MÁFIYU 27:4 - Kɛ́lɛ Niinaí

⁴ I ɣɛ ta, “Ngí faa ỹɔ́u ɣɛ́nga, sífaa ngí síỹɛ tókolevenga ngáá í há, lɛ́i áá faa fíli kɔ́lɔ fáa wa!” Nátii tí ngoo yápoteni, ti ɣɛ́ ma, “Ni ndá aa ná h̃ú, í yéle fáá wúl̃a ngáá ná!”

MÁFIYU 27:4 Iomraidhean Croise

MÁFIYU 27:19

Páilɛɛ i loí nɔ́ɔ héini kɔsɔ́ kpɔ́kpɔngi ya, ngi ỹáh̃a í keela woí sí lɔ́ve ngelé, i ɣɛ ma, “Yálaa faa fíli kɛ́ ngáá siỹɛndópoi ná, aa faa fíli kɔ́lɔ faa wá, bɔw̃álale, ngi hái i kɛngɔ́ máá í nɔ́w̃ɔ siŋal̃ái h̃u ngí mbóngɔ bɔ́kɔi.”

MÁFIYU 27:54

Sóya nuu walaí ná ɛ́ɣɛ sóyai sítii ti ɣɛ́i mba táa Jísu w̃aah̃ú belé, ná tí ndɔwɔlɔ́i lɔní í bɛ́lini, ɛ́ɣɛ sí kpɛ́lɛɛ í híyai na, nduwái i vuí tí h̃u. Kɛ ti ɣɛ́a tá, “Tɔɔỹaá kái kai té, i ɣɛngɔ ngáá Ngalángi H̃íỹɛndou Loí!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:22

Páilɛɛ yɛ́pɛlai hawa kélei nungáitii ngelé, i ɣɛi ti w̃a, “Ndeénii le? Faa ỹɔ́i bɛɛ́ lɔ í kɛngɔ́? Ngáá nɛ́ɛ faa ỹaaní fíli tɔ́ni siỹɛndópoi sí h̃u ngáá nuu áá paá fááw̃a. Faalɔ, nyá ngáá faa bá nda nɔ́ɔ ma, ngí bé mba í lí.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:41

kɛ́ mu ndái laá, aá lɔ pele w̃a sífaa, mu gɛɛhɔ́ngi lɔ i kɛ́a kule í mu w̃a mú sái sí wo. Kɛ́ siỹɛndópoi sí aa faa ỹɔ́u fíli kɛ́ngɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:47

Ná sóya nuu walaí í fái sí lɔní í híyani, i Ngalá tɛ́ni, i ɣɛ ta, “Tɔɔỹaá hááw̃a, faa ỹɔ́u fíli aa ɣɛngɔ siỹɛndópoi sí h̃u.”

NJƆÚ 19:7

Kɛ́ Júsuai ti ɣɛ́i ma, “Kpéle! Sava lɔ́ ni yaá aáva savaí ná i ndengɔ́ ngáá kɛ siỹɛndópoi sí í sáá w̃ááhɔlɔ, bɔw̃álale i bɔwɔ́ yeɣéngɔ ngáá Ngalángi H̃íỹɛndou Loí.”

TI GƐ́Ɛ́ HAÍTII 13:28

Kɛ kíya bɛ́lɛ faa ỹɔ́u fíli áá ɣɛ́i su, kɛlaa kule ɔ́ɔ́ ɣɛ́ ma tɔɔ́ paa faaw̃a, ná fíli sú, tí ndéni nɔ́ɔ Páilɛɛ w̃a ngáá ná í paa.

LÓÓMI 3:19

Ní kɔ́lɔ náa ngáá sí kínɛi í Ngala sávai h̃u tiyá lɔ́ ná sítii fááw̃a tí maa hávai wu. Maa hávai vá tɔ na ngáá kɛinɔɔ́ ngooh̃úgula w̃áá álaa ɣɛ́ nuu fíli mbá, ná vólu, kɛinɔɔ́ Ngalángi gɔ́sɔngi í ló nuu kpɛ́lɛɛ mbá.

TÍMOTI HESENDAA GƆLƆÍ 4:2

Ngakpolówa kálambo táálii sítii pa taá gúla sítii ngéya taa Ngála fái la yaah̃ú, kɛ́ ɛ́i ɣɛ ti lií h̃u. Maa lɛ́ɛ́ galambo mbélai sítii pa faa ỹɔ́u ɣɛ́ndaa áá mɔ́ɔ ti yaah̃ú ngáá faa fíli.

TÁITƆ 1:16

Maa yélai taá ɣɛ taa ndé ngáá ti Ngalá kɔlɔ, kɛ́ tí lúva veléitii táá ngákɛ ngáá nuu í ɣɛ́ kɔ́lɔ ngáá kɛ táá ngáá Ngalá kɔ́lɔ mbélaa. Ngala ngáá loi ngáá tí lúva vélei kulo bɛ́lɛ ɛ́ɣɛ tí gólo lálangɔ aáva tɛí hómbo tɔ́ɔ́ faa vánda fíli kɛ́.

HÍBULU 7:26

Jísu ndá Yála sááɣa gulandái h̃u, aa hombó í mú gúla a mu beɣéma háitii sú bɔw̃álale, aá lɔ́ ngáá hɛ́ɛ́ma w̃ɔ́ɔ́, tɔmbema w̃áá fíli aa mba aáva aa ngáá faa ỹɔ́u ɣɛ mɔ́ɔ kíya mu ngáá faa ỹɔ́u ɣɛ́ mbélaa. Ngalá pa i kɛngá ngáá ngangímba w̃ɔ́ɔ́ wála ngelegóóh̃u.

PÍTƐ HESENDAA GƆLƆÍ 1:19

Kɛ́ aá ɣéle, sí í wú wúmaawongɔ aá waa ngáá saáɣa hái Kílisitii í mbóngɔ kulɔ́sii w̃a lɛ́i ngangimbá ngwala. Laáva ngi hái gulangɔ́ í ɣɛ́ngɔ lá ngáá kíya saáɣa waala áá ɣɛ́ na faa fíli ɛ́i ɣɛ́ mba kɛlaa polí kúlo ɣéle tɔ ɔ́ɔ́ ɣɛ́ ma.

NJƆÚ HESENDAA GƆLƆÍ 3:12

A málaa ɣɛ́ ngáá siỹɛndópoi ná tɔ́ɔ́ ɣɛ́ ma Kíŋ ɣɛ kíli lɛ́i í ɣɛ́i ngáá nuí sí taa ɣɛ́ ma Nyaama W̃ɔ́i ngi núu. Kíŋ ná lɔ í bɔwɔ́ bɔ́wɔ ndéɣei vááni. Kíŋ í ngi ndéɣei vááni sífaa Kíŋ i ɣɛi ngáá tuva velé ỹɔ́u w̃ɔɔ aáva ngi ndéɣe í ɣɛi ngáá tuva velé vánda w̃ɔɔ.

FAA YÁKƐ KƆ́LƆI 11:10

Nungáitii ti ngélewu, taá góóh̃unɛɛ nuu félengɔi sítii ti háá laí ná h̃u. Taá ɣɛ́ taa kóóh̃unɛɛ gúú wuya táá fembɛ wɔ́lingaa lɔve ỹɔw̃ɔ́ ỹɔ́w̃ɔ yéle. Sífaa Ngala ndáá háá lé mbéla félengɔi sítii tɔ́ ti ɣɛ́ngɔ táa faa báma walái lá ti w̃a.