MÁFIYU 4:3 - Kɛ́lɛ Niinaí

³ Kɛ Ngutuwɔ́ Ỹína Nyɔí i vaangá ngéle, i ɣɛ ma, “Ná yá lɔ tí yáá ɣɛ́ ngáá Ngalángi H̃íỹɛndou Loí, kɛ nde ná kɔtuí sítiini ma ti vóte ngáá mɛɛní.”

MÁFIYU 4:3 Iomraidhean Croise

MÁFIYU 14:33

Kɛ Jísu volú yélaitii ti ɣɛ́i keléngi h̃u ti Jísu hɛlingá, ti ɣɛ́i ma, “Tɔɔỹaá kái kái té ngáá yá lɔ́ yí ngáá Ngalángi H̃íỹɛndou Lói.”

MÁFIYU 16:16

Kɛ Sáimɔ Pítɛ í ngoo yápotenga, i ɣɛ ma, “Yá lɔ́ yí ngáá Ngalángi Lókolo Mbá W̃ɔ́i ngumaawóngi hááw̃a, Ngalángi sí í ndɛ́ɛh̃ui h̃ú kúnafɔ, ngi H̃íỹɛndou Loí waa ngáá í ye.”

MÁFIYU 26:63

Kɛ́ Jísu i w̃aa ɣɛí ló. Ngala sááɣa gula mbélai ti wutúwɔɔ w̃ɔ́ɔ́ wálai ná i mɔɔ yɛpɛí Jísu yelé, i ɣɛ ma, “Ndɛɛh̃u Yálangi laahéingi h̃u, ngí í wálanga kpɛɛna mbú. Nde ni w̃a, ná yá lɔ yáá ɣɛ́ ngáá Ngalángi Lókolo Mbá W̃ɔ́i, Ngalángi H̃íỹɛndou Loí.”

MÁFIYU 3:17

Ná naa í ɣɛ́i kpɛ́ɛ́, kɛ ngoo tá í gulangá ngelegóóh̃u, ngoí ná va i ɣɛi ngáá sí, “Sí lɔ́ í ngáá ní H̃íỹɛndou Loí, ndóngɔ lá. Aá lɔ́ ndíílɛingɔ tɔ́ fááw̃a.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:1

Keela woó vándai lɔ́kula héimai lɔ kɔwɔ́ato Ngalángi H̃íỹɛndou Loí Jísu Kílisitii wa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:11

Nungái sítii ỹína nyɔu ỹɔungai tɔ́ɔ́ ɣɛ́ ti volú, ná nɔ́ɔ léi tɔ́ɔ́ Jísu lɔ, tɔ́ɔ́ gúla kɔwɔ́ wú, tí bái ngeleya, ti ɣɛ́ ma, “Yá lɔ yí ngáá Ngalángi H̃íỹɛndou Loí!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 5:7

Kɛ i woo gúlanga gbél̃eiŋ, i ɣɛ Jísu w̃a, “Jísu, ndeé lɔ í lóngɔ yí kɛ ngáá ngé yɛ́i yí ngáá Ngutuwɔ́ Yála Ngwalaí H̃íỹɛndou Loí? Véle Ngála ma ngáá yáá faa bá ndáma má!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:35

Kɛ malékai i Mɛɛloí woo yápotenga, i ɣɛ ma, “Hɛ́ɛ́ma Ỹínangi aa va í w̃ááh̃u, aáva Ngutuwɔ́ Yála Ngwalaí aa yei í w̃a. Háwui náá hááw̃a, hɛ́ɛ́ma lói sí yíwaa vá ndéma, taá tolí ngáá Ngalángi H̃íỹɛndou Loí.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:70

Kɛ nungáitii kpɛ́lɛɛ ti mɔ́ɔ́ninga, ti ɣɛ́ ma, “Kɛ yá lɔ hɔ́ɔ́ yí ngáá Ngalángi H̃íỹɛndou Loí?” Kɛ Jísu i ti woo yápotenga, i ɣɛ ti w̃a, “Ndeé lɔ mɔ́ɔ́ wú lóngɔ ngí ndé?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:3

