MÁFIYU 6:9 - Kɛ́lɛ Niinaí

⁹ Faalɔ, ngimɔ́ɔ́ kule í wú w̃á wú Ngalá fɛ́li, wáá ɣɛ́ ta, ‘Ni Kɛ́ɛ́ɣɛ Ngalá yɛ́i yí ngelegóóh̃u, kɛ kái ngáá háwu nungáá ti wúfe í w̃a.

MÁFIYU 6:9 Iomraidhean Croise

MÁFIYU 10:29

Kɛ́mbɛ w̃ɔ́ni gúlo gúloai taá ɣɛ́ féle wú ti yaá nɔ́ɔ ngáá kápa ngilaa kpé? Kɛ́ ná fíli su ngiláá kele tɔ ɛi gula ndɔwɔlɔ́ wa, ná wú Kɛ́ɛ́ɣɛ Ngalángi ɛi ɣɛ luw̃ái ma.

MÁFIYU 23:9

Aáva wálaa ɣɛ́ nuu fíli má Kɛ́ɛ́ɣɛ ngeleí sí wú, bɔw̃álale Kɛɛɣɛí lɔ wú yáa yíla kpé aáva aá lɔ ngelegóóh̃u.

MÁFIYU 26:29

Kɛ i mɔɔ ɣɛa ti w̃a, “Ngí tɔɔỹái le wú w̃á, ndɔí sí í kɔ́pungi sí h̃u, ngɛ́i mɔ́ɔ ngi híí bɔle í ló su kpóloo kɛ folói sí ngáá ngí níínai bɔ́le maa wúyeni ní Kɛ́ɛ́ɣɛ w̃ásandai h̃u.”

MÁFIYU 26:42

Kɛ Jísu i mɔɔ liinga, í Ngala fɛ́li, i ɣɛ ta, “Kɛɛɣɛ́, ná maanɔw̃ɔ́ gɔ́pungi sí ɛ́i ɣɛ́ áá gúla ngéya kɛ nɔ́ɔ w̃ɛ́ɛ́ ngí maanɔw̃ɔ́i sí yéɣe, sí i lóngɔ la í ɣɛ́.”

MÁFIYU 5:16

Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

MÁFIYU 5:48

Faalɔ, kɛɛlɛ́ ngá laa ɣɛ́ wú gɛ́ɛ́hɔ pándai wa, kíya nɔ́ɔ wú Kɛ́ɛ́ɣɛ Ngalá ngí ngelegóóh̃u kɛɛlɛ́ ngáá ngi gɛ́ɛ́hɔ pandaí wa.”

MÁFIYU 6:14

Ná wáá nungáá h̃úúhaalo ti háá ỹɔítii fááw̃a taá kɛ ngáá wú ye, wú Kɛ́ɛ́ɣɛ Ngalá í ngelegóóh̃u laá bɛ́lɛ aa wú háá ỹɔítii suuhaaló.

MÁFIYU 6:6

Kɛ́ ná wáá ɣɛ́ wáá Ngalá fɛ́li, a lí wú láá lómuitii su, wú wú vɛ́lɛitii ndaabɔ́lu, wú wú Kɛ́ɛ́ɣɛ Ngalá fɛ́li lɛ́i nuu ɛ́i tɔ. Aáva wú Kɛ́ɛ́ɣɛ Ngalá pa áá tɔ sí wáá kɛ ndɔɔwu h̃ú aá lɔ́ɔ vá wú w̃ááyangi héma.

MÁFIYU 7:11

Kɛ kíya bɛ́lɛ wú ngáá nuu ỹɔ́u ỹɔ́ungaa, kɛ́ wú náá wɔlɔ́ kíya wáá ŋani vandá hé wú léngaitii ngeyá, kɛlaa maa wú Kɛ́ɛ́ɣɛ Ngalá í ngelegóóh̃u, laa ɣéle p̃ɛ́ɛ́ aa ŋani vanda hé bih̃í sítiini ngeyá taá mɔɔní faaw̃a!

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:18

Nyá lɔɔ yóóɣe ngí yangáima volú ní kɛ́ɛ́ɣɛ yéle, ngí ɣɛ́ ma, Kɛɛɣɛ́, ngí faa ỹɔ́u ɣɛ́a ngáá í ye ɛ́ɣɛ Ngalá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:21

Kɛ ngi lóu i ɣɛa ma, ‘Kɛɛɣɛ́, ngí fáa ỹɔ́u ɣɛ́a ngáá í ye ɛ́ɣɛ Ngalá. Ngáá mɔ́ɔ kulaɣɛí ngáá nuú yáa tolí ngáá í lóu.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:14

“Ngufema í ɣɛ́ Ngalá mbɛ́ lɛ́i i ngelegóóh̃u, ndiiheí va í ɣɛ́ ngeleí sí wu nuu búsaitiini mbɛ ndiilɛ́ingɔ ti haáw̃a.”

