MÁFIYU 3:2 - Kɛ́lɛ Niinaí

² I ɣɛi áá ɣɛ́ ta, “A volú yáfe wú háá ỹɔítii mba bɔw̃álale Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa ma.”

MÁFIYU 3:2 Iomraidhean Croise

MÁFIYU 10:7

Ná wáa ɣɛ́ líi, a keela wói sí lé, wáá ɣɛ ta, ‘Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa má.’

MÁFIYU 11:20

Kɛ Jísu i pɛlɛá nungái nátii suuh̃ándɛma tiyɛ́i í ɣɛ́i náá ngi gááma haítii kpih̃íw̃aa ɣɛ́i ti láitii su, bɔw̃álale taá ɣɛ́i volú yáfei ti háá ỹɔítii mba.

MÁFIYU 12:41

Foloí sí Ngalá ngáá vá nuu kpɛ́lɛɛ kɔ́sɔma ma, nungái sítiini ti ɣɛ́ngɔ taí sí h̃u taá náá lolí ngáá Níniva, taá yooɣé sái h̃u, tí kɔ́sɔ pɛ́lɛ sí h̃úu yéteyangi h̃uu yélaitii mba. Aáva taá sí h̃uu yéteyangi h̃uu yélaitii mbaaléve ngáá taá véleni, bɔw̃álale Níniva yélaitii tí gí mái w̃aalóvini, tí vólu yáfe ti háá ỹɔítii mba ná Jóna í Ngala ngói léni ti w̃a. Kɛ́ nyá lɔ́ɔ nde wú w̃á ngáá kɛ ŋani tá lɔ́ náa mbéinda tɔvengɔ́ Jóna wa p̃óu p̃óu.

MÁFIYU 13:11

Kɛ Jísu i ti woo yápotenga, i ɣɛ ta, “Ndɔɔwu h̃ú háitii kɔwɔ́ato Ngalángi w̃ásandai wa Ngalá ngi kulaá kɛ́lɛma wú yɛ ngáá wú ngátɔ mba. Kɛ́ aa kɛngɔ́ ngáá pekaítii.

MÁFIYU 13:24

Jísu i faanɛ́ɛ́ péka heiní ti yɛ, i ɣɛ ta, “Ngalángi w̃ásandai ɣɛ́ kíli gúlangɔɔ lé ngáá faanɛ́ɛ́ngi sí. Siỹɛndópo yiláá tɔ́ wɔ́lɔ í ɣɛ́i na, i liiní í wííti húwu vánda vahá ngi báálai h̃u,

MÁFIYU 13:31

Jísu i mɔɔ faanɛ́ɛ́ péka heiní ti yɛ, i ɣɛ ta, “Ngalángi w̃ásandai ɣɛ kíli gulangɔ́ɔ́ lé kíya ngulúi sí gáálɛi taá tolí ngáá mɔ́sita í ná síỹɛ ngáá sí kpelé h̃ú.

MÁFIYU 13:33

Jísu i mɔɔ faanɛ́ɛ́ péka heiní ti yɛ, i ɣɛ ta, “Ngalángi w̃ásandai ɣɛ kíli gulangɔ́ɔ́ lé ngáá sí áá ɣɛ ná nyah̃ái áá ngɛ́ingi ná híti taa tolí ngáá yiisií ngáá bilé bátɛ ngɛ́ingi ná taa tolí ngáá fulawái, í ló sitimá í ló su í bónda í lɛ́nga.”

MÁFIYU 13:47

Ná vólu, i mɔɔ faanɛ́ɛ́ngi ta héini tí yɛ, i ɣɛ ta, “Ngalángi w̃ásandai ɣɛ́ kíli gúlangɔɔ lé nɔ́ɔ mɔ́ɔ ngáá faanɛ́ɛ́ngi sí. Nyɛɛ bɛ́ mbélai tɔ wɔ́lɔ ti ɣɛ́i na, kɛ tí tí ỹɛ́ɛ́ bɛ mbów̃ai vílinga njɛ wálai wu. Kɛ nyɛɛ híí bih̃íw̃aa ti vílinga su.

