MÁFIYU 6:2 - Kɛ́lɛ Niinaí

² Faalɔ, ná wáá ŋani he nyaani yélaa yaá, wálaa ɣɛ́ wáa nda yaah̃ú nungáá tɔɔ ɣɛ́ faa wɔ́lɔ mba, kíya nungái sítii taá Ngala fái la yaah̃ú kɛ́ aa ti lií h̃u, taá kɛ. Faa bɔ́wɔi taá kɛ, taá nda yaah̃ú ná taa ɣɛ́ Júsuai ti Yála fɛli máákpɔ wotaítii mbu ɛ́ɣɛ pele walá wálaitii ma taí h̃u. Taa ná ɣɛ́ kɛinɔɔ́ nungáá ti ɣɛ́ taá tí lɛ. Ngí tɔɔỹái le wú w̃á, ti w̃ááyangi kpɛ́lɛɛ míl̃a tí mááhɔlɔnga.

MÁFIYU 6:2 Iomraidhean Croise

MÁFIYU 15:7

Wá lɔ́ ngáá Ngala fáá la mbélaa yaah̃ú kɛ́ aa wú lií h̃u! Ngala ndaa háá lé mɔ́i Aisáya ndái i ɣɛi pele w̃a ná Ngalángi ngói sítii ndení ma ngáá í ndé kɔwɔ́ato wú wá, ná wáa ngáá, sí Aisáya í ndéni, i ɣɛ ta,

MÁFIYU 16:3

Ná mɔ́ɔ́ áa ɣɛ́ ngáá ngelendáá lɛtɛngí wáá ɣɛ́ ta, ‘Njɛí lɔɔ vá wáma, bɔw̃álale, ngeleí yá kpíndingɔɔ lé.’ Wáá hómbo wú ngélei yá kpéle wú ɣɛ́ kɔlɔ́ ngáá kɛ njɛí lɔɔ vá wáma hááwɔ, kɛ́ wɔ́i hómbo wɔ́ɔ fái sítii polú haalé táá híya hááwɔ!

MÁFIYU 22:18

Kɛ́ sífaa Jísu í ɣɛ́i ti gísiyai ỹɔí wɔ́lɔ, i ɣɛi ti w̃a, “Wá lɔ́ ngáá Ngala fáá la mbélaa yaah̃ú kɛ́ aa wú líí h̃u! Ndeénii le wáa ɣɛ́ wú sóu ndáá woo wá?

MÁFIYU 23:5

Taá tí háitii kpɛ́lɛɛ kɛ́ kɛinɔɔ́ nungáitii taayáa ti lɔ. Taa ngɛ́ingaitii ngili wu mba ɛ́ɣɛ ti báki su Ngala kɔ́lɔ lukpu lukpu vɔnɛngɔ́itii tí su mbɔlɔ wɔ́lɔngɔɔ. Tí njifa njifángi ɣɛ́ gooh̃a wóóh̃a ti lómangaitii mba.

MÁFIYU 23:6

Tí lói ngáá heindáá ngufemaa ỹándaitii ná taa w̃ɛ́ɛ kpɔ sú ndaaỹɛ́ mbóma. Ná vólu, tí lói ngáá heindáá ngufemaa ỹándaitii Ngala fɛli máákpɔ wotaítii mbu.

MÁFIYU 24:51

Ngi núu wálai áá faa bá ngwála la má í tɔ́ve mbéinda sítii taá ngenge fái lá yaah̃ú ti núú walaí yaah̃ú kɛ́ tɛ́i mbo, tí ná. Naa lɔ taa ɣɛ́ ná táá wɔ́lɔ, táá laangɔ́lu yámɛ.”

MÁFIYU 5:18

Ngí tɔɔỹái le wú w̃á, ná nɔɔ́ léi ngeleíni ngaa ndɔwɔlɔí sí tiyá lɔ́ na, savaí ta fíli ɛi bɛ́ nga. I lí bɛ́lɛ í tó pɛ́ɛ́sɔ laavó kúlo ɣéle tɔ mba Ngala sáva vɔnɛngɔ́i h̃u ɛi bɛ́ nga í ló su kpóloo fái kpɛ́lɛɛ í sávai h̃u í víla hitɛmá nga kp̃óu kp̃óu.

