vékaitii mbaaléve, kɛɣɛ́lai lɔ nɔ́ɔ jɔ́ Ngalá ngáá gitó mba laá bɛ́lɛ nɔ í wú wááleve.

MÁFIYU 7:2 Iomraidhean Croise

MÁFIYU 6:14

Ná wáá nungáá h̃úúhaalo ti háá ỹɔítii fááw̃a taá kɛ ngáá wú ye, wú Kɛ́ɛ́ɣɛ Ngalá í ngelegóóh̃u laá bɛ́lɛ aa wú háá ỹɔítii suuhaaló.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:24

Jísu í mɔ́ɔ ɣɛ ti w̃a, “A wolílo sí w̃a ngáá nde wú w̃á. Suuw̃ángi gɛ́ɣɛlai wáá mbo nuu vékai yɛ, kɛɣɛ́laa h̃úúw̃angi lɔ wáá mááhɔlɔ ɔɔ ná láá lé, í víli maah̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:38

A waayaa fembɛ wɔ́lingaa he nungáá vékaa yaá, ná lɔ áá kɛ wááyaa fembɛ wɔ́lingaa w̃aahɔ́lɔ. Aa suw̃á ngáá pangɔ́ wú yɛ, í maah̃ú liibá, áá yéi lá hááli haali, í fe wú yáá. Sífaa suw̃ángi sí wáá mbo nungáá vekaítii mbɛ, kɛɣɛ́lai lɔ nɔ́ɔ jɔ́ áá mbo wú yɛ́.”

KƆ́L̃E GƆ́LƆI HELE KÉLEI 9:6

Faalɔ, sí lɔ ngí ma ngáá nuí áá kpáála guló la ɛi ŋani bíh̃iw̃aa w̃ááhɔlɔ su. Nuí va áá kpaala walá la aa ŋani bíh̃iw̃aa w̃ááhɔlɔ su.

JIMISÍ 2:13

sífaa nuí sí ɛ́i nungáá yaah̃ú w̃ááw̃aanu hóu, ná Ngalá ngáá ɣɛ́ ngáá maa w̃ɔ́i gɔ́sɔ ɛi ngaah̃ú w̃ááw̃aanu hóu laá bɛ́lɛ. Kɛ́ núi sí áá nuu yááh̃u w̃ááw̃aanu hóu, Ngala ngáá maa w̃ɔ́i yaah̃ú w̃ááw̃aanu hóu kɔsɔ́ su.

FAA YÁKƐ KƆ́LƆI 18:6

A suuhóu kíli ỹɔu wó kíya nɔ́ɔ jɔ́ í wú h̃úúhou kíli ỹɔu wongɔ́. Sí í kɛ́ngɔ ngáá wú ye, a poto kúlandaa ɣɛ ma féle. Ná ɣɛ́ndai gúlangɔ í ɣɛ́ lá ngáá ndɔɔ yákpangɔ héndaa ngeyá áá nuu hóu. Ndɔí sí yákpangɔ í ɣɛ́ lá í lɔ́ve sí wá í féngɔ nungáitii ngeyá.