NJƆÚ 20:17

Jísu i ɣɛi ma, “Yaa hóu mbá yɔ́ɔ́ kpá mbéinda sífaa, ngáá nɛ́ɛ́ yangáimai ní Kɛ́ɛ́ɣɛ yelé. Kɛ́ aá ɣéle, lí ni mbálangaitii ngelé, yí nde ti w̃a ngáá kɛ nyá lɔ́ɔ yangáima ní Kɛ́ɛ́ɣɛ yelé, lɛ́i í ngáá wú Kɛ́ɛ́ɣɛi, ní Yálangi, lɛ́i í ngáá wú Yálangi.”

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

LÓÓMI 8:15

Maa Ỹínangi ɛi kɛ ngáá háwu wɔɔ ɣɛ́ ngáá nduwɔ lopóa ɣɛ́ kíli Ngalá ngeyá wɔɔ ɣɛ́ wáá lúwa mba. Kɛ́ áá ɣéle, áá kɛ ngáá háwu wú ɣɛ́ ngáá Ngalángi léngaa, a múwaa tóli ngáá a mu kɛ́ɛ́ɣɛ.

GALÉSIYA 1:1

Nyɛ́i ngí ngáá Pɔ́ɔ, nyá lɔ́ ngáá kɔlɔí sí vɔ́nɛ wú yéle wɛ́i wú ngáá Ngala fɛ́li mbélai wú Galésiya lataí h̃u. Nuu búsa láá le ɔ́ɔ́ kɛ́ ngáá Ngalángi gééla kɛlaa maa ɔ́ɔ́ gúla nuu búsa háwu h̃u. Kɛ́ Jísu Kílisitii ɛ́ɣɛ Kɛɛɣɛí Ngála, lɛ́i í Jísu wuyoɣéngɔ sái h̃u, tiyá lɔ tí lókolongɔ mbá ngáá Ngala kééla. Wɛ́i wú Galésiya lataí h̃u ngáá Ngala fɛ́li mbélaa, ni há wú w̃á naá mu mbála Yála fɛ́li mbélaitii kpɛ́lɛɛ ni mbéinda.

GALÉSIYA 4:6

Sífaa wú ngáá Ngalá ndéngaa kíya nɔ́ɔ ní na, i kɛngɔ́ ngáá háwu ngi H̃íỹɛndou Loí Ỹínangi í ɣɛ́ mu volú, lɛ́i áá kɛ ngáá háwu aa maá Ngala tóli ndaanɛɛ h̃u, maa ɣɛ́ tá, “Kɛɛɣɛ́, Kɛɛɣɛ́.”

TÍMOTI HESENDAA GƆLƆÍ 6:16

Ngalá ngílaa kpé pá tɔ ɛ́i há kúnafɔ, aá lɔ lámbo fo ngwalaí sí yá nuu fíli ɛ́i hómbo ɔ́ɔ́ bɛ́ɛ́ mba. Nápa nuu fíli áá nɛɛ tɔ́i, nuu fíli pá ɛi hómbo ɔ́ɔ́ tɔ kúnafɔ. Bɛlɛ́ ngufema í ɣɛ́ mbɛ, ngákpa ngí ɣɛ́ ngeyá kúnafɔ! Amíína.

PÍTƐ HESENDAA GƆLƆÍ 1:17

Ná wáá ɣɛ́ wáá Ngalá fɛ́li, wáá ɣɛ́ ma Kɛ́ɛ́ɣɛ. Laáva laá lɔ́ áá nuu kpɛ́lɛɛ kɔ́sɔ. Ɛi to polú fíli mbó ngi gɔ́sɔngi h̃u, kɛ́ aá ɣéle, kíya fíli nuu nda gɛ́ɛ́ haí áá ɣɛ́ na, ngimɔ́ɔ́ áá í wááleve, faale, a ngufema hé mbɛ nduwá mba h̃ú kúnafɔ ná wu ngélewu.

FAA YÁKƐ KƆ́LƆI 4:11

“Ni Lemɔ́i ɛ́ɣɛ ni Yálangi, yá lɔ́ í gúlaɣɛngɔ ngáá nuu ngáá yí sɛ́ɣɛɛ gula ma w̃ááhɔlɔ taá ngufema. Ná vólu, yí ndaaw̃áálɛ mááhɔlɔ í yákpangi hááw̃a. Sífaa yí ngélewu kpɛ́lɛɛ kpátɛngɔ aáva i ɣɛngɔ ngáá í háá h̃úubatɛ ngáá yí kɛ́ngɔ ngáá háwu tí ɣɛ́ na aáva yí ndɛɛh̃ú vú tí h̃u.”

FAA YÁKƐ KƆ́LƆI 5:12

Tí ngúle hɔ́ɔ́lɛni wóo wála h̃u. Tí ɣɛ́i taá ɣɛ́ ta, “Mbáálai paangɔ́ í ɣɛ́ngɔ la áá lɔ́ kúlaɣɛngɔ ngáá í sɛ́ɣɛɛ gula ma w̃ááhɔlɔ taá ngufema. Ná vólu, í ndaaw̃áálɛ mááhɔlɔ ngí yákpangi hááw̃a, ngí bátɛi hááw̃a, ngí géle ɣelengi hááw̃a, ɛ́ɣɛ ngi h̃úúbangi hááw̃a!”