MÁFIYU 6:1 - Kɛ́lɛ Niinaí

¹ Ná vólu, Jísu í mɔ́ɔ́ ɣɛ́ ti w̃a, “A w̃aah̃ú béle ngáá wú Yála faa ɣɛndái álaa ɣɛ́ nɔ́ɔ ngáá nungáá ti yaah̃ú háa. Ná wáá ná ɣɛ, wú Kɛ́ɛ́ɣɛ Ngalá ngí ngelegóóh̃u, maaỹá fíli ɛi ɣɛ ngeyá wú hááw̃a wá bɛ́lɛ nɔ.

MÁFIYU 6:1 Iomraidhean Croise

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 16:6

Kɛ Jísu i ɣɛa ti w̃a, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii, Júsuai sítii taa ɣɛ́ ti w̃a Falósiai ɛ́ɣɛ Júsuai sítii taa ɣɛ́ ti w̃a Sájusiaitii ti ndái.”

MÁFIYU 23:13

Kɛ Jísu i ɣɛa ti w̃a, “Suu vá tɔ vá ɣɛma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiaitiini, wɛ́i wáá Ngala fái lá yaah̃ú kɛ́ aa wú líi h̃u! Wá lɔ wú Ngalángi w̃ásandai góngi laabɔ́lungɔ nungáá lúwɔ, kɛ́ wá bútei wáá lɛɛmá ná kɛlaa wɔ́ɔ́ bé sítii mba táá yákpa ngáá ti lɛ́ na, tɔɔ lɛ́. [

MÁFIYU 23:5

Taá tí háitii kpɛ́lɛɛ kɛ́ kɛinɔɔ́ nungáitii taayáa ti lɔ. Taa ngɛ́ingaitii ngili wu mba ɛ́ɣɛ ti báki su Ngala kɔ́lɔ lukpu lukpu vɔnɛngɔ́itii tí su mbɔlɔ wɔ́lɔngɔɔ. Tí njifa njifángi ɣɛ́ gooh̃a wóóh̃a ti lómangaitii mba.

MÁFIYU 25:40

Masangí aa ti woo yápote náa, i ɣɛ ti w̃a, ‘Ngí tɔɔỹái le wú w̃á, sí fíli wú kɛ́ni nungái sítii ti tá yílaa mbɛ́ ngakpá ngáa ɣɛ́i tí yɛ, kɛ́ ti ngáá ní vóngaa ɣɛ kíli, wú kɛngɔ́ mbɛ́.’

MÁFIYU 5:16

Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

MÁFIYU 5:46

Ná wáá ɣɛ́ nɔ́ɔ loí ngáá wá léé léé, kɛ ndee gúlasuunuma lɔ Ngala ngáá fé wú yáá ná hááw̃a? Sífaa, pava gula mbélaitii kele tɔ gɔ́mɛtii háaw̃a taa ná ɣɛ́ nɔ́ɔ.

MÁFIYU 5:48

Faalɔ, kɛɛlɛ́ ngá laa ɣɛ́ wú gɛ́ɛ́hɔ pándai wa, kíya nɔ́ɔ wú Kɛ́ɛ́ɣɛ Ngalá ngí ngelegóóh̃u kɛɛlɛ́ ngáá ngi gɛ́ɛ́hɔ pandaí wa.”

MÁFIYU 6:16

Jísu í mɔ́ɔ́ ɣɛ ti w̃a, “Ná wáá ɣɛ́ wáá sú sóu, wálaa yaah̃ú yátaba, kɛ kíya nungái sítii taá Ngalá fái lá yaah̃ú kɛ́ ɛi ɣɛ ti lií h̃ú, taá kɛ. Taá ndɔ́lɛ yaah̃uí bátɛ wa, kɛinɔɔ́ nungáá ti ɣɛ́ kɔ́lɔ ngáá tiyá lɔ́ɔ sú sóu. Ngí tɔ́ɔ́ỹai le wú w̃a, ti w̃ááỹangi kpɛ́lɛɛ míl̃a tí maahɔ́lɔnga.

MÁFIYU 6:9

Faalɔ, ngimɔ́ɔ́ kule í wú w̃á wú Ngalá fɛ́li, wáá ɣɛ́ ta, ‘Ni Kɛ́ɛ́ɣɛ Ngalá yɛ́i yí ngelegóóh̃u, kɛ kái ngáá háwu nungáá ti wúfe í w̃a.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:15

Kɛ Jísu i ndengá tí w̃a, i ɣɛ ta, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii í ngáá Júsuai sítii taa ɣɛ́ ti w̃a Falósiai ti ndái ɛ́ɣɛ Masangí Hɛ́lɔdi ndái.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:35

Faalɔ, a w̃ááh̃u belé ngáá wálaa ɣɛ kpíndi h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:1

