MÁFIYU 3:6 - Kɛ́lɛ Niinaí

⁶ Tí gáheni ngáá ti háá ỹɔítii lííwaa wála, aáva í nguyaí wói ngáá ti ye Jɔ́ɔ́dɛ Yɛí h̃u.

MÁFIYU 3:6 Iomraidhean Croise

MÁFIYU 3:11

Ngáá nguyaí wó ngáá wú ye ngáá njɛí kɛinɔɔ́ nga ngí ɣɛ́ kpál̃au ngáá kɛ wú vólu yáfenga wú háá ỹɔítii mba. Kɛ́ nuí áá vá vaamá ná ní ndá hái áá gúla su, ngakpángɔɔ lé í lɔ́ve mbá. Aa nguyaí wó ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí. Ngáá kúlaɣɛi p̃ɛ́ɛ́ ngáá nuu ngáá lí ngáá ngi gɔ́ɔ́vai.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:5

Judíya lataí h̃u yélaitii kpɛ́lɛɛ ɛ́ɣɛ taa walái sí taá náá lolí ngáá Jɛlúsɛl̃ɛ, naa yélaitii kpɛ́lɛɛ tí liiní Nguya Wo Mɔ́i Njɔú yéle. Tí gáheni ngáá ti háá ỹɔítii lííwaa wála. Laáva i nguyaí wóni ngáá ti ye njɛí sí h̃u taá tolí ngáá Jɔ́ɔ́dɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:16

Aáva aa kɛ ngáá háwu Ísulɔ yeláitii tí yangáima Ndemɔí ti Yálangi yéle.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:16

Kɛ́ Njɔú i ɣɛi ti kpɛ́lɛɛ má, “Ngáá nguyaí wó ngáá wú yé ngáá njɛí, kɛ́ nuí sí áá vá vaamá, ngakpángɔɔ lé í lɔ́ve mbá, ngáá kulaɣɛí p̃ɛ́ɛ́ ngáá nuú ngi gɔ́ɔ́vai ɣéle tɔ ndaa húlo fááw̃a. Aa nguyaí wo ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí.

TI GƐ́Ɛ́ HAÍTII 1:5

Nguya Wo Mɔ́i Njɔú i ɣɛi áá nguya wo ngáá njɛí, kɛ́ kuu félengɔi h̃u, Ngalá tɔɔ vá nguyaí wóma ngáá wú ye ngáá ngi Hɛ́ɛ́ma Ỹínangi.”

TI GƐ́Ɛ́ HAÍTII 11:16

Kɛ kí ngí hítɛnga sí wa Ndemɔí Ngalá ngí ndéni, í ɣɛ́i ta, ‘Njɔú i nguyaí wóni ngáá njɛí, kɛ́ Ngalá tɔɔ vá nguyaí wóma ngáá wú ye ngáá ngi Hɛ́ɛ́ma Ỹínangi.’

TI GƐ́Ɛ́ HAÍTII 19:18

Ti bíh̃iw̃aa va ti lángɔ í ɣɛ́i lá ngáá Jísu, tí vááni, tí lo liiwáá wála, ti gáhe ngáá ti háá ỹɔítii.

TI GƐ́Ɛ́ HAÍTII 22:16

Ndeé lɔ náa yíwaa maalɛ́lɛ? Yooɣé, yí nguyaí w̃ááhɔlɔ, yí Ndemɔí w̃ááloli, í í háá ỹɔítii nguya í w̃a.’ ”

KƆ́L̃E HESENDAA GƆLƆÍ 10:2

Aáva ná tí ɣɛ́i njɛ bilíi wu ɛ́ɣɛ yívoi liiwáá, kulangɔ́ i ɣɛi la ngáá kíya ti kpɛ́lɛɛ taa ɣɛ́ báhai Muusé wá tí nguya w̃ááhɔlɔ.

KƆLƆ́SE 2:12

Ná tí ngúyai wóni ngáá wú ye, i ɣɛi nɔ́ɔ kíya taa ɣɛ́ wú bɔ́luni kíya nɔ́ɔ jɔ́ tí Kílisitii bɔ́luni aáva ná tí wú gúlani nguya wo njɛ́i wú, í ɣɛi nɔ́ɔ́ jɔ́ kíya Ngala ngáá ɣɛ́ wú wúyoɣenga saí h̃u kíya í Kílisitii wúyoɣeni sái h̃u. Ná vá tɔ h̃íí ná sífaa wú lángɔɔ lé ngáá ngakpángi í Ngala ngéya í Kílisitii wúyoɣeni lá sái h̃u.

HÍBULU 6:2

ná vólu, nguya wóndai ɛ́ɣɛ nuu lóko vɛ́lɛndai nungáá w̃a Ngala fɛ́li fááw̃a ti w̃a, ná vólu, saa yelái ti yóóɣendai sái h̃u ɛ́ɣɛ Ngalangí gɔ́sɔngi áá vá mbóma.

HÍBULU 9:10

Nátii tiyá lɔ́ nɔ́ɔ́ ngáá faaní kɔwɔ́ato mɛɛníni mba ɔɔ kpɔle wɔlíngaani mba ɔɔ pele vekáitiini nuu búsa áá kɛ bɛ́kpɛ faa ỹɔ́itii ngúya fááw̃a nuu w̃a. Nátii kpɛ́lɛɛ taa ngáá faá tɔ́ɔ́ nuu búsa líí w̃áálovi, ti ɣɛ́i nɔ́ɔ́ na ngáá ti ló ná kpóloo í ló su Ngala ngí fáitii kpɛ́lɛɛ kɛ́ kíli batɛ́ vólu.

JIMISÍ 5:16

Náá hááw̃a, faa ỹɔ́itii wú tí ɣɛngá a gáhe ngáá ti ye ỹɔw̃ɔ́ ỹɔ́w̃ɔ w̃a. Ná vólu, wú Ngala fɛ́li ỹɔw̃ɔ́ ỹɔ́w̃ɔ haaw̃a kɛinɔɔ́ Ngalá ngí wú wálo. Nuí sí télembongɔ áá ɣɛ́ la Ngalá ngeyá, ngi Yála fɛli ngói yakpángɔɔ lé.

PÍTƐ HESENDAA GƆLƆÍ 3:21

Maa njɛ́hengi ná hái w̃áábale mbaa ngáá ngúyai a maá maahɔ́lɔ, áá kɛ ngáá háwu maá ngúmaawongi w̃ááhɔlɔ. Wáá ngúmaawongi sí w̃ááhɔlɔ sífaa, Jísu Kílisitii í yoɣénga sái h̃u. Aáva maa wúyai aa nɔ́ɔ ngáá sí a maá mbo léélaa, kɛ́ aá ɣéle, aá waa ngáá ná a maa Ngala fɛ́li ngáá í mu gí mai ɣɛ kpál̃au ngáá muỹá lɔ́ɔ lɛ́ɛ́h̃ui h̃uuhíya kíya ndongɔ́ mú suuhíya.

NJƆÚ HESENDAA GƆLƆÍ 1:9

Kɛ́ ná a maa gáhe ngáá mu háá ỹɔítiini Ngalá ma, a mu háá ỹɔítii súúhaalo, í mu wúya fó faa kpɛ́lɛɛ ngéya taa ɣɛ́ ngáá faa ỹɔítii bɔw̃álale aá lɔ́ ngáá tɔwɔbáɣa w̃ɔ́ɔ́ ɛ́ɣɛ telembo mɔ́ɔ́.