MÁFIYU 7:13 - Kɛ́lɛ Niinaí

¹³ Jísu i mɔ́ɔ́ ɣɛ ti w̃a, “A wala geéti laa bɛ́ɛ́ngɔi la, bɔw̃álale, geétii sí í njahááma vélei, ndaa wɔ́ɔ́lɔngɔɔ lé. Peleí vá í lííngɔ í ló njahááma wá, suuhíyalai aa baní, laáva nuu bíh̃iw̃aa lɔɔ híya ngáá peleí ná.

MÁFIYU 7:13 Iomraidhean Croise

NJƆÚ 14:6

Kɛ Jísu i ngoo yápotenga, i ɣɛ ma, “Nyá lɔ́ ngí ngáá peleí. Nyá lɔ́ ngáá tɔɔỹái ɣɛ ngáá nuu kɔwɔ́ato Ngalá mba. Nyá lɔ́ ngáá ndɛ́ɛ́h̃u gítei hé. Nuu fíli ɛi li Kɛɛɣɛí Ngalá ngelé kɛ léi máávele w̃á.”

NJƆÚ 10:9

Nyá lɔ ngí ngáá mbaala bakíí laabɔ́lungi. Nuí fíli áá lɛ́ ngéle pélei, maa w̃ɔ́i w̃aawalóngɔ aa ɣɛ́ la aáva aa lɛ, í gúla, í lí í ndaaỹɛ mbo.

GALÉSIYA 5:24

Sítii ti ngáá Jísu Kílisitii volú yélaitii, faa ỹɔ́u ɣɛ́ ndíívo kɛí ɛ́ɣɛ ndíívo kɛɛ́ háá walái áá víli nuu líí vólu ngwala, tí bénga nátii kpɛ́lɛɛ mbá.

MÁFIYU 3:2

I ɣɛi áá ɣɛ́ ta, “A volú yáfe wú háá ỹɔítii mba bɔw̃álale Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa ma.”

MÁFIYU 3:8

Wú lúva veléitii ti ɣɛ náá pele w̃a sí áá ngákɛ ngáá nungáitii ngáá wú vólu yáfenga wú háá ỹɔítii mba.

KƆ́L̃E GƆ́LƆI HELE KÉLEI 6:17

Ndemɔí Ngála i ndengɔ́, i ɣɛ ta, “Hiɣe ti volú, yí bɔ́wɔ béteve ti wa. Yaá faa fíli kɛ́ sí kpálo áá ɣɛ́ mba, laáva ngáá lókohei náa í wu.

MÁFIYU 23:13

Kɛ Jísu i ɣɛa ti w̃a, “Suu vá tɔ vá ɣɛma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiaitiini, wɛ́i wáá Ngala fái lá yaah̃ú kɛ́ aa wú líi h̃u! Wá lɔ wú Ngalángi w̃ásandai góngi laabɔ́lungɔ nungáá lúwɔ, kɛ́ wá bútei wáá lɛɛmá ná kɛlaa wɔ́ɔ́ bé sítii mba táá yákpa ngáá ti lɛ́ na, tɔɔ lɛ́. [

FAA YÁKƐ KƆ́LƆI 20:15

Sítii ti laahéingi vɔnɛ́ngɔ áá ɣɛ́i la kúnafɔ lɛ́ɛ́h̃u gɔ́lɔi h̃u tí tí vílini ngɔmbu hó ngwálai sí ya.

FÉLEPA 3:19

Tiyá lɔɔ vá liimá njahááma bɔw̃álale, ti ndá yálangi waa ngáá, sí ti longɔ́ lá ti luwúi hááw̃a ɛ́ɣɛ ngetéyangi h̃uu háitii. Taá h̃uubákpa ngáá sí kule í ti w̃a ti wúfe lá.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

TI GƐ́Ɛ́ HAÍTII 3:19

Kɛ a volú yafé hɔ́ɔ́ wú háá ỹɔítii mba, wú vóte Ngalá mba kɛinɔɔ́ wú háá ỹɔítii ti wúya wú w̃á,

FAA YÁKƐ KƆ́LƆI 20:3

Malékai i Setána víli ndowá wálai na h̃u kpu ngáá mba í ndaabɔ́lu ma, í sítɛnga, i lokovó ndó mba. I ná ɣɛ́ni kɛinɔɔ́ álaa mɔ́ɔ nuu fíli ngákpolowa ngeléi sí wu í ló su kpóloo fówo tásu ngiláángi sí í víla. Ná fówo tásu ngiláángi áá víla, taá bé mba kuu h̃úú lukpúngɔ hááw̃a.

NJƆÚ HESENDAA GƆLƆÍ 5:19

A mú súúwɔlɔ ngáá muỹá lɔ́ ngáá Ngalángi ndá núngaa aáva mu súúwɔlɔ ngáá nungáá vékaitii kpɛ́lɛɛ tí ngeleí sí wu tiyá lɔ́ Nyaama W̃ɔ́i wu.

MÁFIYU 25:46

Jísu woo yápumai faanɛ́ɛ́ngi sí h̃u, i ɣɛi ta, “Aáva taá li kúnafɔ w̃áánɔw̃ɔi h̃u. Kɛ́ sítii pa tí ngáá telembo mbélaitii taá lí kúnafɔ lɛ́ɛ́h̃ui h̃u.”

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

LÓÓMI 9:22

Ngimɔ́ɔ́ nɔ́ɔ í ná kɔwɔ́ato sí wa Ngalá ngí kɛ́ngɔ. Ngalá ngí ɣɛngɔ́ lói í ngi lííyaw̃al̃ai taá ngí yákpangi yákɛ sítii maa véle w̃a kule í ɣɛ́ngɔ ti w̃a ti ɣɛ kíli í ỹááni. Kɛ́ áá ɣéle, háwui ɔ́ɔ́ kɛ ɔ́ɔ́ ná ɣɛ, aá ɣéle i liilɔ́lɔngɔ ti hái ya.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:33

Ngimɔ́ɔ́ nɔ́ɔ jɔ́ í ná, wú tá fíli su, nuí ɛ́i ɣɛ́ gíkulai sí kpɛ́lɛɛ sú áá ɣɛ́ ngeyá, maa w̃ɔɔ́ ɛi ɣɛ ngáá pólu w̃ɔ́ɔ.”

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:33

Ná Iláijani ngaa Muusé tí ɣɛ́i taa híɣe Jísu bela ngáá ti lí, kɛ Pítɛ í ɣɛ́a Jísu w̃a, “Kaamɔ́ɔ́, pangɔ́ɔ́ le a mu hááw̃a ngáá a mu ɣɛ́ mbéinda. Bɛlɛ́ ní kpabá sáángɔ lo. Ngilángi aa ɣɛ í hááw̃a, ngilángi i Muusé hááw̃a, ná vólu, ngilángi i Iláija haaw̃a.” Kɛ́ Pítɛ laá gítei áá ɣɛ́i kɔlɔ́ sí í ɣɛ́i áá nde.

MÁFIYU 7:14

Kɛ́ geétii í peleí sí h̃u áá lí tɔɔỹaá lɛɛh̃úi ŋál̃a, ndaa bɛ́ɛ́ngɔɔ lé, aáva maa vélei h̃uu híyalai bangɔ́ɔ́ lé. Nungáitii pá taa pélei sí lɔ, taá bíh̃i.”