MÁFIYU 4:12 - Kɛ́lɛ Niinaí

¹² Ná Jísu í mɛniní ngáá Masangí Hɛ́lɔdi i Njɔú vília kpindi vɛlɛ́i wu, i yangáimani í lí Galéli lataí h̃u.

MÁFIYU 4:12 Iomraidhean Croise

MÁFIYU 11:2

Táingi ná h̃u, Nguya Wo Mɔ́i Njɔú í ɣɛ́i kpindi vɛlɛ́i wu. Ná í ɣɛ́i na, kɛ i sí w̃áá woo ỹɛ́ninga Ngalángi Lókolo Mbá W̃ɔ́i í ɣɛ́i áá kɛ. Faalɔ, i vólu yélaitii tɛingáá lɔ́veni ngelé ngáá tí mɔ́ɔ́ni.

MÁFIYU 14:3

Masangí Hɛ́lɔdi i kisiyái sí wói, bɔw̃álale, sí ɔ́ɔ́ ɣɛ́ p̃ɛ́ɛ́ í ɣɛ́, i ɣɛi náá Hɛlɔ́diya yeɣéi, ngi ndéɣe Félepi ỹah̃aí ngáá ngi ỹáh̃a. Aáva Nguya Wo Mɔ́i Njɔú i ɣɛi áá nde Hɛ́lɔdi w̃a, áa ɣɛ́ ma, “Aa pele w̃a ngáá yɔ́ɔ́ í ndéɣe Félepi ỹah̃aí Hɛlɔ́diya yéɣe ngáá í ỹáh̃a.” Náá hááw̃a, Masangí Hɛ́lɔdi i ndeí ngáá tí Njɔú hóu, tí ngíli, tí píli kpindi vɛlɛ́i wu.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:14

Ná Njɔú vílingɔ í ɣɛ́i náá lá kpindi vɛlɛ́i wu, Jísu i liiní Galéli lataí h̃u, íwaa Ngalángi gééla woo vandaí le.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:17

Hɛ́lɔdi i kisiyái sí wói, bɔw̃álale, sí ɔ́ɔ́ ɣɛ́ p̃ɛ́ɛ́ í ɣɛ́, i ɣɛi náá Hɛlɔ́diya yéɣei, ngi ndéɣe Félepi ỹah̃aí ngáá ngi ỹáh̃a. Aáva Nguya Wo Mɔ́i Njɔú í ɣɛ́i áá nde Hɛ́lɔdi w̃a, áá ɣɛ́ ma, “Aa pele w̃a ngáá yɔ́ɔ́ í ndéɣe Félepi ỹáh̃ai Hɛlɔ́diya yeɣé ngáá í ỹáh̃a.” Náá hááw̃a, Masangí Hɛ́lɔdi i nungáá lɔ́veni ngáá tí Njɔú hóu ti ngíli, tí píli kpindi vɛlɛ́i wu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:5

Kɛ́ nungáitii tí ndií nɔ́ɔ ngu ma ngáá ndendáá táá ɣɛ ta, “Jísu lɔɔ́ nungáitii ngu séi heí wa hááli hááli Judíya lataí kpɛ́lɛɛ su ngáá ngi gálambongi. I tɔkúla héingɔ Galéli lataí h̃u aáva i lowá su i vaá í foló mbéinda fáli.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:20

Faa ỹɔ́i kínɛi Masangí Hɛ́lɔdi í kɛ́ni, i ta báhani mba ngáá Njɔú vílindai kpindi vɛlɛ́i wu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:14

Kɛ Jísu i yangáimanga tátai sí h̃u taá náá lolí ngáá Galéli Hɛ́ɛ́ma Ỹínangi yákpangi h̃u. Aáva maa woo í híya híyani hááli tataí ná h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:31

Kɛ Jísu i yeingá Kapɛ́ɛ́niya taa h̃u í ɣɛ́i Galéli lataí h̃u, í pɛ́lɛ nungáitii kalambóma Júsuaitii ti Lɛ́ɛ́lɛmbo Ngála Fɛli Fóloi w̃a.

NJƆÚ 1:43

Naa vólu yélei í wóni, Jísu i kpatɛní gi má ngáá í lí Galéli lataí h̃u. Ná í Félepi lɔní, kɛ i ɣɛa ma, “Hítɛ pólu.”

NJƆÚ 2:11

Jísu i maa gáámaa haí ɣɛ́ni Kéna taí h̃u, Galéli lataí h̃u. Laá vá tɔ i ɣɛi ngáá hésendaa gaamaa haa í kɛ́ni. Naa lɔ í ngi yákpangi yaah̃u ɣɛ́i ná. Faalɔ, polú yélaitii tí laní la.

NJƆÚ 3:24

Sí i ɣɛí p̃ɛ́ɛ́ tɔɔ ɣɛ́a Njɔú víli kpindi vɛlɛ́i wu.

NJƆÚ 4:43

Ná naa Jísu i foló félengɔ ɣɛi na, kɛ i hiɣénga na, í lí Galéli lataí h̃u.

NJƆÚ 4:54

Faí sí lɔ i ɣɛi ngáá káámaa haí hele kélei Jísu í kɛ́ni ná í gúlai Judíya í va Galéli.