MÁFIYU 5:16 - Kɛ́lɛ Niinaí

¹⁶ Ngimɔ́ɔ́ nɔ́ɔ kule í wú w̃á wú lámbongi í hólo nuu kpɛ́lɛɛ kákala. Ná lɔ́ áá kɛ ti wú háá vandaítii tɔ, táa wú Kɛ́ɛ́ɣɛ Ngalá ndaaw̃áálɛ, lɛ́i í ngelegóóh̃u.”

MÁFIYU 5:16 Iomraidhean Croise

MÁFIYU 23:5

Taá tí háitii kpɛ́lɛɛ kɛ́ kɛinɔɔ́ nungáitii taayáa ti lɔ. Taa ngɛ́ingaitii ngili wu mba ɛ́ɣɛ ti báki su Ngala kɔ́lɔ lukpu lukpu vɔnɛngɔ́itii tí su mbɔlɔ wɔ́lɔngɔɔ. Tí njifa njifángi ɣɛ́ gooh̃a wóóh̃a ti lómangaitii mba.

MÁFIYU 23:9

Aáva wálaa ɣɛ́ nuu fíli má Kɛ́ɛ́ɣɛ ngeleí sí wú, bɔw̃álale Kɛɛɣɛí lɔ wú yáa yíla kpé aáva aá lɔ ngelegóóh̃u.

MÁFIYU 5:45

Ná lɔ́ áá kɛ wáá ɣɛ́ ngáá Ngala ndéngaitii lɛ́i í ngáá wú Kɛ́ɛ́ɣɛ í ngelegóóh̃u, sífaa Ngalá tɔ́ áá kɛ ngi hóloi í hólo tuva velé vánda yélaitii ɛ́ɣɛ tuva velé ỹɔ́u yeláitii ma tɔ́iŋ kpéiŋ. Ná vólu, aa njɛí wa tɔ́iŋ kpéiŋ sítii mbɛ taá faa vánda ɣɛ ɛ́ɣɛ sítii mbɛ taá faa ỹɔ́u ỹɔ́ungi ɣɛ.

MÁFIYU 6:16

Jísu í mɔ́ɔ́ ɣɛ ti w̃a, “Ná wáá ɣɛ́ wáá sú sóu, wálaa yaah̃ú yátaba, kɛ kíya nungái sítii taá Ngalá fái lá yaah̃ú kɛ́ ɛi ɣɛ ti lií h̃ú, taá kɛ. Taá ndɔ́lɛ yaah̃uí bátɛ wa, kɛinɔɔ́ nungáá ti ɣɛ́ kɔ́lɔ ngáá tiyá lɔ́ɔ sú sóu. Ngí tɔ́ɔ́ỹai le wú w̃a, ti w̃ááỹangi kpɛ́lɛɛ míl̃a tí maahɔ́lɔnga.

MÁFIYU 6:9

Faalɔ, ngimɔ́ɔ́ kule í wú w̃á wú Ngalá fɛ́li, wáá ɣɛ́ ta, ‘Ni Kɛ́ɛ́ɣɛ Ngalá yɛ́i yí ngelegóóh̃u, kɛ kái ngáá háwu nungáá ti wúfe í w̃a.

MÁFIYU 9:8

Ná fáŋai í sí ŋál̃a lɔní, ti h̃úúlaahengɔ i ɣɛi la ngáá nduwái, aáva tí Ngalá ndaaw̃áálɛi ngakpa táálii ná hé fááw̃a nuu búsaa yáa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:2

Jísu i ɣɛ́i ti w̃a, “Ná wáá ɣɛ́ wáá Ngala fɛ́li, wáá ɣɛ́ ta, ‘Ni Kɛ́ɛ́ɣɛ Ngalá, kɛ kái ngáá háwu nungáá ti wúfe í w̃a, ti ɣɛ́ kɔ́lɔ ngáá yá lɔ yí ngáá tɔɔỹaá Yálangi. Í w̃ásandai í vá kái í ɣɛ́ nuu kpɛ́lɛɛ mááh̃u.

NJƆÚ 15:8

A kɛ ngáá háwu ngamba bih̃íw̃aa í hɔ́lɔ wú h̃u, ná áa ngakɛ ngáá kɛ wá lɔ ngáá pólu yelaa. Ná vá tɔ áá ngákɛ ngáá kíya ní Kɛ́ɛ́ɣɛ gáámaangɔ.

TI GƐ́Ɛ́ HAÍTII 9:36

Táingi ná h̃uu vá, nyah̃ápo yiláá taa ɣɛ́ ma Tabíta, ti mɔ́ɔ́ ɣɛ ma Dɔ́ka Gilísi woí h̃u, ná wúi wáá ngáá ndɔpá í ngáá Jísu volú w̃ɔ́i ta aá lɔ́ ngáá taí sí h̃uu w̃ɔ́ɔ́ taa náá lolí ngáá Jɔ́pa. Nyah̃ápoi sí ɛ́i belé bɔ́lɔ ngáá faa bɔ́wɔ ɣɛndáá, aáva i ɣɛi áá bɔ́ nyaani yélaitii mba.

