MÁFIYU 3:10 - Kɛ́lɛ Niinaí

¹⁰ Ngalángi gɔ́sɔngi ɣɛ́ kíli gulangɔ́ɔ́ lé ngáá koonɔ́ngi sí áá ɣɛ́ ngulúitii ti hápeitii mba náa tevé fááw̃a. Nguluí fíli pá ngi wá pánda ɛ́i ɣɛ́ héini ngá, taá tevé mba tí pilí ngɔmbuí ya.

MÁFIYU 3:10 Iomraidhean Croise

MÁFIYU 21:19

Kɛ i nguluí tá lɔ́a peleí béla taá tóli ngáá féki wuluí, í lí na, kɛ́ aa ngi wá tɔ́i nga kɛ léi ngandáɣaitii. Kɛ Jísu i ɣɛa féki wuluí w̃a, “Kúnafɔ yɛ́i mɔ́ɔ wa!” Ngamá nɔ́ɔ, féki wuluí í yé.

MÁFIYU 7:19

Aáva ngulúi fíli ngí wá pánda ɛ́i ɣɛ́ héini nga, taá téve, tí pilí ngɔmbuí ya.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:31

Nyá ɣéle na táa sítii kɛ ngáá ngé nyɛ́i kúlangɔi ngáá ndɔbɔ wundú. Ná ná áá ɣɛ, bɛɛ́ lɔ aáva ɣɛmá ngáá wú ye wɛ́i wú gúlangɔi ngáá pɔsaɣá mbéngɔ?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:9

Ngalángi gɔ́sɔngi ɣɛ kíli gulangɔ́ɔ́ lé ngáá koonɔ́ngi sí í ngulúitii ti hápeitii mba náa tevé fááw̃a. Nguluí fíli pá ngi wá pánda ɛ́i ɣɛ́ heiní ngá, taá tevé mba tí pilí ngɔmbuí ya.”

NJƆÚ 15:2

Mbekeí fíli áá ɣɛ́ mbá ɛ́i wá aa tevé mbá, sí va áá ɣɛ́ mbá áá wa, aa maa bátɛ fo kɛinɔɔ́ í wa ngwala.

NJƆÚ 15:6

Nuí fíli ɛ́i ɣɛ́ loí kpahái h̃u áá ɣɛ́ su mbá, maa w̃ɔ́i haa gulangɔ́ aa ɣɛ nɔ́ɔ la ngáá ngulú yékei sí taá tevé mba, tí pilí aáva í ye. Ngulú yéke láálii nátii pa tɔ taá ti yatɛ́ mba, tí tí víli ngɔmbuí h̃u, tí w̃ɔ.

HÍBULU 12:25

Wú ndá gí su gíte ngáá wálaa léle wolilóndaa w̃a Ngalá ma lɛ́i áá yɛ́pɛ wú yéle. Sítii ti léleni ngáá tí wólilo ma ná h̃u í ngí lááhingi wóni ngáá ti ye ngelewu taá vélai maa háá bamaí wa í lái ti w̃a. Muỹa ɣéle p̃ɛ́ɛ́ pele guló áá ná mɔɔ́ w̃aavela ná maa léle ngáá a mú wólilo Ngalá ma lɛ́i ngi lááhingi áá gúla ngelegóóh̃u.

HÍBULU 6:8

Kɛ́ nungáá lɛ́ingaa gúlangɔɔ lé ngáá ndɔwɔlɔ́i sí ngalí ngáli nguluítii ɛ́ɣɛ ngalí ngáli tufaítii taa hále ma aáva nga ngɛ́i ɣɛ́ maa lɔ́wɔlɔi wa, Ngalá tɔ́ɔ vá maa lɔ́wɔlɔi vélema. Ná ná vá ngáá ɣɛ́, ngɔmbuí áa maa lɔ́wɔlɔi ɣɛ́ kíli ỹaaní.