MÁFIYU 5:9 - Kɛ́lɛ Niinaí

⁹ Nungái sítii tíwaa ndowah̃u batɛ́ mbo, aá lɔ́ ngáá faa vánda ti haáw̃a, sífaa Ngalá tɔ́ɔ vá lokohéima tí wu ngáá ngi léngaa.

MÁFIYU 5:9 Iomraidhean Croise

MÁFIYU 5:45

Ná lɔ́ áá kɛ wáá ɣɛ́ ngáá Ngala ndéngaitii lɛ́i í ngáá wú Kɛ́ɛ́ɣɛ í ngelegóóh̃u, sífaa Ngalá tɔ́ áá kɛ ngi hóloi í hólo tuva velé vánda yélaitii ɛ́ɣɛ tuva velé ỹɔ́u yeláitii ma tɔ́iŋ kpéiŋ. Ná vólu, aa njɛí wa tɔ́iŋ kpéiŋ sítii mbɛ taá faa vánda ɣɛ ɛ́ɣɛ sítii mbɛ taá faa ỹɔ́u ỹɔ́ungi ɣɛ.

MÁFIYU 5:48

Faalɔ, kɛɛlɛ́ ngá laa ɣɛ́ wú gɛ́ɛ́hɔ pándai wa, kíya nɔ́ɔ wú Kɛ́ɛ́ɣɛ Ngalá ngí ngelegóóh̃u kɛɛlɛ́ ngáá ngi gɛ́ɛ́hɔ pandaí wa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:36

Aáva tɛí mɔ́ɔ ha kúnafɔ, sífaa taá ɣɛ́ náa ngáá malékaitii kɛ kíli. Taá ɣɛ́ ngáá Ngalángi léngaitii sífaa taá ɣɛ́ yooɣéni sái h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:35

Kɛ́ a ló ngáá wú wááhilima yélaitii, wú faa bɔ́wɔ ɣɛ́ ti yɛ, wú kule vɛ́lɛ ti w̃a, aáva wú gí ngálaa ɣɛ́ na ngáá kɛ wáá ŋani fíli sɔ́lɔ ti yaá múl̃ɔ volu. Ná ná áá ɣɛ́, wú gúlasuunumai ya ngáá ɣɛ wɔɔlɔ ngwala aáva wáá ɣɛ náa ngáá Ngalá ndéngaitii lɛ́i í ngáá Ngutuwɔ́ Yála Ngwalaí, bɔw̃álale aa sítii ngaah̃ú w̃ááw̃aanu hóu taá faa bɔ́wɔ wuu wɔlɔ́ aáva ti ỹáámangɔ.

TI GƐ́Ɛ́ HAÍTII 7:26

Foló vékai w̃a, kɛ Muusé i vaangá, í máále Ísulɔ yelaa félengɔ tíwaa kɔ. I yakpaní kɛinɔɔ́ í ndowah̃u batɛ wo ti lówah̃u. Kɛ i ɣɛa ti w̃a, ‘Wáá le, wá lɔ ngáá nuu yílaa kpé. Ndeé le wú lóngɔ wú ỹanda héi bɔwɔ́ wa?’

LÓÓMI 12:18

Aáva kɛ ngáá hɛmbɛ́ fíli ngooláma í ɣɛ́ í lówah̃u wáá nuu kpɛ́lɛɛ.

LÓÓMI 8:14

Sítiini Ngalángi Hɛ́ɛ́ma Ỹínangi áá tí wúto, tiyá lɔ́ ti ngáá Ngalángi léngaitii.

LÓÓMI 8:16

Maa Ỹínangi vá tɔ áá kɛ a mú ɣɛ́ suuwɔ́lɔ kpál̃au ngáá kɛ a muỹá lɔ́ ngáá Ngalángi léngaa.

LÓÓMI 8:19

Seímil̃a p̃ɛ́ɛ́, Ngalángi bátɛ wɔlingái kpɛ́lɛɛ tiyá lɔ́ɔ́ naa w̃áálɛlɛ nɔ́ɔ ngáá ndiihíka híka ngáá tí náá lɔ ngáá elení tɔ́ ti ngáá Ngalángi léngaitii.

