MÁFIYU 5:7 - Kɛ́lɛ Niinaí

⁷ Nungái sítii tíwaa nungáá yaah̃ú w̃ááwaanu hóu, aá lɔ́ ngáá faa vánda ti haáw̃a, sífaa Ngalá tɔ́ɔ vá ti yaah̃ú w̃ááwaanu hóuma.

MÁFIYU 5:7 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 11:25

Ná vólu, ná yáá ɣɛ́ yáa Ngala fɛ́li nuu háá baalɛ mba i í gí ma, maa w̃ɔ́i w̃ááhaalo kɛinɔɔ́ í Kɛ́ɛ́ɣɛ Ngála í ngelegóóh̃u ɔ́ɔ́ í háá ỹɔítii suuhaaló. [

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:35

Kɛ́ a ló ngáá wú wááhilima yélaitii, wú faa bɔ́wɔ ɣɛ́ ti yɛ, wú kule vɛ́lɛ ti w̃a, aáva wú gí ngálaa ɣɛ́ na ngáá kɛ wáá ŋani fíli sɔ́lɔ ti yaá múl̃ɔ volu. Ná ná áá ɣɛ́, wú gúlasuunumai ya ngáá ɣɛ wɔɔlɔ ngwala aáva wáá ɣɛ náa ngáá Ngalá ndéngaitii lɛ́i í ngáá Ngutuwɔ́ Yála Ngwalaí, bɔw̃álale aa sítii ngaah̃ú w̃ááw̃aanu hóu taá faa bɔ́wɔ wuu wɔlɔ́ aáva ti ỹáámangɔ.

LÓÓMI 11:30

I ɣɛi ngáá táingi ta wɛ́i wáá ngáá Júsua wú kólo lala gúlani ngáá Ngála, kɛ́ sí h̃úi náa, í wú yááh̃u w̃ááw̃aanu hóunga bɔw̃álale, Júsuai tí kólo lala gúlanga la.

KƆ́L̃E HESENDAA GƆLƆÍ 7:25

Bɛlɛ́ náa ngí yɛ́pɛ wú yéle kɔwɔ́ato sítii mba taa nɛ́ɛ́ kɛmbɛheí h̃u. Ndemɔí Jísu aa sava hengɔ́ ngéya kɔwɔ́ato ná wa. Kɛ́ nyá lɔ́ɔ sí lé í kí ma kɔwɔ́ato mba, sífaa Ndemɔí Jísu w̃ááw̃aanu longí w̃áá véle w̃a, nyá lɔ́ ngáá tokola ma w̃ɔ́ɔ́.

KƆ́L̃E GƆ́LƆI HELE KÉLEI 4:1

Ngalángi yááh̃u w̃aaw̃aanuí w̃áá véle w̃á ni haáw̃a, i ngengengí sí hénga ní yaá, ná hááw̃a, nɛ́i yɔ́ njɔ.

Ɛ́FƐSƆ 4:32

Kɛ́ laa ɣéle, a bɔ́ ỹɔw̃ɔ́ ỹɔ́w̃ɔ wá, wááyaa ỹɔw̃ɔ́ ỹɔ́w̃ɔ yaah̃ú w̃ááw̃aanu hóu wú wú háá ỹɔítii suuhaaló ỹɔw̃ɔ́ ỹɔ́w̃ɔ yɛ kíya nɔ́ɔ Ngalángi í mu háá ỹɔítii suuhaalóngɔ Kílisitii w̃áá véle w̃a.

KƆLƆ́SE 3:12

Ngalá ndongɔ́ɔ́ lé ngáá wú ye, aáva í lókolonga wú wá ngáá ngi vóngaa. Faalɔ, a waayaa nungáá yaah̃ú w̃ááw̃aanu hóu, wú ɣɛ́ wáá faa bɔ́wɔ ɣɛ, wálaa ɣɛ́ ngáá suuwɔɔlɔ́ yélaa, ná vólu, wú ɣɛ́ lúúỹaa, wú líílɔlɔngɔ í ɣɛ́ la ỹɔw̃ɔ́ ỹɔ́w̃ɔ háitii nga.