MÁFIYU 13:52

I ɣɛ ti w̃a, “Náá hááw̃a, kaamɔítii Ngala sávai hááw̃a, í féngɔ Muusé yaá, tiyɛ́i tí tɔɔỹáá gálambo maahɔ́lɔnga kɔwɔ́ato Ngalángi w̃ásandai wa, ti gulangɔ́ɔ́ lé nɔ́ɔ ngáá pɛlɛ́ w̃ɔ́i áá gúla ngáá ŋani niináini ngaa ngi vɔ́lɔi ngi yándɔɔlɔ lomuí h̃u.”

MÁFIYU 18:23

Sífaa Ngalángi w̃ásandai gúlangɔɔ lé ngáá faanɛ́ɛ́ngi sí ɣɛ́ kíli. Masa ngílaa tɔ́ í ɣɛ́i na wɔ́lɔ, i ɣɛi loí ti kápa faí yakúla mba taá ngí yénge mbeláitii.

MÁFIYU 20:1

Kɛ Jísu i ɣɛa ta, “Ngalángi w̃ásandai gúlangɔɔ lé ngáá faanɛ́ɛ́ngi sí ɣɛ́ kíli. Siỹɛndópo lɔ wɔ́lɔ í ɣɛ́i na, kpeléi i ngeyá, kɛ i liingá ngelendáá lɛtɛngí ndɔwɔ́ bálangi ya ngáá í siỹɛngáá wɔ́li ti yénge ngi bélei h̃u.

MÁFIYU 22:2

“Ngalángi w̃ásandai gúlangɔɔ lé nɔ́ɔ ngáá faanɛ́ɛ́ngi sí ɣɛ́ kíli. Masa ngílaa tɔ́ wɔ́lɔ í ɣɛ́i na, i w̃aahéi wóni ngi h̃íỹɛndou loí ỹáh̃a wɔlí kuu wuya fái w̃a.

MÁFIYU 23:13

Kɛ Jísu i ɣɛa ti w̃a, “Suu vá tɔ vá ɣɛma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiaitiini, wɛ́i wáá Ngala fái lá yaah̃ú kɛ́ aa wú líi h̃u! Wá lɔ wú Ngalángi w̃ásandai góngi laabɔ́lungɔ nungáá lúwɔ, kɛ́ wá bútei wáá lɛɛmá ná kɛlaa wɔ́ɔ́ bé sítii mba táá yákpa ngáá ti lɛ́ na, tɔɔ lɛ́. [

MÁFIYU 25:1

Kɛ Jísu i ɣɛa vólu yélaitii ma, “Ná nuí síí w̃ɔ́i taa ɣɛ́ ma Nuu Búsa Goo H̃ú Loí vaalaí áá ɣɛ́a foló ma, Ngalángi w̃ásandai ɣɛ kíli aa gula ngáá faanɛ́ɛ́ngi sí. Nyah̃á béla púúngɔ lɔ wɔ́lɔ ti ɣɛ́i na, tí tí hɛ́fɛ lambongáitii ngéɣei, tí lí nyah̃á wɔ́li mɔ́i lúwɔ.

MÁFIYU 25:14

Kɛ Jísu i ɣɛa ti w̃a, “Ná nuí síí w̃ɔ́i taa ɣɛ́ ma Nuu Búsa Goo H̃ú Loí váalai vólu áá ɣɛ́a folóma, Ngalángi w̃ásandai ɣɛ kíli gulangɔ́ áá ɣɛ lá ngáá faanɛ́ɛ́ngi sí mɔ́ɔ. Siỹɛndópoi yiláá tɔ́ wɔ́lɔ í ɣɛ́i na, i ɣɛi áá lí siyamá, kɛ i ngi yénge mbeláitii tólinga, í yaá wɔ́lingai ndo ti lóko h̃u.

MÁFIYU 4:17

I síɣe ná h̃úú w̃á, Jísu í tɔkúla héini ngáá keéla wói lendáá áá ɣɛ́ ta, “A vólu yáfe wú háá ỹɔítii mba, bɔw̃álale Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa ma.”

MÁFIYU 4:23

Jísu i híya hiyaí Galéli lataí kpɛ́lɛɛ sú áá nungáá gálambo ngáá Ngala fáitii Júsuai ti Yála fɛli máákpɔ wotaítii mbu, ná vólu, áá keela woó vándai lé kɔwɔ́ato Ngalángi w̃ásandai wa, ná vólu, i ɣɛi áá seebɛ híí kpɛ́lɛɛ mbálo í ɣɛ́i nungáitii mba.