MÁFIYU 6:16

Jísu í mɔ́ɔ́ ɣɛ ti w̃a, “Ná wáá ɣɛ́ wáá sú sóu, wálaa yaah̃ú yátaba, kɛ kíya nungái sítii taá Ngalá fái lá yaah̃ú kɛ́ ɛi ɣɛ ti lií h̃ú, taá kɛ. Taá ndɔ́lɛ yaah̃uí bátɛ wa, kɛinɔɔ́ nungáá ti ɣɛ́ kɔ́lɔ ngáá tiyá lɔ́ɔ sú sóu. Ngí tɔ́ɔ́ỹai le wú w̃a, ti w̃ááỹangi kpɛ́lɛɛ míl̃a tí maahɔ́lɔnga.

MÁFIYU 6:3

Kɛ́ ná wáá ŋani he nyaani w̃ɔ́ɔ yaá, waá kɛ nuu fíli ɔ́ɔ́ ɣɛ́ faa wɔ́lɔ mba kulo bɛ́lɛ.

MÁFIYU 6:5

Ná vólu, Jísu i ɣɛ ti w̃a, “Ná wáá ɣɛ́ wáá Ngala fɛ́li, wálaa gúla ngáá nungái sítii kɛ kíli, tiyɛ́i taá Ngala fái la yaah̃ú kɛ́ ɛi ɣɛ ti lií h̃u! Tí lói ngáá londáá Júsuai ti Yála fɛli máákpɔ wotaítii mbu ɛ́ɣɛ tái h̃uu véle wala walaítii maa hɔ́kungitii su táá Ngala fɛ́li kɛinɔɔ́ nungáitii kpɛ́lɛɛ ti ɣɛ́ taá tí lɔ. Ngí tɔɔỹái le wú w̃á, ti w̃ááyangi kpɛ́lɛɛ míl̃a tí mááhɔlɔnga.

MÁFIYU 7:5

Yá ɣéle ngulu búsa wálai gúla lɛ́ɛ í ndá yááh̃ui w̃a hése, ná lɔ́ áá kɛ yí ỹándai lɔ kpál̃au ngáá yí kaa kúlo kw̃ɛ́ɛ́ngi gúla náa í mbálai yaah̃ú, yɛ́i yí ngáá faa lá mɔ́ɔ yaah̃ú kɛ́ ɛí ɣɛ í líí h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:39

Ná vólu, tí loí ngáá heindáá ngufema ỹándaitii Ngala fɛli máákpɔ wotaítii mbu. Ɛ́ɣɛ mɔ́ɔ́ tí loí ngáá heindáá ngufema ỹándaitii ná taa w̃ɔ́ɛɛ kpɔ sú ndaaỹɛ́ mbómaa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:6

Jísu i ti woo yápoteni, i ɣɛ ti w̃a, “Ngalá ndaa háá le mɔ́i Aisáya ndái i ɣɛi pele w̃a ná Ngalá ngí ngoí sítii ndéni ma ngáá í nde kɔwɔ́ato wú wá wɛ́i wú ngáá Ngala fáá la mbélaitii yaah̃ú kɛ́ aa wú líí h̃u. Ná wáá ngáá, sí Aisáya í pɔ́nɛni, í ɣɛ́i ta, ‘Nungái sítii taá wufe má laa wóó h̃u, kɛ́ ti liítii maa gooh̃ángɔɔ lé mbá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:41

Kɛ́ sí í wú gɔ́puitii su ɛ́ɣɛ wú váningitii a kpɛ́lɛɛ fé lɛ́ɛ́ sítii ngeyá ti ngáá nyaani yélaitii. Ná lɔ áá kɛ wú wúyangɔ áá ɣɛ la fó Ngalá ngaah̃ú.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:43

Suu vá tɔɔ vá ɣɛ́ma ỹɔú wú w̃a wɛ́i wú ngáá Falósiaitiini, bɔw̃álale wú lói ngáá héindaa ngufemaa ỹándaitii Ngala fɛ́li máákpɔ wotaítii mbu. Ná vólu, wú lói ngáá nungáá ti ɣɛ́ taá laalí wú w̃a ngufemaa h̃u lííwa wála waláitii.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:33