Kɛ Ngutuwɔ́ Ỹína Nyɔí i ɣɛa Jísu w̃a, “Ná yá lɔ tí yáá ɣɛ́ ngáá Ngalángi H̃íỹɛndou Loí, kɛ nde ná kɔtuí sí w̃a í vóte ngáá mɛɛníi.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:41

Ná volú mɔ́ɔ, Jísu i ỹína nyɔítii tevéni nuu bíh̃iw̃aa volú. Aáva ná tɔ́ɔ ɣɛ́ taa léve nungáitii polú tɔ́ɔ ɣɛ́ taá woo gúla gbél̃eiŋ, tíwaa ɣɛ́ ta, “Yá kái kái tɔ́ yí ngáá Ngalángi H̃íỹɛndou Loí!” Kɛ́ Jísu i kpaní tí w̃a ngáá kule ngáá tí w̃áá ɣɛ ló. Aa kɛní tɔɔ yɛ́pɛ bɔw̃álale ti ɣɛ́i kɔlɔ́ ngáá láa lɔ í ngáá Ngalángi Lókolo Mbá W̃ɔ́i.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:9

Kɛ Ngutuwɔ́ Ỹína Nyɔí i mɔɔ kɛngá ngáá háwu taá Jísu tí lí Jɛlúsɛl̃ɛ. Í mɔ́ɔ kɛ ngáá háwu tí lɛ́ Hɛ́ɛ́ma Yála Pɛ́lɛi wutevésui, i ɣɛ ma, “Ná yá lɔ tí yáá ɣɛ́ ngáá Ngalángi H̃íỹɛndou Loí, kɛ bé ná bɔwɔ́ wa, yí gúla ndɔwɔlɔ́i wa.

NJƆÚ 1:34

Ngí faí sí ŋál̃aa lɔngɔ́ í híya aáva nyá lɔ́ ngáá maa hééle ngáá Jísu lɔ́ í ngáá Ngalángi H̃íỹɛndou Loí.”

NJƆÚ 1:49

Kɛ Natáániyɔ i ɣɛa ma, “Kaamɔ́ɔ́, yá lɔ́ yí ngáá Ngalángi H̃íỹɛndou Lói, yí ngáá Masa Ngwálai Ísulɔ yeláitii maah̃u.”

NJƆÚ 20:31

Kɛ́ sítii pɔ́nɛngɔɔ lé nɔ́ɔ ngáá wú lá lá ngáá Jísu lɔ í ngáá Ngalángi Lokoló Mbá W̃ɔ́i lɛ́i í ngáa Ngalángi H̃íỹɛndou Loí. Aáva ná ndángi ná áá ɣɛ wú h̃u, wáá ndɛ́ɛ́h̃u gítei w̃aahɔ́lɔ laá máa véle w̃a.

NJƆÚ 9:35

Faalɔ, ná Jísu í mɛniní ngáá tí maa h̃íỹɛndopoi betévenga Ngala fɛ́li máákpɔ wotaí wúú wa, i kɔlíi, í tɔ, i ɣɛ ma, “Í lángɔɔ le ngáá nuí sí taa ɣɛ́ ma Nuu Búsa Goo H̃ú Lói?”

TI GƐ́Ɛ́ HAÍTII 9:20

Ngamá nɔ́ɔ, kɛ Sɔ́ɔ i pɛlɛngá Ngala ngóó lemá Ngala fɛ́li máákpɔ wotaítii mbu ngáá kɛ Jísu lɔ í ngáá Ngalangí H̃íỹɛndou Loí.

