MÁFIYU 4:9 - Kɛ́lɛ Niinaí

⁹ i ɣɛ Jísu w̃a, “Ngáá sítii kpɛ́lɛɛ fé í yɛ́, ná yáá hítɛ wumbú ya yí fɛ́li ngáá í yálangi.”

MÁFIYU 4:9 Iomraidhean Croise

MÁFIYU 4:10

Kɛ́ Jísu i ngoo yápotei, i ɣɛ ma, “Setána, léve pólu! Pɔnɛngɔ́ɔ́ lé Ngalá Kɔ́lɔi h̃u ngáá sí, í ɣɛ́ngɔ ta, ‘Ndemɔí hɛ́li lɛ́i í ngáá í Yálangi aáva í ɣɛ́ nɔ́ɔ ngáá ngilangɔ́ kpé yáá fɛ́li.’ ”

NJƆÚ 12:31

Kɛ i mɔɔ ndengá, i ɣɛ ta, “Ngeléi sí wúu gɔsɔ́ndai lɔ náá í fóloa ma. Ngeleí sí wúu w̃ása ngwalaí va, Ngalá tɔ́ɔ vá kpɛ́ma ngeleí sí wu.

NJƆÚ 13:3

Jísu i ɣɛi kɔlɔ́ ngáá ngi Kɛ́ɛ́ɣɛ Ngala i ngakpá féa ngeyá faa kpɛ́lɛɛ mááh̃u. I ɣɛi suuwɔlɔ́ múl̃ɔ ngáá i gulangɔ́ Ngalá ngelé laáva aá lɔɔ́ yangáima Ngalá ngelé.

NJƆÚ 14:30

A mɔí mɔ́ɔ́ yɛpɛ maa wúyeni suu ɔ́ɔ́ ɣɛ́ gooh̃á bɔw̃álale ngeleí sí wuu w̃ása ngwalaí aá tɔ́ áá va. Ngi yákpa fíli aa mááh̃u,

NJƆÚ 16:11

Aá lɔ́ áá vá kɛ́ma ngáá ti ye ngáá kɛ ti gísiyaitii táa péle w̃a kɔwɔ́ato Ngalángi gɔ́sɔngi wa bɔw̃álale Ngalá ngí ngeleí sí wúu w̃ásangi gɔ́sɔnga kílii ngáá aa veléi.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

TÍMOTI HESENDAA GƆLƆÍ 3:6

Maa w̃ɔ́ɔ́ álaa ɣɛ́ ngáá nuu áá ɣɛ́ vílii Ngala fɛ́li fái h̃u nɔ́ɔ ngáá niina, sífaa, ná áá ɣɛ́ ngáá náá w̃ɔ́ɔ, aa bɔwɔ́ h̃uu ɣɛ́ wɔ́ɔ́lɔ ngwala aáva Ngalá ngáá fáá bá ndá ma kíya nɔ́ɔ í ndái Ngutuwɔ́ Ỹína Nyɔí w̃a.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 19:16

Jogbongí í ɣɛ́i ma, ndaahéingi vɔ́nɛngɔ i ɣɛi lá ma, pɔnɛngɔ́ múl̃ɔ kpálai w̃a. Ndaahéingi ná i ɣɛi ngáá sí, “Ndɔwɔlɔ́ W̃ása Ngwalaí ndɔwɔlɔ w̃ásangaitii fááw̃a ɛ́ɣɛ Ndemɔí nde mbélaitii kpɛ́lɛɛ fááw̃a.”