A wú hɔ́lɔ wɔlingáitii kpɛ́lɛɛ mááɣɛ wú maa gápangi he nyaani yélaitii ngeyá. A naholói sí wɔ́lii bɔwɔ́ hááw̃a ɛ́i víla. Ná waa ngáá, wú ngándɔɔlɔ mbó ngelegóóh̃u mbéi ta ɛ́i gúla mba na ɔɔ mbéi ŋuỹa w̃ɔ́ɔ fíli ɛ́i lí naa béla kɛlaa ngiliá ɣɛ́ kíli wɔlingaa tɔɔ́ mɛ,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:56

Wá lɔ́ ngáá faa lá mbélaa yaah̃ú kɛ́ ɛi ɣɛ wú líí h̃u! Ndeénii le wáá ndɔwɔlɔ́i waa ɣɛ́ kíli belé, wú ngeleí yá kɛ́ kíli belé wú hómbo wú ngi h̃úúgula maí ɣɛ ngáá sí íwaa vá ɣɛ́ma, kɛ́ wɔ́i hómbo wɔ́ɔ́ faa vólu haa lé kɔwɔ́ato fái sítii mbá tíwaa híya sí h̃uu yéteyangi h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:15

Kɛ́ Ndemɔí Jísu i ngapóteni, i ɣɛ ta, “Wá lɔ ngáá Ngala fáa la mbélaa yaah̃ú kɛ́ aa wú lií h̃u! Wú yíla ngílaangi wú mbéi, kɛ́mbɛ wáá wú níkaitiini ngaa wú hóóhaalengitii fuló Ndɛɛlɛmbó Ngála Fɛli Fóloi w̃a, wú lí ngáá ti ye njɛí h̃u njɛ hé fááw̃a ti yɛ, kɛ́lɛi?

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:46

“A w̃aah̃ú béle ngáá kaamɔítiini Ngala sávai hááw̃a. Tí lói ngáá lɔvé tɔvendáá ti lóma kooh̃aítii su kɛinɔɔ́ nungáá yááh̃u í ɣɛ́ ti wa. Ɛ́ɣɛ mɔ́ɔ tí lói ngáá nungáá taa ɣɛ́a laalí ti w̃a ngufema h̃ú lííwa wála walaítii. Ná vólu, tí lói ngáá heindáá ngufema ỹándaitii Ngala fɛ́li máákpɔ wotaítii mbu. Ɛ́ɣɛ múl̃ɔ tí lói ngáá heindáá ngufema ỹándaitii ná táa w̃ɛ́ɛ́ kpɔ sú ndaaỹɛ́ mbóma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:24

Jísu í mɔ́ɔ́ ɣɛ ta, “Wɛ́i wú bátɛngɔi sí h̃úi, suu lɔɔ vá ɣɛ́ma ỹɔ́u wú w̃á ngwala, sífaa wú wú yápɔpɔngi w̃aahɔ́lɔnga náa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:42

Yáá ɣelé ɣɛ náa í mbálai w̃a, ‘Mu mbálai, bɛlɛ́ ngí kaa kúlo kw̃ɛ́ɛ́ngi gúla í yááh̃u,’ ná yá bútei yí bááh̃aa ɣɛ má kɔlɔ́ ngáá kɛ ngulú búsa wála lɔ í ndá yááh̃ui w̃a? Yɛ́i yí ngáá faa lá mɔ́ɔ yaah̃ú kɛ́ ɛí ɣɛ í líí h̃u, yáá ɣéle ngulú búsa wálai gúla lɛ́ɛ í ndá yááh̃ui w̃a hése, ná lɔ́ áá kɛ yí ỹándai lɔ kpál̃au ngáá yí kaa kúlo kw̃ɛ́ɛ́ngi gúla náa í mbálai yaah̃ú.”

NJƆÚ 13:29

Kɛ sífaa Júdɔ lɔ í ɣɛi ngáá ti gápa ngandɔ́ɔ́lɔ mɔ́i, i ɣɛi ti lɛ́ingaa gí má ngáá kɛ Jísu i ɣɛi áá nde Júdɔ w̃a ngáá í lí í ŋaní tá yaá Ngumaawó Kúi wúya fááw̃a ɔɔ ná láá lé, í ŋani tá he ỹaani yélaitii ngeyá.

