MÁFIYU 3:11 - Kɛ́lɛ Niinaí

¹¹ Ngáá nguyaí wó ngáá wú ye ngáá njɛí kɛinɔɔ́ nga ngí ɣɛ́ kpál̃au ngáá kɛ wú vólu yáfenga wú háá ỹɔítii mba. Kɛ́ nuí áá vá vaamá ná ní ndá hái áá gúla su, ngakpángɔɔ lé í lɔ́ve mbá. Aa nguyaí wó ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí. Ngáá kúlaɣɛi p̃ɛ́ɛ́ ngáá nuu ngáá lí ngáá ngi gɔ́ɔ́vai.

MÁFIYU 3:11 Iomraidhean Croise

MÁFIYU 3:6

Tí gáheni ngáá ti háá ỹɔítii lííwaa wála, aáva í nguyaí wói ngáá ti ye Jɔ́ɔ́dɛ Yɛí h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:4

Faalɔ, Nguya Wó Mɔ́i Njɔú i vaaní, íwaa nguyaí wo ngaalaí h̃u. Ná vólu, i ɣɛi áá Ngalángi gééla woí le nungáitiini ma ngáá kɛ tí vólu yáfe ti háá ỹɔítii mba, ti nguyaí w̃ááhɔlɔ ti háá ỹɔítii suuhaaló fááw̃a Ngalá mbɛ́.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:17

Ná vólu, aá lɔ íwaa lí Ndemɔí wutúwɔ ngakpángi h̃u kíya í ɣɛ́i ngáá Iláija. Laa lɔ áa kɛ ngáá háwu ndóu kɛ́ɛ́ɣɛaitii ɛ́ɣɛ ndengáitii ti ɣɛ ngoo yiláá su. Ɛ́ɣɛ múl̃ɔ sítii ti golo lálangɔ Ngalá mbɛ í kɛ ngáá háwu tí ɣɛ́ ngáá sítii kɛ kíli ti golóngɔ Ngalá mbɛ. Ná vólu, í ti ɣɛ kíli batɛ́ Ndemɔí haaw̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:16

Kɛ́ Njɔú i ɣɛi ti kpɛ́lɛɛ má, “Ngáá nguyaí wó ngáá wú yé ngáá njɛí, kɛ́ nuí sí áá vá vaamá, ngakpángɔɔ lé í lɔ́ve mbá, ngáá kulaɣɛí p̃ɛ́ɛ́ ngáá nuú ngi gɔ́ɔ́vai ɣéle tɔ ndaa húlo fááw̃a. Aa nguyaí wo ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:3

Naa h̃uu vá tɔ Njɔú í ɣɛ́i áá lɔ́ve tɔvé hááli hááli njɛí ná taá tolí ngáá Jɔ́ɔ́dɛ Yɛí maa látai h̃u. I ɣɛi áá Ngalángi géela woí le nungáitiini ma ngáá kɛ tí volú yáfe ti háá ỹɔítii mba, ti ngúyai w̃aahɔ́lɔ ti háá ỹɔítii suuhaaló fááw̃a Ngalá mbɛ.

NJƆÚ 1:15

Njɔú í yɛ́pɛni kɔwɔ́ato mba. I woo gúlani gbél̃eiŋ, i ɣɛ ta, “Sí lɔ ngíwaa yɛ́pɛ kɔwɔ́ato mba, ná ngí ɣɛ́i ta, ‘Nuí íwaa vá gulamá pólu véle ngakpángɔɔ lé í lɔ́ve mbá bɔw̃álale i ɣɛi na wɔ́lɔ p̃ɛ́ɛ́ tɔɔ ɣɛ́a ndé.’ ”

NJƆÚ 1:30

Laá lɔ́ ngí ɣɛ́ngɔ ngáá yɛ́pɛ kɔwɔ́ato mba ná ngí ndéi ngáa nuí íwaa vá gulamá pólu véle ngakpángɔɔ lé í lɔ́ve mbá bɔw̃álale i ɣɛi na wɔ́lɔ p̃ɛ́ɛ́ tɔɔ́ ɣɛ́a ndé.

