MÁFIYU 5:12 - Kɛ́lɛ Niinaí

¹² Faí nátii tɔɔ́ bɔ́ɔ́ ɣɛ ngáá wú ye, wú líílangɔ í ɣɛ́ la, wú kóóh̃unɛɛ gúla bɔw̃álale wú gúlasuunumai wála yangí í wɔ́ɔ́lɔ í ngelegóóh̃u. Ngimɔ́ɔ́ nɔ́ɔ wɔ́lɔ tɔ́ɔ faa bámaitii nda Ngalá ndaa háá lé mbélaitii má, tiyɛ́i ti ɣɛ́i wɔ́lɔ na, ná h̃u taá nɛ́ɛ ɣɛi wú léni.”

MÁFIYU 5:12 Iomraidhean Croise

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 6:16

Jísu í mɔ́ɔ́ ɣɛ ti w̃a, “Ná wáá ɣɛ́ wáá sú sóu, wálaa yaah̃ú yátaba, kɛ kíya nungái sítii taá Ngalá fái lá yaah̃ú kɛ́ ɛi ɣɛ ti lií h̃ú, taá kɛ. Taá ndɔ́lɛ yaah̃uí bátɛ wa, kɛinɔɔ́ nungáá ti ɣɛ́ kɔ́lɔ ngáá tiyá lɔ́ɔ sú sóu. Ngí tɔ́ɔ́ỹai le wú w̃a, ti w̃ááỹangi kpɛ́lɛɛ míl̃a tí maahɔ́lɔnga.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:34

Kɛ Jísu i mɔɔ ɣɛa ta, “Éé Jɛlúsɛl̃ɛ yeláitii, wá lɔ wáá Ngalá ndaa háá lé mbélaitii páa, ná múl̃ɔ áá ti lɛ́ngaa lɔ́ve wú yéle wú ti hɔ́ɔ́ ngáá kɔtu. Naa héi w̃aá í ɣɛngɔ bih̃í káka ngí ɣɛ́ngɔ ngí wú vóngaitii ngatɛ́ mba ỹanda yílaa kíya tɛɛnjéi áá ngi yívoaitii ngatɛ́ mba govóngi wu, kɛ́ wáá béngɔ mbá ngɔ́ɔ́ kɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:23

Wú góóh̃unɛɛngɔ í ɣɛ́ la ná sí áá ɣɛ́ ngáá wú ye aáva wú kóóh̃unɛɛ gúla, bɔw̃álale wú gúlasuunumai wála ya ngí wɔ́ɔ́lɔ í ngelegóóh̃u. Sífaa ngimɔ́ɔ́ nɔ́ɔ ti káwalani tí kɛ́ni wɔ́lɔ ngáá Ngalá ndaa háá lé mbélaitii.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:35

Kɛ́ a ló ngáá wú wááhilima yélaitii, wú faa bɔ́wɔ ɣɛ́ ti yɛ, wú kule vɛ́lɛ ti w̃a, aáva wú gí ngálaa ɣɛ́ na ngáá kɛ wáá ŋani fíli sɔ́lɔ ti yaá múl̃ɔ volu. Ná ná áá ɣɛ́, wú gúlasuunumai ya ngáá ɣɛ wɔɔlɔ ngwala aáva wáá ɣɛ náa ngáá Ngalá ndéngaitii lɛ́i í ngáá Ngutuwɔ́ Yála Ngwalaí, bɔw̃álale aa sítii ngaah̃ú w̃ááw̃aanu hóu taá faa bɔ́wɔ wuu wɔlɔ́ aáva ti ỹáámangɔ.

TI GƐ́Ɛ́ HAÍTII 16:25

Kuyá liiwái i ɣɛi nɔ́ɔ áá foló ma, kɛ Pɔ́ɔni ngaa Sáilɔ tiyá tɔ taá Ngala fɛ́li táa Ngalá ngúleitii sɔɔlɛ́. Aáva pelésina vekaítii ti ɣɛ́i taá wolílo ti w̃a.

