MÁFIYU 6:7 - Kɛ́lɛ Niinaí

⁷ Wú Yála fɛli ngói h̃u, wálaa ɣɛ́ wáá ngoo bɔ́w̃a nde bih̃í kíya sítii taa Ngalá fááw̃a taá kɛ. Taa ná ɣɛ́ bɔw̃álale ti gi ma ná ti Yála fɛ́li ngói h̃uu áá ɣɛ́ gooh̃á, Ngalá ngáá ti woo ỹɛ́ni náa.

MÁFIYU 6:7 Iomraidhean Croise

MÁFIYU 18:17

Ná ɛ́i ɣɛ́ kɛ́ni ɔ́ɔ́ wólilo tí w̃a, kpɛ́lɛɛ súúɣɛ ngáá Ngala fɛ́li mbéla vekáitii. Ná ɛ́i ɣɛ́ wóliloi tí w̃a, ngeɣé ngáá nuí sií w̃ɔ́ɔ áá ngáá Ngalá fɛ́li mɔɔ ɣɛ kíli ɔɔ pava gula mɔ́ɔ́ ɣɛ kíli gɔ́mɛtii háaw̃a.”

MÁFIYU 26:39

Kɛ Jísu i liingá kulo kélei má, í bɔwɔ́ gúla ndɔwɔlɔ́i wa í ya pɛ́lɛ, í Ngala fɛ́li, áá ɣɛ́ ta, “Kɛɛɣɛ́, ná wɔ́lii áá ɣɛ́ ngáá í lúw̃ama h̃úu háa, maanɔw̃ɔ́ gɔ́pungi sí gúla kái ngéya. Kɛ́ ná fíli sú, nyá ngáá ɣɛ́i sí ndóngɔ í ɣɛ́, kɛ́ sí i lóngɔ la í ɣɛ́.”

MÁFIYU 26:42

Kɛ Jísu i mɔɔ liinga, í Ngala fɛ́li, i ɣɛ ta, “Kɛɛɣɛ́, ná maanɔw̃ɔ́ gɔ́pungi sí ɛ́i ɣɛ́ áá gúla ngéya kɛ nɔ́ɔ w̃ɛ́ɛ́ ngí maanɔw̃ɔ́i sí yéɣe, sí i lóngɔ la í ɣɛ́.”

MÁFIYU 26:44

Jísu í mɔ́ɔ ti lo í lí Ngalá fɛ́lindai háwa kélei hááw̃a. Ngoí sítii í ndéni Ngala fɛ́li ngói h̃u hése, í mɔ́ɔ ti lení nɔ́ɔ jɔ́.

MÁFIYU 6:32

Sífaa, faí sítii tɔ sítii ti ngáá ngeleí sí wú yélai taa bála kpála la. Kɛ́ wú Kɛ́ɛ́ɣɛ Ngalá ngí ngelegóóh̃u i kɔlɔ́ ngáá sítii kpɛ́lɛɛ ngi wála tɔ wú wa.

TI GƐ́Ɛ́ HAÍTII 19:34

Kɛ́ ná tí ngatɔ́ni ngáá kɛ laá lɔ ngáá Júsu w̃ɔɔ, ti kpɛ́lɛɛ tí woo gúlani w̃ɔl̃íma ngáá ngoo yílaa háwa félengɔ laa lówah̃u táá ɣɛ́ ta, “Átimi lɔ ngwala yakpangɔ Ɛ́fɛsɔ taí h̃u.”