MÁFIYU 7:11 - Kɛ́lɛ Niinaí

¹¹ Kɛ kíya bɛ́lɛ wú ngáá nuu ỹɔ́u ỹɔ́ungaa, kɛ́ wú náá wɔlɔ́ kíya wáá ŋani vandá hé wú léngaitii ngeyá, kɛlaa maa wú Kɛ́ɛ́ɣɛ Ngalá í ngelegóóh̃u, laa ɣéle p̃ɛ́ɛ́ aa ŋani vanda hé bih̃í sítiini ngeyá taá mɔɔní faaw̃a!

MÁFIYU 7:11 Iomraidhean Croise

MÁFIYU 23:9

Aáva wálaa ɣɛ́ nuu fíli má Kɛ́ɛ́ɣɛ ngeleí sí wú, bɔw̃álale Kɛɛɣɛí lɔ wú yáa yíla kpé aáva aá lɔ ngelegóóh̃u.

MÁFIYU 7:10

Baa wáá nyakugáálii he ngeyá ná áá wú hɛ́li nyɛɛ hááw̃a?

NJƆÚ 3:16

Sífaa, Ngalá ndóngɔ ngáá nuu búsai ngwala ná lɔ́ í kɛ́ni í ngi H̃íỹɛndou Lou yiláá kpéngi lɔ́veni ngáá nuí fíli áá lá ngáá ngi H̃íỹɛndou Loí ɛi saa w̃ááhɔlɔ kɛ́ aa kúnafɔ lɛ́ɛ́h̃ui w̃ááhɔlɔ.

LÓÓMI 3:19

Ní kɔ́lɔ náa ngáá sí kínɛi í Ngala sávai h̃u tiyá lɔ́ ná sítii fááw̃a tí maa hávai wu. Maa hávai vá tɔ na ngáá kɛinɔɔ́ ngooh̃úgula w̃áá álaa ɣɛ́ nuu fíli mbá, ná vólu, kɛinɔɔ́ Ngalángi gɔ́sɔngi í ló nuu kpɛ́lɛɛ mbá.

LÓÓMI 3:9

Faalɔ, muỹɛ́i mú ngáá Júsuaitii, kɛ mú gulangɔ́ɔ́ lé faa h̃u í lɔ́ve nungáá vékaitii mbá Ngala ngááh̃u? Aá h̃íí ná kulo bɛ́lɛ sífaa ní ngákɛa ngáá kɛ Júsuaitii ɛ́ɣɛ sítii taa ngáá Júsua a mu lɔ́ngɔ a muỹá lɔ́ ngáá faa ỹɔ́u yélaa.

LÓÓMI 8:32

Ná Ngála ngáá bái h̃u, kɛ́ láá ɣéle, í lókogula ngi H̃íỹɛndou Loí h̃u ngáá saáɣa a mu haáw̃a, ná ná áá ɣɛ́, kɛ bɛɛ́ lɔ́ náá hɔ́ɔ́ áá bááh̃aa lokogúlama su ngáá í fé mu yɛ? Aá ɣéle p̃ɛ́ɛ́, aa ŋani kpɛ́lɛɛ fé mú yaá ngi háá bɔwɔí w̃áá véle w̃a.

GALÉSIYA 3:22

Pɔnɛngɔ́ɔ́ lé Ngalá Kɔ́lɔi h̃u ngáá faa ỹɔ́i lɔ áá nuu kpɛ́lɛɛ ngúto ngelewu, kɛinɔɔ́ kuulongí Ngala ngí mbóngɔ maahɔ́lɔ péle i ngáá ndangí nuu áá ɣɛ́ su ngáá Jísu Kílisitii í hé sítii ngeyá nda ngáá ɣɛ́ tí h̃u.

JIMISÍ 1:17

Faa vándai fíli a maá maahɔ́lɔ aáva tɔmbema w̃áá fíli ɛ́i ɣɛ́ mba, kɛ ná i gulangɔ́ ngelegóóh̃u. Ngalá pá tɔ áá ɣɛ́ féi a mu yaá, lɛ́i í ŋániaitii kpɛ́lɛɛ kpátɛngɔ tí ngeleya táá hólo, lɛ́i nɔ́ɔ́ mɔ́ɔ́ ɛ́i faa lé ɔ́ɔ́ síɣe ma ngáá volú yáfendaa kɛ kíya folói áá vólu yáfe kpindíí áá vɛ́lɛ.

NJƆÚ HESENDAA GƆLƆÍ 3:1

A tɔ lɛ́ɛ kíya Kɛɛɣɛí Ngalá ndóngɔ ngwala ngáá mú ye. Ndongí í su ngáá mú ye ngwala yabɔ́ɔ́lɔngɔɔ lé ná lɔ í kɛ́a p̃ɛ́ɛ́ taá mu lolí ngáá Ngalángi léngaitii aáva p̃ɛ́ɛ́ a muỹá lɔ́ ngáá ngí léngaa. Nungái sítii tí ngáá ngeleí sí wúu yélai taá kɔ́lɔ ngáá ele gíte waa ngáá mú ye sífaa nápa taá ɣɛ́ngɔ Ngalá kɔ́lɔ ngáá ele gíte waa ngáá laá.

NJƆÚ HESENDAA GƆLƆÍ 4:10

Ndongí gítei aa ngáá ndongí mu sú ngáá Ngala kɛ́ aá wáa ngáá ndongí Ngala ngí su ngáá mu ye í ngi H̃íỹɛndou Loí lɔ́vengɔ ma ngáá saáɣa a mu háá ỹɔítii suuhaaló fááw̃a.