MÁFIYU 6:3 - Kɛ́lɛ Niinaí

³ Kɛ́ ná wáá ŋani he nyaani w̃ɔ́ɔ yaá, waá kɛ nuu fíli ɔ́ɔ́ ɣɛ́ faa wɔ́lɔ mba kulo bɛ́lɛ.

MÁFIYU 6:3 Iomraidhean Croise

MÁFIYU 12:19

Ɛi ɣɛ áá maaɣaalí gúla, ɛi ɣɛ áá kpándɛ wo, kɛlaa ɔ́ɔ́ ɣɛ́ áá njɛpɛ walá wala lé peleítii ma taí h̃u.

MÁFIYU 6:2

Faalɔ, ná wáá ŋani he nyaani yélaa yaá, wálaa ɣɛ́ wáa nda yaah̃ú nungáá tɔɔ ɣɛ́ faa wɔ́lɔ mba, kíya nungái sítii taá Ngala fái la yaah̃ú kɛ́ aa ti lií h̃u, taá kɛ. Faa bɔ́wɔi taá kɛ, taá nda yaah̃ú ná taa ɣɛ́ Júsuai ti Yála fɛli máákpɔ wotaítii mbu ɛ́ɣɛ pele walá wálaitii ma taí h̃u. Taa ná ɣɛ́ kɛinɔɔ́ nungáá ti ɣɛ́ taá tí lɛ. Ngí tɔɔỹái le wú w̃á, ti w̃ááyangi kpɛ́lɛɛ míl̃a tí mááhɔlɔnga.

MÁFIYU 6:4

Ná lɔ́ áá kɛ́ áá ɣɛ́ ngáá ndɔɔwu h̃ú háa. Aáva wú Kɛ́ɛ́ɣɛ Ngalá pá áá tɔ sí wáá kɛ ndɔɔwu h̃ú, aá lɔɔ vá wú w̃ááyangi hemá.”

MÁFIYU 8:4

Kɛ Jísu i ɣɛa ma, “Yaá fái sí le nuu fíli má. Kɛ́ lí Ngala sááɣa gula mɔ́i yelé, í í hɔ́bɛ. Ná ná áá ɣɛ́, yáá sááɣai sí gúla náa kɛ kíya Ngala sávai í fengɔ́ Muusé yaá í ndéngɔ. Ná lɔ́ áá kɛ nungáitii kpɛ́lɛɛ taá ɣɛ́ kɔlɔ́ ngáá kɛ yí wálonga.”

MÁFIYU 9:30

Kɛ ngamá nɔ́ɔ tí yaah̃úi w̃aa i ɣɛa kpál̃au táá ỹanda lɔ. Jísu vá í ti laahíi kpááŋ i ɣɛ ta, “A waá faí sí le nuu fíli má!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:44

i ɣɛ ma, “Yálaa fái sí le nuu fíli má. Kɛ́ lí Ngala sááɣa gula mɔ́i yelé, í í hɔ́bɛ. Ná ná áá ɣɛ́, yáá sááɣai sí gúla náa kɛ kíya Ngala sávai í féni Muusé yaá í ndéngɔ. Ná lɔ áá kɛ nungáitii kpɛ́lɛɛ taa ɣɛ́ kɔ́lɔ ngáá kɛ yí wálonga.”

NJƆÚ 7:4

Nuí fíli áá ɣɛ́ lói í ɣɛ ngáá tɔwɔ́ mba w̃ɔ́ɔ́ ɛi faa ɣɛ́ ndɔɔwu h̃u, faalɔ, ná yíwaa káámaa haí sítii kɛ, bɔwɔ́ gula nungái ngaah̃ú ngetéyangi h̃u!”