KƆ́L̃E HESENDAA GƆLƆÍ 6:6

Kɛ́ laá ɣéle, Ngala fɛ́li mɔ́i aa li ngáá ngi mbála Yalá fɛ́li mɔ́i kóótii h̃u ngáá sítii taa ngáá Ngala fɛ́li mbélaa tí kɔ́sɔ.

KƆ́L̃E GƆ́LƆI HELE KÉLEI 13:11

Faalɔ, mu mbála Yalá fɛ́li mbélai, ní yákɛɛlɛ ngoí waa ngáá a maá lɔ́. A yakpá ngáá faa fíli álaa ɣɛ́ wú gɛ́ɛ́hɔngitii mba. A wolílo ní lááhi ngoítii ma, a ɣɛ́ ngoo yílaa su ɛ́ɣɛ wú ɣɛ́ ndiiheí h̃u. Ngalangí sí áá ndongíni ngaa ndiihéi he í ɣɛ wú lóów̃a.

KƆ́L̃E GƆ́LƆI HELE KÉLEI 5:20

Ná hááw̃a, niỹá lɔ ni ngáá Jísu Kílisitii yaah̃úi. Maá hái gúlangɔɔ lé ngáá kíya nɔ́ɔ kpéi Ngalá ngáá ɣɛ́ ngáá wú w̃áanɛɛnɛ ni w̃áá véle w̃a. Ná ni ngáá Kílisitii yaah̃ú, niỹá lɔ wú w̃áánɛɛnɛ ngáá Ngala ngí wú lówah̃u bátɛ wáá tiyéni.

GALÉSIYA 5:22

Kɛ́ sítii Hɛ́ɛ́ma Ỹínangi áá kɛ ngáá háwu taa ɣɛ́ nuu h̃u tiyá wáa ngáá, ndongí, kooh̃unɛ́i, ndiihéi ɛ́ɣɛ ndiilɔlɔ́i. Ná vólu, faa bɔ́wɔ ɣɛndái ɛ́ɣɛ tuva velé vándai, ɛ́ɣɛ tɔ́wɔbaɣai.

Ɛ́FƐSƆ 4:1

Náá hááw̃a, nyɛ́i ngí ngáá pelésina bɔw̃álale nyáá lɔ́ɔ yénge Ndemɔí Jísu yɛ, nyáá lɔ́ɔ wú w̃áánɛɛnɛ ngáá wú gɛ́ɛ́ háitii ɛ́ɣɛ wú híya veléitii tí ɣɛ́ ngáá kíya Ngalá ndongɔ́ ti ɣɛ́ na ná h̃u í wú lólini.

FÉLEPA 4:2

Yɛ́i yí ngáá nyah̃ái sí taa ɣɛ́ í w̃á Yulódiya ɛ́ɣɛ nyah̃ái sí taa ɣɛ́ í w̃á Seteki, nyá lɔɔ wú w̃áánɛɛnɛ ngáá wú ɣɛ́ ngáá nde ngilangaa Ndemɔí Jísu w̃aa véle w̃á.

KƆLƆ́SE 3:13

A ỹɔw̃ɔ́ ỹɔ́w̃ɔ háitii kúmbo h̃u, wááyaa ỹɔw̃ɔ́ ỹɔ́w̃ɔ h̃úúhaalo ná nuu háá baalɛ áá ɣɛ í gi ma kíya nɔ́ɔ Ndemɔí Jísu í mu haa ỹɔítii suuhaalóni.

HÍBULU 12:14

A yakpá kɛ́ŋɛ wú ɣɛ́ ndiiheí h̃ú wáá núngaa vékaitii kpɛ́lɛɛ, wálaa ɣɛ́ faa ỹɔ́u ɣɛ́ndaa h̃u bɔw̃álale, nuu fíli áá ná ɣɛ́, ɛi ɣɛ Ndemɔí Ngála ngéle.