MÁFIYU 3:1 - Kɛ́lɛ Niinaí

¹ Táingi ná h̃u Nguya Wó Mɔ́i Njɔú i vái áá Ngala ngói le ngaalaí h̃u, í Judíya lataí h̃u.

MÁFIYU 3:1 Iomraidhean Croise

MÁFIYU 11:11

Ngí tɔɔỹái le wú w̃á, Nguya Wo Mɔ́i Njɔú lɔ́vengɔɔ lé nuu búsa góó h̃u lóu kpɛ́lɛɛ mbá. Kɛ́ nuí sí tí kpɛ́lɛɛ ti lɔ́vengɔ mba Ngalángi w̃ásandai h̃u, tɔvengɔ́ɔ́ lé Njɔú wá.

MÁFIYU 11:7

Ná Njɔú vólu yélai nátii tí ɣɛ́i náa taa yangáima, kɛ Jísu i pɛ́lɛnga fáŋai w̃ɔ́ɔ́nima kɔwɔ́ato Njɔú wa áá ɣɛ́ ti w̃a, “Ndeé lɔ wú lííni tɔmá ngaalaí h̃u? Tufaí fɛfɛngí áá máála maalá aá lɔ wú lííni tɔma?

MÁFIYU 16:14

Tí ngoo yápoteni, ti ɣɛ́ má, “Ti lɛ́ingaa ti ɣɛ́ Nguya Wo Mɔ́i Njɔú waa ngáá laa, tɛingáa tí ɣɛ́ Iláija waa ngáá laa, ti lɛ́ingaa tí ɣɛ́ Jɛlemáya waa ngáá laa, ti lɛ́ingaa vá ti ɣɛ́ Ngalá ndaa háá lé mbélai ti tá waa ngáá laa.”

MÁFIYU 21:32

Sífaa Nguya Wó Mɔ́i Njɔú í vaaní wú yéle, í tɔɔỹaá veleí ɣɛ́ ngáá wú ye ngáá wú híya la, wáá va, wáá lángɔ ngáá Njɔú kɛ́ páva gani kula mbélaitii ɛ́ɣɛ tamál̃a nyáh̃aitii taá kɔlɔsiyángi wó kápa faaw̃a tiyá lɔ́ ti lángɔ la. Kíya bɛ́lɛ wú náa lɔngɔ́, ná fíli su, wáá kɛ́ngɔ wɔ́ɔ́ volú yáfe wú háá ỹɔítii mba, wɔ́ɔ́ lá la.”

MÁFIYU 3:8

Wú lúva veléitii ti ɣɛ náá pele w̃a sí áá ngákɛ ngáá nungáitii ngáá wú vólu yáfenga wú háá ỹɔítii mba.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:15

I ɣɛi áá ɣɛ́ ta, “Táingi i folónga ma, Ngalángi w̃ásandai lɔɔ vá í ɣɛ́ nuu kpɛ́lɛɛ mááh̃u h̃umbuwa. Faalɔ, a vólu yáfe wú háá ỹɔítii mba, wú la ngáá Ngalángi gééla woo vandaí!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:2

Tɔkúla i heiní kɛ kíya pɔ́nɛngɔ Ngalá ndaa háá le mɔ́i Aisáya gɔlɔí h̃u ngáá sí Ngalá ngi ɣɛ́i ta, “Nyá lɔɔ vá ní géélai lɔ́vema í wútuwɔ, lɛ́i íwaa vá í vélei ɣɛ́ kíli batɛmá.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:76

Yɛ́i vangí yí ngáá ní lói, tiyá lɔɔ ɣɛ́ taa í lóli ngáá Ngutuwɔ́ Yála Ngwalaí laa háá lé mɔ́i, sífaa yá lɔ yáá lí Ndemɔí wutúwɔ, yí peleí ɣɛ́ kíli batɛ́ fááw̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:24

Ná Njɔú vólu yélaitii ti gúlani naa wa, kɛ Jísu i pɛlɛngá yɛpɛmá faŋaí yelé kɔwɔ́ato Njɔú wá áá ɣɛ́ ti w̃a, “Ndeé lɔ wú lííni tɔmá ngaalaí h̃u? Tufaí fɛfɛngí áá maala mbéi véle í maala mbéi véle aá lɔ wú lííni tɔmá?