MÁFIYU 5:10

Nungái sítii tíwaa faa bá ndá ti w̃a sífaa táá híya nɔ́ɔ ngáá Ngala sávai, aá lɔ́ ngáá faa vánda ti haáw̃a, sífaa Ngalángi w̃ásandai lɔ́ ti haáw̃a.

MÁFIYU 5:3

“Nungái sítii tí kɔ́lɔ ngáá faa vánda fíli aa ti h̃u Ngalá ngaah̃ú, aa lɔ́ ngáá faa vánda ti haáw̃a, sífaa Ngalángi w̃ásandai lɔ́ ti haáw̃a.

MÁFIYU 6:10

Í w̃ásandai í vá kái í ɣɛ́ nuu kpɛ́lɛɛ mááh̃u, í líívo fái í ɣɛ́ ngelewu, kíya nɔ́ɔ áá ɣɛ́ ngelegóóh̃u.

MÁFIYU 6:33

Wá ɣéle wú béɣema háá walaí í ɣɛ́ ngáá Ngalá ngi ɣɛ́ wú w̃ááh̃u ngi w̃ásandai h̃u ɛ́ɣɛ ngí lúva vele vandaí í ɣɛ́ wú h̃ú. Ngalá tɔ áá wú béɣema wɔlingái sítii kpɛ́lɛɛ kúla kɛlɛ́ma wú yɛ́.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:15

I ɣɛi áá ɣɛ́ ta, “Táingi i folónga ma, Ngalángi w̃ásandai lɔɔ vá í ɣɛ́ nuu kpɛ́lɛɛ mááh̃u h̃umbuwa. Faalɔ, a vólu yáfe wú háá ỹɔítii mba, wú la ngáá Ngalángi gééla woo vandaí!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:4

Faalɔ, Nguya Wó Mɔ́i Njɔú i vaaní, íwaa nguyaí wo ngaalaí h̃u. Ná vólu, i ɣɛi áá Ngalángi gééla woí le nungáitiini ma ngáá kɛ tí vólu yáfe ti háá ỹɔítii mba, ti nguyaí w̃ááhɔlɔ ti háá ỹɔítii suuhaaló fááw̃a Ngalá mbɛ́.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:12

Faalɔ, Jísu volú yélaitii tí liiní tí Ngala ngói le ngáá nungáitii tí vólu yáfe ti háá ỹɔítii mba.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:16

Aáva aa kɛ ngáá háwu Ísulɔ yeláitii tí yangáima Ndemɔí ti Yálangi yéle.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:20

Kɛ́ aá ɣéle, nyá lɔɔ́ ỹína nyɔítii tevé nungáitii polu Ngalángi yákpangi h̃u, ná vá tɔ áá ngákɛ ngáá Ngalángi w̃ásandai i vaangá wú w̃ááh̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:3

Ngí nde wú w̃a, aa ɣɛi h̃íí ná! Kɛ́ ná wɔ́i ɣɛ́ volú yaféni wú háá ỹɔítii mbá, wú kpɛ́lɛɛ wá bɛ́lɛ waa ha kíya nɔ́ɔ ti hááni.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:5

Ngí nde wú w̃á, aa ɣɛi h̃íí na! Kɛ́ ná wɔ́i ɣɛ́ volú yaféni wú háá ỹɔítii mbá, wu kpɛ́lɛɛ wá bɛ́lɛ wáá ha kíya nɔ́ɔ ti hááni.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:10

Jísu í mɔ́ɔ ɣɛ ti w̃a, “Ngí nde wú w̃á, ngimɔ́ɔ́ nɔ́ɔ jɔ́ í ná ngelegóóh̃u. Kooh̃unɛɛ wála aa ɣɛ Ngalángi w̃álekaitii ndiiwáá ná faa ỹɔ́u w̃ɔ́ɔ yiláá kéle tɔ áá volú yáfe ngi háá ỹɔítii mba.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:7