Ná náá gulaní su, nuu tásu kpih̃íw̃aa tí yátɛi mba ỹanda yílaa. Ti bih̃íngɔ i ɣɛi la ngwala ngáá kɛ ti ɣɛ́i taá gɔwɔ́ lóó loó ỹɔw̃ɔ́ ỹɔ́w̃ɔ w̃a. Kɛ Jísu i pɛlɛngá yɛpɛmá volú yélaitii ngelé hése íwaa ɣɛ́ ta, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii Júsuai sítii taa ɣɛ́ ti w̃a Falósiai ti ndái. Ná waa ngáá faí taá nda yaah̃ú kɛ́ ɛi ɣɛ ti lií h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:15

Jísu i ndiní ngú ma ngáá yɛpɛndáá faŋaí ná yéle, i ɣɛ ti w̃a, “A w̃aah̃ú béle ngáá wálaa ŋani fíli máa lii víli goo ya. Sífaa nuu yí bɔ́ɔ́ batɛ́ í hɔ́lɔ wɔlíngi í w̃ɔ́lu í w̃á ná ɛi kɛ ngáá háwu í lɛ́ɛ́h̃ui ɔ́ɔ́ ló na.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:15

Kɛ Jísu i ɣɛa ti w̃a, “Wáa bɔ́wɔ gúla nungáitii ngaah̃ú ngáá kɛ wá lɔ ngáá nuu vánda, kɛ́ Ngalá ngí kɔlɔ́ sí í wú líítii su. Sí áá núu búsai yaah̃ú laahé ngwála ɛi hei Ngalá ngaah̃ú kɛlaa ɔɔ ló la.

NJƆÚ 12:43

Nungái nátii ti ɣɛ́i loí ngáá tɛngí nuu búsai ɔ́ɔ́ mbo ngáá ti ye í lɔ́ve sí wa Ngalá kíte ɔ́ɔ́ ti lɛ.

NJƆÚ 5:44

Wáá ɣelé kɛ wú la ngáá ngé ná wú lókolangɔ áá ɣɛ nɔ́ɔ la tɛngí w̃a wáá mbo ngáá ỹɔw̃ɔ́ ỹɔ́w̃ɔ aáva wáá yakpáma ngáá wɔ́ɔ́ tɛ ngóó w̃aahɔ́lɔ ngeyá lɛí í ngáá Ngalá ngiláá kpéngi?

TI GƐ́Ɛ́ HAÍTII 3:12

Ná Pítɛ í nungáitii tɔ́ni, i ndení ti w̃a, i ɣɛ ta, “Ísulɔ yeláitii, ndeénii le sí í ɣɛ́a ngáá wú gɔ́ɔ́lamba h̃ú háa? Ndeénii le wáá wɔ́lɛ ni wa tííŋ? Laá lɔ wú gí ma ngáá kɛ ni bɔwɔ́ bɔ́wɔ yákpa tɔ ɔɔ ni gɛɛhɔ́ pánda lɔ í kɛngɔ́ siỹɛndópoi sí í híyanga?

GALÉSIYA 6:12

Nungái sítiini táá kpa wú w̃á ngáá kulé ngáá ti wú lɔ́ve pɛlɛ́ vólu, tiyá lɔɔ sí ɣɛ́ kɛinɔɔ́ Júsuai tí lókohei ti wu. Laáva sí í kɛ́a léi tíwaa sí ɣɛ ma aá wáa ngáá kɛinɔɔ́ tálaa faa bá maahɔ́lɔ keela wóo léndai h̃u kɔwɔ́ato Kílisitii váándai wa kúlɔsii w̃a.

HÍBULU 11:26

Nganguféngi í ɣɛ́i áá va lamá kákala ngáá maanɔw̃ɔ́ Ngalángi Lókolo Mbá W̃ɔ́i hááw̃a, í ná yéɣei ngáá faa vánda í lɔ́ve Íjepi batɛítii mba bɔw̃álale, ki ngí ɣɛ́i ngi w̃ááỹangi wa í ɣɛ́i áá va maahɔ́lɔma.

HÍBULU 2:1

Ná lɔ́ í kɛ́a kɛ a mú wóliɣɛ Ngalá kééla woí w̃a mú maahɔ́lɔngɔ tɔɔỹaá gálambo sú ngáá kɛinɔɔ́ a mɔ́ɔ́ va híɣe Ngala pélei wa.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

NJƆÚ GƆ́LƆI HELE KÉLEI 1:8

Faale, a w̃aah̃ú béle gíte ngáá pangɔ kɛinɔɔ́ wɔ́ɔ́ va wála sí w̃a ni yéngenga ma ɛ́ɣɛ wú kúlasuunumai w̃aahɔ́lɔ ngáá ngafɔ́ningɔ.