KƆ́L̃E HESENDAA GƆLƆÍ 14:25

Ti háá ỹɔítii taa ɣɛ́ ti lií h̃u kaa ngáá híɣe ma, aáva taa hítɛ wumbú ya tí Ngalá fɛ́li, táá ɣɛ́ ta, “Ngalá tɔ́ wu vólu kái kái ngáá tɔɔỹaá!”

KƆ́L̃E GƆ́LƆI HELE KÉLEI 9:13

Faalɔ, toko bɔ́mbai sí wú féa, aá lɔ́ áá ngákɛ ngáá kíya wú ɣɛ́ kíli í na, í kɛ́ nungáá tí Ngála tɛ́ kolóngi hááw̃a wú sú mbɛ áá gúla wú lé ngói h̃u ngáá wú lángɔɔ lé ngáá keela woó vándai kɔwɔ́ato Kílisitii wa, ɛ́ɣɛ wú háá bɔwɔ wala ɣɛndái Ngala fɛ́li mbélaitii mbɛ ɛ́ɣɛ nungáá vékaitii.

GALÉSIYA 1:24

Faalɔ, ti ɣɛ́i taá sɛ́ɣɛɛ gula Ngalá má kɔwɔ́ato mbá.

Ɛ́FƐSƆ 2:10

Ngalá tɔ́ í mú bátɛngɔ kíya a mú na. I mu bátɛngɔ ngáá niina kpahaí wá mú su Jísu Kílisitii wa ngáá a mú ngenge pándai sítii mbo sí í suubátɛnga náa kílii ngáá a mú tí wo.

Ɛ́FƐSƆ 5:8

Wú ɣɛ́ngɔ hése wɔ́lɔ kpíndi h̃ú, kɛ́ wú báhangɔɔ lé náa Ndemɔí Jísu wa. Wáá mɔ́ɔ kpindi h̃ú. Wá lɔ náa kala kala ma. Faalɔ, wú híya gilíítii ti ɣɛ́ náa ngáá kíya sítii taa ɣɛ kala kala ma.

TƐSALÓNIKA HESENDAA GƆLƆÍ 2:12

Ni ɣɛ́i naa wú lííwuulɛ, náá wú lííyapɔpɔ, náá nde wú w̃á ngáá wú lúva veléitii ɛ́ɣɛ wú gɛ́ɛ́ haítii tí Ngalá ndiivó lɛ́i í wú lólingɔ ngáá wú ɣɛ́ ngi w̃ásandai wu, wú ɣɛ́ múl̃ɔ ngi yákpa maanɛɛnɛɛ ngwalaí h̃u.

TÍMOTI HESENDAA GƆLƆÍ 2:10

Kɛ́ laá ɣéle, ti w̃ááyili walaí í ɣɛ́ ngáá tuva velé vándaitii táá ɣɛ́ ti h̃u kíya kule áá ɣɛ́ nyah̃ái sítii ma taa ɣɛ́ ta tiyá lɔ ngáá Ngala fɛ́li mbélaa taá kɛ.

TÍMOTI HESENDAA GƆLƆÍ 5:10

Ponyah̃ái i ɣɛ́ ngáá nuu tɔwɔ́ vánda í mba, aáva áá ɣɛ́ maakɛ pánda vungɔ́ ngí léngaitii su. I ngáá nuu áá lókohei sotángaa wu ɛ́ɣɛ í ngáá ngufema háá ɣɛ́ mɔ́ɔ́ ngí mbála Yalá fɛ́li mbélaitii mbɛ, íwaa kpɔmba hé nungáá yɛ́ taa ɣɛ́ fáá báma h̃u aáva í bɔ́wɔ gúla kɛ́lɛma faa vánda vanda bih̃íw̃aa ɣɛ́ndaa h̃u.

TÍMOTI HESENDAA GƆLƆÍ 5:25

Ngimɔ́ɔ́ nɔ́ɔ máá hái í na nuu lúva velé vándai géle tɔ nga ngáá ɣɛ́ kpál̃au ɛ́ɣɛ múl̃ɔ sí ɣéle tɔ nga ngɛ́i ɣɛ́ kpál̃au ngwala, maa ɛ́i lɔ́ɔ́wu.

TÍMOTI HESENDAA GƆLƆÍ 6:18

Nde ti w̃a taayáá faa vánda ɣɛ, ná vólu, ti lóko h̃uulɔ́vengɔ í ɣɛ́ la ngwala kpɔmba hááw̃a nuu kpɛ́lɛɛ mbá. Ti ɣɛ́ ngáá nungáá taá ŋáni hé nuu yáá tɛi bóɣi kpoɣí, ná vólu, ti ɣɛ́ ngaá kɔ mbó mbélaa.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

TÁITƆ 2:7

Táitɔ, kɛ yá bɛ́lɛ nɔ í gɛ́ɛ́ haítii ɛ́ɣɛ í lúva veleítii tí ɣɛ́ pele w̃a faa kpɛ́lɛɛ su kɛinɔɔ́ yí ɣɛ́ ngáá tɔmaseí sítii faaw̃a yáá tí galámbo. Kalambongí wo ngáá tɔɔỹaá aáva i hɛ́mbɛ í ɣɛ́ su.