NJƆÚ 5:41

Ngáá lɛ ngóó wɔlíma nuu búsaa yaá.

NJƆÚ 5:44

Wáá ɣelé kɛ wú la ngáá ngé ná wú lókolangɔ áá ɣɛ nɔ́ɔ la tɛngí w̃a wáá mbo ngáá ỹɔw̃ɔ́ ỹɔ́w̃ɔ aáva wáá yakpáma ngáá wɔ́ɔ́ tɛ ngóó w̃aahɔ́lɔ ngeyá lɛí í ngáá Ngalá ngiláá kpéngi?

NJƆÚ 7:18

Nuí áá ɣɛ áá yɛ́pɛ bɔwɔ́ haaw̃a, aa ná ɣɛ́ ngáá í ngufema w̃ááhɔlɔ bɔwɔ́ yɛ, kɛ́ nuí sí áá ɣɛ́ áá faa ɣɛ́ ngáá nuí í tɔvengɔ́ í ngufema w̃ááhɔlɔ su, maa w̃ɔ́i lɔ ngáá tɔɔỹáá w̃ɔ́ɔ, faa fíli aa na ɔ́ɔ́ ɣɛ́ ngáá ndɛɛ́ kɔwɔ́ato mba.

TI GƐ́Ɛ́ HAÍTII 10:2

Kɔníliyani ngaa ngi vɛ́lɛ lowa wu yélaitii kínɛi, ti bɔwɔ́ gulaní kɛlɛ́ma Ngalá mbɛ. Aáva Ngalángi lúwambai i ɣɛi ti h̃u. Kɔníliya va ɔ́ɔ́ nyaani yélaitii kɔ ngwala. Aáva ɔ́ɔ́ Ngala fɛ́li hɔ́wɔ fíli.

TI GƐ́Ɛ́ HAÍTII 10:31

Kɛ i ɣɛa má, ‘Kɔníliya, í Yála fɛli ngói taá í hémbɛ wɔlingáitii yáá fe nyaani yélaitii mbɛ, Ngalá ngí lókoheinga ti wu.

TI GƐ́Ɛ́ HAÍTII 10:4

Kɛ Kɔníliya i kpelénga tííŋ áá lúwa, í mɔ́ɔ́ni, i ɣɛ ma, “Ndéé le, káwalai?” Kɛ malékai i ngoo yápotenga, i ɣɛ ma, “Í Yála fɛ́li ngói taa í hémbɛ wɔlingáitii yáá fe nyaani yélaitii mbɛ, Ngalá ngí lókoheinga mbu ngáá í í wóó yápote náa.

TI GƐ́Ɛ́ HAÍTII 11:29

Kɛ́ Jísu volú yélaitii ti faa h̃uubatɛ́ mbóni ngáá sí fíli ti yákpangi áá hómbo ma bɛ́kpɛ tí fe, tí tɔve ti mbála Yalá fɛli mbélaitii sítii ngelé ti ɣɛ́i héini Judíya lataí h̃u ngáá nátii ti lóko bɔmba.

TI GƐ́Ɛ́ HAÍTII 24:17

Fowó lɛ́ingaa gulangɔ́ w̃a náa su, ngáá ɣɛ́ngɔ Jɛlúsɛl̃ɛ, kɛ́ ngí yángaimanga naa ngáá maa batɛ́ni mu mbála Yalá fɛ́li mbélaitii ngelé ti ỹááningɔi, ná vólu, ngáá ngí Ngala sááɣa wɔlingáitii fe.

TI GƐ́Ɛ́ HAÍTII 9:36

Táingi ná h̃uu vá, nyah̃ápo yiláá taa ɣɛ́ ma Tabíta, ti mɔ́ɔ́ ɣɛ ma Dɔ́ka Gilísi woí h̃u, ná wúi wáá ngáá ndɔpá í ngáá Jísu volú w̃ɔ́i ta aá lɔ́ ngáá taí sí h̃uu w̃ɔ́ɔ́ taa náá lolí ngáá Jɔ́pa. Nyah̃ápoi sí ɛ́i belé bɔ́lɔ ngáá faa bɔ́wɔ ɣɛndáá, aáva i ɣɛi áá bɔ́ nyaani yélaitii mba.