TI GƐ́Ɛ́ HAÍTII 5:41

Ngalángi géélaitii ti híɣeni náa faa le mbélaitii kákala ngáá kooh̃unɛ́ɛ́, bɔw̃álale Ngalá ngi ɣɛi náa lokohéini ti wu ngáá tí máánɔw̃ɔ yéɣe Jísu haaw̃a.

LÓÓMI 5:3

Ná vólu mɔ́ɔ́, a maá góóh̃unɛɛ maanɔw̃ɔ́itii su taa lá mú w̃a bɔw̃álale, a mú súúwɔlɔ ngáá maanɔw̃ɔ́i lɔ áá kɛ a mu lii í bá.

KƆ́L̃E HESENDAA GƆLƆÍ 3:8

Nuí sí áá sii híí ŋáni hi ɛ́ɣɛ nuí sí áá njɛ́i vú ma ti yénge sawuí i yíla kpé nɔɔ́ aáva Ngalá tɔɔ vá tí w̃ááỹa féma bɛ́kpɛ ngáá nuí fíli ngi ndá yéngengi l̃ɔ́ingi áá ɣɛ́ mbóni.

KƆ́L̃E GƆ́LƆI HELE KÉLEI 4:17

Faa bɔ́lunda gúlo guloái sítii táa vá ma lɛ́mbi má múwaa w̃áánɔw̃ɔ ti wu taa kɛ ngáá háwu mú ŋáni ta w̃ááhɔlɔ mbɔɔlɔngɔ́ ngwala lɛ́i áá ló mu yaá kúnafɔ fááw̃a.

FÉLEPA 1:29

Naa gúlangɔɔ lé wú yɛ́ kɛlɛ́ma ngáá wááyaa yénge Kílisitii yɛ aa ngáá nɔ́ɔ léi ndangí wáá ɣɛ́ su lá, kɛ́ maanɔw̃ɔ́i múl̃ɔ bɛ́lɛ wáa ngéɣe fááw̃a.

FÉLEPA 2:17

Wú lángi sí wú su ngáá Ngalá wú waá maah̃ú haa ɣɛ́ mbɛ í ngeyá ngáá saáɣa ɣɛ kíli, bele pá bɛ́lɛ ní ỹááw̃ɔi áá vú maah̃u ngáá saáɣa wɔli, ná aa kóóh̃unɛɛ. Aáva ní góóh̃unɛi ná vá, a mu kpɛ́lɛɛ maá mbo.

KƆLƆ́SE 1:24

Nyɛ́i ngí ngáá Pɔ́ɔ, kóóh̃unɛɛngɔɔ lé maanɔw̃ɔ́i sí hááw̃a ngíwaa ngeɣé wú yɛ. Maanɔw̃ɔ́i sí nuu áá ngéɣe Kílisitii háaw̃a, laá lɔ́ ngíwaa ngéɣe ngáá kɛinɔɔ́ ngí ngukúla Ngala fɛ́li mbélaitii faaw̃a tiyɛ́i ti báhangɔ Kílisitii wá kíya nɔ́ɔ nuu lúwui áá ɣɛ́ nuu w̃a.

KƆLƆ́SE 3:24

A giséi ma ngáá kɛ Ndemɔí Jísu lɔɔ va wú w̃ááỹa féma ngáá sí í ngándɔɔlɔngɔ sítii mbɛ ti ngáá ngi vóngaa, sífaa Kílisitii lɔ í ngáá wú W̃ááliɣii kái káingi wáá yénge mbɛ.