Jísu í mɔ́ɔ́ ɣɛ ti w̃a, “Ngí nde wú w̃á, ngimɔ́ɔ́ nɔ́ɔ kooh̃unɛɛ wála áá ɣɛ́ ngelegóóh̃u faa ỹɔ́u w̃ɔ́ɔ yiláá fááw̃a áá vólu yafé ngi háá ỹɔí wa, í lɔ́ve kooh̃unɛɛ́i sí wa áá wó ná nuu vúu táávungɔ maah̃úú táávungɔ vekaí nátii faaw̃a táá ɣɛ́ ngáá telembo mbélaa kule ɛ́i ɣɛ́ tí w̃a tɔɔ́ vólu yáfe faa ỹɔ́u wa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:30

Kɛ kpatɛ w̃ɔ́i i ɣɛa Lébilah̃au w̃a, ‘Kpele, kɛɛɣɛ́ Lébilah̃au, kɔlɔí nátii ti bɔ́ɔ́ ɣɛ na kɛ́ ná nuu áá yóóɣe sái h̃u, í lí ti yelé, taá vólu yáfe ti háá ỹɔítii mba.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:31

Aáva ngimɔ́ɔ́ nɔ́ɔ jɔ́ ná wáá fái sítiini tɔ tíwaa ɣɛ́, wáá ɣɛ́ nɔ́ɔ kɔlɔ́ ngáá kɛ Ngalángi w̃ásandai i bɛɛngá mba.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:47

Aáva keela woí kɔwɔ́ato polú yafé fái wa faa ỹɔ́i wa, ɛ́ɣɛ faa ỹɔ́u h̃úúhaalondai ndaahéingi h̃uu lɔ taá nde na. Kɛ́ kɛ tɔkúla aa hei Jɛlúsɛl̃ɛ í ló su í foló ngelewu kpɛ́lɛɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:20

Kɛ Jísu i wu mbúyoɣenga, í volú yélaitii kpelé, i ɣɛ ti w̃a, “Wɛ́i wú ỹááningɔi sí h̃úi, aá lɔ́ ngáá faa vánda wú hááw̃a, sífaa Ngalángi w̃ásandai lɔ wú hááw̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:2

Aáva i ti lɔ́veni ngáá tí kééla woó vándai le kɔwɔ́ato Ngalángi w̃ásandai wa, ná vólu, tí seebɛ yeláitii mbaló.

TI GƐ́Ɛ́ HAÍTII 11:18

Ná ti sí ỹɛ́nini, faa véka fíli aa mɔɔ ɣɛi ti la tɔɔ́ nde. Kɛ́ ti ɣɛ́i nɔ́ɔ taá Ngalá ndaaw̃áálɛ, táá ɣɛ́ ta, “Ngalá ngí kɛngá ngáá háwu sítii taa ngáá Júsua bɛ́lɛ táa volú yáfe faa ỹɔ́i wa, táa ndɛɛh̃u níína w̃aahɔ́lɔ sí í ngáá kúnafɔ lɛ́ɛ́h̃ui.”

TI GƐ́Ɛ́ HAÍTII 17:30

Ngalá ngí volú yáfeni faa yatɔ tála haítii mba ti ɣɛ́i taá kɛ. Kɛ́ sí h̃úi, i ndengá nuí kpɛ́lɛɛ má tí ỹandáitii kpɛ́lɛɛ ngáá tí volú yafé faa ỹɔ́itii mba,

TI GƐ́Ɛ́ HAÍTII 2:38

Kɛ Pítɛ i ti woo yápotenga, i ɣɛ ti w̃a, “A volú yafé wú háá ỹɔítii mba, wú ngúyai w̃ááhɔlɔ wú yíla ngíla fíli Jísu Kílisitii laahéingi h̃u kɛinɔɔ́ wú háá ỹɔítii suuhaa í ló. Aáva wáá Hɛ́ɛ́ma Ỹínangi w̃ááhɔlɔ náa ngáá fembɛ wɔ́lingi.

TI GƐ́Ɛ́ HAÍTII 20:21

Ngí ndengá Júsuaitii ma taa sítii taa ngáá Júsua ngáá kɛ tí vóte Ngalá mba, tí vólu yáfe ti háá ỹɔítii mba, ti lá ngáá mu Lemɔ́i Jísu.