TÁITƆ 3:14

Kule lɔ mu mbála Yalá fɛ́li mbélaitii ma tí ɣɛ ngáá faa vánda ɣɛ́ mbélaa ngáá taayaa kpɔmba hé sítii mbɛ maanɛ́ɛ́ngɔ áá ɣɛ́ la ngáá tí kpɔ́mba w̃ááhɔlɔ kɛinɔɔ́ ti lɛɛh̃úi í ɣɛ́ ngáá kulasuunúma.

TÁITƆ 3:4

Kɛ́ ná Ngála lɛ́i í ngáá mu Wumááwo Mɔ́i í ngákɛni ngáá kɛ aá lɔ́ ngáá faa vánda ɣɛ́ mɔ́ɔ́, ɛ́ɣɛ kíya ndongɔ́ ngáá nuu kpɛ́lɛɛ,

HÍBULU 10:24

A mu béɣe ngáá ỹɔw̃ɔ́ ỹɔ́w̃ɔ, a mu ỹɔw̃ɔ́ ỹɔ́w̃ɔ liiwúúlɛ ngáá a máa hómbo mú ndó ngááh̃u ɣɛ́ ngáá ỹɔw̃ɔ́ ỹɔ́w̃ɔ, ná vólu, a mu ɣɛ́ maá faa bɔ́wɔ ɣɛ ỹɔw̃ɔ́ ỹɔ́w̃ɔ yɛ.

PÍTƐ HESENDAA GƆLƆÍ 2:12

Wú lúva veléi w̃aanɛ́ɛ́ngɔ í ɣɛ́ la ngwala sítii ndiiwáá taa ngáá Ngala fɛ́li mbélaa. Ngáá ná bɛ́lɛ taá í yéɣe ngáá tuva velé ỹɔ́u w̃ɔɔ, taá wɔ́lɛ nɔ́ɔ í lúva velé vándaitii mba tí Ngala tɛ folói ná w̃a íwaa vá nuu kpɛ́lɛɛ kɔ́sɔma ma.

PÍTƐ HESENDAA GƆLƆÍ 2:9

Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.

PÍTƐ HESENDAA GƆLƆÍ 3:1

Ngimɔ́ɔ́ nɔ́ɔ maa hái í ná wá bɛ́lɛ nɔ wú hááw̃a wɛ́i wú ngáá nyah̃áitii wú kɛmbɛheí h̃u. A bɔwɔ́ gúla kɛlɛ́ma wú h̃íỹɛngaitiini mbɛ. A ná ɣɛ́ kɛinɔɔ́ ná ti lɛ́ingaa tɛi ɣɛ́ lái ngáá Ngalá kééla wói wú lúva velé vándai í kɛ ngáá háwu ti lá la. Wɔ́i lo múl̃ɔ p̃ɛ́ɛ́ yɛpɛmá ti yelé kɔwɔ́ato Ngalá mba kɛ́ wu lúva velé vándai ɛ́ɣɛ ngufemái wáá fé ti yɛ, laá lɔ nɔ́ɔ́ taa wɔ́lɛ mba tí lá ngáá Ngalá ná w̃aa véle w̃a.

PÍTƐ HESENDAA GƆLƆÍ 3:16

Kɛ́ wáá suugúla maa w̃ɔ́i w̃a ngufema h̃ú ɛ́ɣɛ tuva véle w̃aanɛ́ɛ́ngɔ h̃u. Aáva wú gí mai í ɣɛ́ kpál̃au ngáá fáá ỹɔ́u aa wú lúva veleí h̃u kɛinɔɔ́ ná nuu áá ngoo ỹɔ́u le kɔwɔ́ato wú lɛ́ɛ́h̃ui wa wáá suuhíya ngáá pangɔ́ sífaa wú ngáá Kílisitii volú yelaa, ngufé ngí vɛ́lɛ maa yélaitii ma.

PÍTƐ HESENDAA GƆLƆÍ 4:11

Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.

PÍTƐ HESENDAA GƆLƆÍ 4:14

Ná taa ɣɛ́ táa ngɛ́ɛ́li ngóó ỹɔ́u ỹɔ́uni nde wú w̃a sífaa wú ngáá Kílisitii volú yelái ti tá, aá lɔ ngáá faa vánda wú hááw̃a bɔw̃álale ná ná áá ɣɛ, aa ngakɛ́ ngáá Ngalángi Hɛ́ɛ́ma Ỹínangi lɛ́i ngakpángɔ ngwala aá lɔ wú vólu.