TƐSALÓNIKA HESENDAA GƆLƆÍ 2:15

Júsuai tɔ nɔ́ɔ múl̃ɔ tí Ndemɔí Jísu vaaní, tí Ngalá ndaa háá lé mbélaitii páa. Tiyá vá tɔ nɔ́ɔ tí kɛ́i ni gúlai ndɔwɔlɔ́i ná h̃uu wá. Taá ɣɛ́ taá Ngalá kpáálɛ mba háá ɣɛ, ná vólu, tiyá lɔ́ ngáá nuu kpɛ́lɛɛ mbááhilimaa yélaa.

HÍBULU 10:34

Sítii tɔ́ɔ́ ɣɛ́ kpindi vɛlɛ́ wú wɔ́ɔ́ báha ti wa ti w̃áánɔw̃ɔi h̃u. Ná tɔ́ɔ́ wú yáá wɔ́lingaitii kula wú yáá, wɔ́ɔ́ lokogúla ti h̃u ɛ́i belé báálɛ wú wa bɔw̃álale, wú ɣɛ́i nɔ́ɔ́ kɔlɔ́ ngáá ŋani lɔ́ ná maanɛ́ɛ́ngɔ í lɔ́ve ná wa aá vá mbaa ngáá kúnafɔ géle.

HÍBULU 11:26

Nganguféngi í ɣɛ́i áá va lamá kákala ngáá maanɔw̃ɔ́ Ngalángi Lókolo Mbá W̃ɔ́i hááw̃a, í ná yéɣei ngáá faa vánda í lɔ́ve Íjepi batɛítii mba bɔw̃álale, ki ngí ɣɛ́i ngi w̃ááỹangi wa í ɣɛ́i áá va maahɔ́lɔma.

HÍBULU 11:33

Ndangí nungái sítii ti ɣɛ́i su ngáá Ngalá, ná lɔ́ ɔ́ɔ́ kɛ ti lápi ngáá ndɔwɔ́lɔ vékaitii tí nátii kula kɔɔ h̃u. Sí í ɣɛ́i pele w̃a Ngalá ngááh̃u, laá lɔ tɔ́ɔ́ kɛ aáva sí Ngala ngí tí guulóni lá ɔ́ɔ́ sitɛ́ nga. Ti lɛ́ingaa i kɛ ngáá háwu njalaítii tɛ́i belé faa ɣɛ́ ngáá ti ye.

HÍBULU 11:6

Aa ngáá solowo fáá ngáá nuu áá hómbo í Ngalá ndiivó fáitii kɛ ná wɔ́lii nda ngɛ́i ɣɛ́ nuu h̃u. Bɔw̃álale, nuí fíli áá lokohéi Ngala fɛ́lindai wu, kɛ maa w̃ɔ́i í lá la ngáá kɛ Ngalá tɔ́ na aáva aa sítii maaỹá fe taa lí kakála.

JIMISÍ 1:2

Mu mbála Yalá fɛ́li mbélai, í ɣɛ́ wú w̃a ngáá kooh̃unɛ́ɛ́ wála ná faa báma bih̃íw̃aa áá lá wú w̃a,

JIMISÍ 5:10

Mu mbála Yalá fɛ́li mbélai, a gisíya lɛ́ɛ́ ngáá Ndemɔí Ngalá ndaa háá lé mbélaitii wɔ́lɔ, ti ɣɛ́ ngáá tɔmaseí wú hááw̃a. Ti liilɔ́lɔngɔ i ɣɛ́i lá faa báma fíli su.

PÍTƐ HESENDAA GƆLƆÍ 4:13

Kɛ́ aá ɣéle, wú góóh̃unɛɛngɔ í ɣɛ́ la ngáá sífaa wúwaa maanɔw̃ɔ́i sí ta yeɣé Kílisitii í ngeɣéni, kɛinɔɔ́ wá bɛ́lɛ nɔ wú góóh̃unɛɛngɔ í ɣɛ́ la ngwala naa hɔwɔ́i ná w̃a íwaa vá vaamá wú tɔ ngi yákpa maanɛɛnɛɛ ngwalaí h̃u.