MÁFIYU 3:8 - Kɛ́lɛ Niinaí

⁸ Wú lúva veléitii ti ɣɛ náá pele w̃a sí áá ngákɛ ngáá nungáitii ngáá wú vólu yáfenga wú háá ỹɔítii mba.

MÁFIYU 3:8 Iomraidhean Croise

MÁFIYU 21:32

Sífaa Nguya Wó Mɔ́i Njɔú í vaaní wú yéle, í tɔɔỹaá veleí ɣɛ́ ngáá wú ye ngáá wú híya la, wáá va, wáá lángɔ ngáá Njɔú kɛ́ páva gani kula mbélaitii ɛ́ɣɛ tamál̃a nyáh̃aitii taá kɔlɔsiyángi wó kápa faaw̃a tiyá lɔ́ ti lángɔ la. Kíya bɛ́lɛ wú náa lɔngɔ́, ná fíli su, wáá kɛ́ngɔ wɔ́ɔ́ volú yáfe wú háá ỹɔítii mba, wɔ́ɔ́ lá la.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:8

A luva veléitii kɛ náa pele w̃a sí áá ngákɛ ngáá nungáitii ngáá wú vólu yáfenga wú háá ỹɔítii mba. Ná vólu, a waa pɛlɛ gisíyama ngáá wáá w̃áávela maa háá bamaí wa sífaa nɔ́ɔ wú ngáá Lébilah̃au laalá lengaa. Ngí tɔɔỹái le wú w̃á, Ngalá ngáá hombó í kɔtuí sítiini pote ngáá ndengáá Lébilah̃au yɛ.

TI GƐ́Ɛ́ HAÍTII 26:20

Aáva ngí Ngala ngói lení hése sítii ma tí Damásikɔ, ná vólu, Jɛlúsɛl̃ɛ, ná vólu, Judíya lataí kpɛ́lɛɛ sú, ná vólu, ngí mɔ́ɔ́ nde sítii ma taa ngáá Júsua tiyá bɛ́lɛ. Ngɔ́ɔ́ nde ngáá kɛ ti vólu yáfe ti háá ỹɔítii mba, ti héle Ngalá mba, aáva tí lúva veléitii kɛ pele w̃a sí áá ngakɛ́ ngáá kɛ ti gúlanga faa ỹɔ́i h̃u.

Ɛ́FƐSƆ 5:8

Wú ɣɛ́ngɔ hése wɔ́lɔ kpíndi h̃ú, kɛ́ wú báhangɔɔ lé náa Ndemɔí Jísu wa. Wáá mɔ́ɔ kpindi h̃ú. Wá lɔ náa kala kala ma. Faalɔ, wú híya gilíítii ti ɣɛ́ náa ngáá kíya sítii taa ɣɛ kala kala ma.

Ɛ́FƐSƆ 5:9

A yakpá wú sí ɣɛ Ndemɔí Ngalá ndóngɔ wú kɛ. Sífaa, ná nuu áá ɣɛ́ kala kala ma í gɛ́ɛ́ haítii taá ɣɛ́ ngáá faa vánda ɣɛ́ndai ɛ́ɣɛ telembongí ɛ́ɣɛ tɔɔỹái.

FÉLEPA 1:11

Wú gɛ́ɛ́ hái i ɣɛ́ nɔ́ɔ fɔ́ ngáá faa vándaitii kɛndáá Jísu Kílisitii yílaa kpé áá kɛ ngáá háwu wáa hómbo wáa ti ɣɛ́ kɛinɔɔ́ ngúfema í ɣɛ́ Ngála mbɛ ná vólu, ndaaw̃áá í lɛ́.