KƆ́L̃E GƆ́LƆI HELE KÉLEI 1:19

sífaa Ngalángi H̃íỹɛndou Loí Jísu Kílisitii lɛ́i Sáilɔ ɛ́ɣɛ Tímoti kpahangɔ́ náa mbá ní kééla woó vánda lengɔ́ wú w̃á kɔwɔ́ato mba, ngi hái lɔ kɔ́wɔ yílaa ngá. Jísu Kílisitii lɔ́ í ngáá Ngalángi gúúlongi hítɛngɔi nga,

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

TƐSALÓNIKA HESENDAA GƆLƆÍ 3:5

Háwui ná vá tɔ í kɛ́ngɔ ngí Tímoti lɔvéngɔ wú yéle ngáá í vá í tɔ́ kíya wú lángi ɣɛ́ kíli í na sí h̃úi, sífaa ndíí ɛ́i belé mɔ́ɔ́ lónga. Ngí ɣɛ́ngɔ ngáá gísiya ngáá tɛ́ingaa suugɔvɔ́ mɔ́i Setána aa ɣɛ wú h̃úúgɔvɔnga aáva wáá ɣɛ́ bengá Ngalá fái wa. Ná ná vá ngɔ́ɔ́ ɣɛ́, kɛ ní yéngengi kpɛ́lɛɛ kulasuunúma fíli ɛ́i béle mɔ́ɔ́ ɣɛ́ su.

HÍBULU 12:16

A naa w̃ááh̃u béle gíte ngáá kɛinɔɔ́ nuu fíli álaa ɣɛ́ kɔ́lɔsiya mbóndaa h̃u ɔɔ álaa ɣɛ́ ngáá nuí sí áá Ngalá fááw̃a kíya Ísɔ í kɛ́ni. Ná wáá ngáá, ná kpɔkɔ ỹɛ́ɛ́ni ỹɛ́ tái ngiláá í fóloni ma, Ísɔ í ndiyalaí w̃áá híyani ngí ndéɣe w̃a ngáá í ngi ndéɣe ỹɛ́ɛ́nii ỹɛ.

HÍBULU 4:14

Ná náá Jísu lɛ́i í ngáá Ngalángi H̃íỹɛndou Loí í ngáá a mú Yála sááɣa gula mɔ́ɔ́ walaí i liingá naa wutúwɔɔ véle ngelegóóh̃u, faalɔ, a mú ndí ngu ma ngáá ndangí a máá ndé ngáá a muỹá lɔ́ su la.

HÍBULU 7:3

Nuu fíli áá faa wɔ́lɔ Mɛlɛkésedɛ kɛ́ɛ́ɣɛ ɛ́ɣɛ ngi njéé wa, kɛlaa maa nuu ɔ́ɔ́ ɣɛ́ faa wɔ́lɔ ngi káwalani ngaa ngi mámani mba. Nuu fíli aa kɔ́lɔ táingi na h̃u ti ndéni ɛ́ɣɛ táingi ná í hááni. Kɛ́ kulangɔ́ɔ́ lé nɔ́ɔ ngáá Ngalángi H̃íỹɛndou Loí Ngala sááɣa gulandái h̃u sífaa, aa lɔ ngáá Ngala sááɣa gula mɔ́ɔ́ kúnafɔ fááw̃a.

NJƆÚ HESENDAA GƆLƆÍ 3:8

Nuí fíli áá ndí ngu ma ngáá faa ỹɔ́u ɣɛndáá kɛ maa w̃ɔ́i lɔ ngáá Ngutuwɔ́ Ỹína Nyɔí núú bɔw̃álale Ngutuwɔ́ Ỹína Nyɔí lɔ ngáá faa ỹɔ́u ɣɛ mɔ́ɔ wɔ́lɔ kpɔ́lɔɔ ngetéyangi lɔ́kula héimai. Ngalángi H̃íỹɛndou Loí i vaangɔ́ ngeleí sí wu háwui sí kái kái fááw̃a, ná wáa ngáá, í Ngutuwɔ́ Ỹína Nyɔí háá h̃uubatɛ nyɔu ỹɔungáitii kpɛ́lɛɛ nyááni.

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.