TI GƐ́Ɛ́ HAÍTII 26:20

Aáva ngí Ngala ngói lení hése sítii ma tí Damásikɔ, ná vólu, Jɛlúsɛl̃ɛ, ná vólu, Judíya lataí kpɛ́lɛɛ sú, ná vólu, ngí mɔ́ɔ́ nde sítii ma taa ngáá Júsua tiyá bɛ́lɛ. Ngɔ́ɔ́ nde ngáá kɛ ti vólu yáfe ti háá ỹɔítii mba, ti héle Ngalá mba, aáva tí lúva veléitii kɛ pele w̃a sí áá ngakɛ́ ngáá kɛ ti gúlanga faa ỹɔ́i h̃u.

TI GƐ́Ɛ́ HAÍTII 3:19

Kɛ a volú yafé hɔ́ɔ́ wú háá ỹɔítii mba, wú vóte Ngalá mba kɛinɔɔ́ wú háá ỹɔítii ti wúya wú w̃á,

KƆ́L̃E GƆ́LƆI HELE KÉLEI 7:10

Faalɔ, wú w̃aaw̃áánui sí Ngala ndongɔ́ lá, aa kɛ ngáá háwu nuu ɣɛ́ kíli w̃aa í lóvi, wú ngumaawóngi w̃ááhɔlɔ. Laáva nuu fíli ɛi ná yeɣé ngáá faa ỹɔ́u. Kɛ́ ngeleí sí wu w̃ááw̃aanui aa kɛ ngáá háwu wú sáá w̃ááhɔlɔ.

KƆLƆ́SE 1:13

Ngalá ngí mu gúlanga kpíndi h̃u w̃ásandai wú, í vá ngáá mu ye lɛ́i lɛ́i ngi líívo Siỹɛndou Loí w̃ásandai wu.

TÍMOTI GƆ́LƆI HELE KÉLEI 2:25

Í mɔ́ɔ́ sítii kalambo ngáá ndiilɛi taa w̃aaɣaali ngáá ngí gálambo mbóndai. Tɛingaa Ngala ngáá kɛ ngáá háwu ti lii í vóte ti ɣɛ́ tɔɔỹái wɔlɔ.

HÍBULU 6:1

Faalɔ, a mú lí náá ngáá naa gɔlɔ́ɔ́ vele. Ná wáá ngáá, a maayáá kalambongái sítii kála kɔwɔ́ato Kílisitii wa taá ngákɛ ngáá maá mɔ́ɔ́ ngáá ndopóa Ngala fái h̃u. A máálaa ɣɛ́ nɔ́ɔ maa híya kalambo ngílaangi h̃u nɔ́ɔ kélei. Ná wáá ngáá, kíya kalambongí sí í ná áá lí í tó ngangímba lála hái wa nuu áá kɛ ɛ́ɣɛ ndangí nuu áá ɣɛ́ sú ngáá Ngalá,

PÍTƐ GƆ́LƆI HELE KÉLEI 3:9

A mu Lemɔ́i Jísu h̃uulɛíngɔ láá le paalaí volú ngi gúúlongi hítɛ fááw̃a nga kíya í tí lɛ́ingaa ti gísiyai h̃u, kɛ́ aá ɣéle, aá lɔ́ɔ liilɔ́lɔ wú háá ya bɔw̃álale aa loí kúnafɔ ɣɛ́ kíli ỹaanií ɔ́ɔ́ wó ngáá nuu fíli, kɛ́ aá ɣéle, ndongɔ́ɔ́ lé nuu kpɛ́lɛɛ tí vólu yáfe ti háá ỹɔítii mba.

FAA YÁKƐ KƆ́LƆI 2:21

Ngí kúú hénga nyah̃ápoi sí yáa ngáá í vólu yáfe ngí háá ỹɔítii mba, kɛ́ aa kɛ́ma ɔ́ɔ́ lókogula ngi gɔ́lɔsiyangi h̃u.

FAA YÁKƐ KƆ́LƆI 2:5

A gisíya ngáá kíya wú híɣenga wú lúva véle vándai wa. A vólu yáfe wú háá ỹɔítii mba, wú vóte sítii mba wú ɣɛ́ngɔ wáá kɛ́ hése. Ná wɔ́i ɣɛ́ vólu yáfei wú háá ỹɔítii mba, nyá lɔ́ɔ́ vá ngí wú ndá góóli lowaí yeɣé vóma.