TI GƐ́Ɛ́ HAÍTII 1:5

Nguya Wo Mɔ́i Njɔú i ɣɛi áá nguya wo ngáá njɛí, kɛ́ kuu félengɔi h̃u, Ngalá tɔɔ vá nguyaí wóma ngáá wú ye ngáá ngi Hɛ́ɛ́ma Ỹínangi.”

TI GƐ́Ɛ́ HAÍTII 19:4

Kɛ Pɔ́ɔ i ɣɛa ti w̃a, “Ngúyai sí Njɔú í mbóni i ɣɛi na ngáá nungáitii tí vólu yáfe ti híya velé ỹɔ́u ỹɔungáitii mba. Njɔú í ndéni nungáitii ma ngáá ti lá ngáá nuí sí í ɣɛ́i áá vá laá Njɔú vólu véle. Kɛ ná w̃aa w̃ɔ́i va i ɣɛi ngáá Jísu.”

TI GƐ́Ɛ́ HAÍTII 8:36

Ná ti ɣɛ́i peleí w̃a tá lí, kɛ tí fólonga njɛí tá w̃a, kɛ Ítiyopiya gɔmɛti nuu walaí ná i ɣɛa Félepi w̃a, “Wɔlɛ lɛ́ɛ, njɛí béle tɛ mbéinda. Yáá lái lá ngáá kɛ maanɛ́ɛ́ngɔɔ lé náa ngí nguyaí w̃ááhɔlɔ?” [

TI GƐ́Ɛ́ HAÍTII 8:38

Faalɔ, Ítiyopiya w̃ɔí ná i ndéni náa tí ngɛ́ingi ná lo ti ɣɛ́i héini su. Kɛ ti félengɔ taá Félepi ti hítɛnga, tí lí njɛí h̃u. Félepi vá i nguyaí wóni náa lá.

KƆ́L̃E HESENDAA GƆLƆÍ 12:13

Mu lɛ́ingaa muỹá lɔ́ ngáá Júsua, mu lɛ́ingaa maá ngáá Júsua, mu lɛ́ingaa mu ngáá nduwɔ lopóa, mu lɛ́ingaa maa ngáá nduwɔ lopóa, kɛ́ Hɛ́ɛ́ma Ỹína ngilaa kpéngi lɔ mu kpɛ́lɛɛ mú nguyaí w̃ááhɔlɔngɔ maa véle w̃a, mu gúlangɔ ngáá kpusa yílaa. Aáva Hɛ́ɛ́ma Ỹína ngiláá kpéngi lɔ áá ɣɛ́ mu yilá ngílangi kpɛ́lɛɛ pólu.

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

TÁITƆ 3:5

i mu wumááwoni. Aa ɣɛi ngáá mu bɔwɔ́ háá vanda w̃aa véle w̃a lɔ́ mú ngúmaawongi w̃aahɔ́lɔni faaw̃a, kɛ́ Ngalá ngi mu wumááwoni bɔw̃álale aá lɔ ngáá ngaah̃u w̃ááw̃aanu w̃ɔ́ɔ. I mu wumááwongɔ ngáá nguyaí sí áá kɛ nuu léngɔ áá ɣɛ́ lá volú ɛ́ɣɛ ndɛɛh̃u níínai sí áá gúla Hɛ́ɛ́ma Ỹínangi h̃u.

PÍTƐ HESENDAA GƆLƆÍ 5:5

Wɛ́i va wú na ngáá fóningeleaitii, a bɔwɔ́ gula kɛlɛ́ma kpakolongáitii mbɛ, wú kpɛ́lɛɛ pa wú wú nga njéi ỹɔw̃ɔ́ ỹɔ́w̃ɔ hááw̃a, wú ɣɛ́ wáá yénge ỹɔw̃ɔ́ ỹɔ́w̃ɔ yɛ, sífaa sí pɔnɛngɔ́i Ngala Kɔ́lɔi h̃u aá wáá ngáá sí, “Ngala ngááh̃u longɔ́ɔ́ lé sítii mba ti h̃úúwɔɔlɔngɔ, kɛ́ ngi háá bɔwɔí lɔ́ sítii mbɛ tí wú ngá njéingɔ.”