LÓÓMI 12:8

Nuí ngí ndái áá ɣɛ́ ngáá nungáá liiwúúlɛndaa, ááyaa ti liiwúúlɛ. Nuí vá ngí ndái áá ɣɛ́ ngáá ŋani hendáá nungáá yɛ́, ááyaa fé gíte ngáá ndiiwolé. Nuí ngí ndái áá ɣɛ́ ngáá í ɣɛ́ ngáá ngutuwɔ́ w̃ɔ́ɔ́, kɛ i ná ɣɛ́ ngáá hɛmbɛ́ fíli. Nuí ngí ndái áá ɣɛ́ ngáá tuva velé vánda wóndaa nungáá yɛ́, ááyaa kɛ́ kooh̃unɛ́ɛ́ w̃ááh̃u.

KƆ́L̃E HESENDAA GƆLƆÍ 13:3

Ná wɔ́lii ngɔ́ɔ́ hɔlɔ wɔlingáitii kpɛ́lɛɛ fé nungáá yaá, ná vólu, ngí bɔ́wɔ gula kɛlɛ́ma ngáá ti mɔ́ nungáá hááw̃a, kɛ́ ná ngɛ́i ɣɛ́ lói ngáá nungáá vékaa, kɛ ní gúlasuunuma fíli aa ná h̃u.

GALÉSIYA 2:10

Sí nɔ́ɔ léi tí ndéni ni w̃a, i ɣɛi ngáá ní ndí ngu ma ngáá kpɔmba wóndaa nyaani yélaitii mba tí tí h̃u Jɛlúsɛl̃ɛ. Sí vá tɔ nɔ́ɔ jɔ́ í ɣɛ́i ndíí wa ngáá ni ɣɛ́ naá kɛ.

Ɛ́FƐSƆ 4:28

Nuí fíli áá ɣɛ ngáá ŋuỹá w̃ɔ́ɔ́ í bé ŋuỹá wóndai wa. Aá ɣéle, í yénge kɛinɔɔ́ áá ɣɛ́a ŋani hɔ́lɔ sú áá ɣɛ́a bɔ́ la bɔwɔ́ wa ɛ́ɣɛ nyaani yélaitii mba.

TƐSALÓNIKA HESENDAA GƆLƆÍ 2:6

Naá kɔ́vɔi p̃ɛ́ɛ́ ngáá nɔɔ́ tɛ mááhɔlɔ nuu fíli ngéya i ɣɛi ngáá wá ɔɔ nuu vékaa ɣéle tɔ.

TÍMOTI HESENDAA GƆLƆÍ 6:18

Nde ti w̃a taayáá faa vánda ɣɛ, ná vólu, ti lóko h̃uulɔ́vengɔ í ɣɛ́ la ngwala kpɔmba hááw̃a nuu kpɛ́lɛɛ mbá. Ti ɣɛ́ ngáá nungáá taá ŋáni hé nuu yáá tɛi bóɣi kpoɣí, ná vólu, ti ɣɛ́ ngaá kɔ mbó mbélaa.

FELÉMO 1:7

Mu mbálai, ndongí í í h̃u i kɛ́a ngáá háwu kooh̃unɛ́ɛ́ wála i ɣɛ́a mbɛ́ aáva í mɔ́ɔ́ nduwúh̃ulɛ ngáá ngé ngwala. Yí kɛ́a ngáá háwu Ngalángi vóngaitii kpɛ́lɛɛ ti góóh̃u í nɛ́ɛ́ ngwala.

HÍBULU 13:16

Aáva wálaa lééw̃a faa bɔ́wɔ ɣɛndái w̃a ỹɔw̃ɔ́ ỹɔ́w̃ɔ yɛ ɛ́ɣɛ wááyaa bɔ ỹɔw̃ɔ́ ỹɔ́w̃ɔ wa sífaa, ná lɔ́ í ngáá saáɣa ɣɛ kíli áá Ngalá ndiilá.

PÍTƐ HESENDAA GƆLƆÍ 4:11

Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.