TÍMOTI HESENDAA GƆLƆÍ 1:13

I ná ɣɛ́ngɔ mbɛ́ kíya bɛ́lɛ ngɔ́ɔ́ ngoo ỹɔ́u ỹɔ́u nde kɔwɔ́ato Jísu wa, ngí faa bá ndá ma, ngí ngɛ́ɛ́li, kɛ́ Ngalángi mááw̃aanu hóuni bɔw̃álale ngáá ɣɛ́i nɛ́nɛ laí ngáá Jísu aáva ngáá ɣɛ́i kɔ́lɔ ngáá faa ỹɔ́u lɔ́ ngí ɣɛ́i ngáá kɛ.

TÍMOTI HESENDAA GƆLƆÍ 1:16

Kɛ́ háwu sí kái kái í kɛ́ngɔ Ngalá ngí ngááh̃u w̃aaw̃áánu hóungɔ aá wáa ngáá kɛinɔɔ́ Jísu Kílisitii í ngí líílɔlɔ walaí yaah̃ú ɣɛ́ ngáá ngé nyɛ́i ngí ngáá faa ỹɔ́u yélaitii kpɛ́lɛɛ ti wúngi. Aáva ná ngí ngáá ti wúngi, í séi náá sí h̃úi w̃a í lí naa lúwɔɔ nyá lɔ́ náá ngí ngáá tɔmaséi sítii fááw̃a táá vá láma ngáá Jísu Kílisitii ngáá taa kúnafɔ lɛ́ɛ́h̃ui w̃ááhɔlɔ.

HÍBULU 4:16

Náá hááw̃a, a mu lí gíte ngáá ndiibá Ngalá kákala lɛ́i faa bɔ́wɔ í ngéya a mu hááw̃a kɛinɔɔ́ a mu ngaah̃u w̃aaw̃aanú w̃ááhɔlɔ ngeyá ɛ́ɣɛ ngi háá bɔwɔí ná a maa béɣe ma kpɔmba haáw̃a.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

JIMISÍ 2:13

sífaa nuí sí ɛ́i nungáá yaah̃ú w̃ááw̃aanu hóu, ná Ngalá ngáá ɣɛ́ ngáá maa w̃ɔ́i gɔ́sɔ ɛi ngaah̃ú w̃ááw̃aanu hóu laá bɛ́lɛ. Kɛ́ núi sí áá nuu yááh̃u w̃ááw̃aanu hóu, Ngala ngáá maa w̃ɔ́i yaah̃ú w̃ááw̃aanu hóu kɔsɔ́ su.

JIMISÍ 3:17

Nungái sítii taa kéle ɣelengí na w̃aahɔ́lɔ áá gúla Ngalá ngéya, tiyá lɔ́ tɔmbema w̃áá fíli ɛ́i ɣɛ́ ti wa. Tiyá lɔ́ nuu haa ỹɔu ɛ́i ɣɛ́ ti gi ma ɛ́ɣɛ ti ɣɛngɔ́ lúúỹaa, ti ngáá kisiya faa h̃ú yélaa. Ná vólu, ti h̃úúlaahengɔ ngáá ngaah̃u w̃aaw̃aanúmai ɛ́ɣɛ faa bɔ́wɔi. Ná vólu, tɛ́i suuwɔlɛ́ mbó ɛ́ɣɛ taa ngáá faa lá mbélaa yaah̃ú.

PÍTƐ HESENDAA GƆLƆÍ 2:10

Hése wáá ɣɛ́i ngáá Ngalángi vóngaa, kɛ́ sí h̃úi wá lɔ́ náa ngáá Ngalangí vóngaa, ná vólu, wáá ɣɛ́i ngi yááh̃u w̃ááw̃aanui wɔ́lɔ kɛ́ wú ngi yááh̃u w̃aaw̃aanuí w̃aahɔ́lɔnga naa ngeyá.