MÁFIYU 26:2 - Kɛ́lɛ Niinaí

² “Wú kɔlɔ́ ngáá ná foló félengɔ áá lɔ́ve, kuí sí taa ɣɛ́ ma Ngumaawó Kúi, aa foló náa ma. Ná h̃u lɔ́ nuí síí w̃ɔ́i taá ɣɛ́ ma Nuu Búsa Goo H̃ú Loí táá tokolevé ngáá tí kpakpá kulɔ́sii w̃a í há ma.”

MÁFIYU 26:2 Iomraidhean Croise

MÁFIYU 10:4

Ná vólu, Sáimɔ lɛ́i í ɣɛ́i nungái sítii su ti ɣɛ́i loí tí tí vóngai ngumááwo Lóómi gɔ́mɛtii yáa ɛ́ɣɛ Júdɔ Ɛsikɛ́liyɔ lɛ́i í Jísu lokolevéni.

MÁFIYU 17:22

Ná Jísuni ngaa polú yélaitii tí yatɛ́i mba ỹanda yílaa Galéli tiyá léé léé, Jísu i ɣɛi ti w̃a, “Tiyá lɔ́ɔ́ va nuí síí w̃ɔ́i ta ɣɛ́ ma Nuu Búsa Goo H̃ú Loí lókolevema nungáá w̃a.

MÁFIYU 27:4

I ɣɛ ta, “Ngí faa ỹɔ́u ɣɛ́nga, sífaa ngí síỹɛ tókolevenga ngáá í há, lɛ́i áá faa fíli kɔ́lɔ fáa wa!” Nátii tí ngoo yápoteni, ti ɣɛ́ ma, “Ni ndá aa ná h̃ú, í yéle fáá wúl̃a ngáá ná!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:15

Kɛ Jísu i ɣɛa ti w̃a, “Naa w̃ɔl̃í í ɣɛ́ngɔ má ngwála ngáá a mú Ngumaawó Kúi w̃aa ỹɛ́ɛ́nii sí ỹɛ maa wúyeni p̃ɛ́ɛ́ máá ɔ́ɔ́ ɣɛ́a nɔw̃ɔ́.

NJƆÚ 11:55

Suu áá mɔ́ɔ ɣɛi gooh̃á kɛ i folongá Júsuai ti guí ná taa tolí ngáá Ngumaawó Kúi wuya sɔ́wɔi w̃a, nungáá bih̃íw̃aa va tí vááni taa gúla Jɛlúsɛl̃ɛ bela látai nátii kpɛ́lɛɛ kpɛ́lɛɛ su, tí lí Jɛlúsɛl̃ɛ. Tí liiní ngáá kɛinɔɔ́ tí bɔwɔ wuyá faa ỹɔ́u háitii su p̃ɛ́ɛ́ Ngumaawó Kuí ɔ́ɔ́ ɣɛa foló ma.

NJƆÚ 12:1

Ná í ɣɛ́i loí ngáá foló ngɔ́hitangɔ p̃ɛ́ɛ́ Júsuaitii ti Wúmaawo Kúi ɔ́ɔ́ ɣɛ́a foló ma, Jísu i liiní taí ná h̃u taa naa lolí ngáá Bɛ́tani mbéinda siỹɛndópoi ná taa ɣɛ́ ma Lásɔlɔ Jísu í mbuyoɣéi saí h̃u, i ɣɛi ngáá ngi láá h̃u.

NJƆÚ 18:2

Jísu volú w̃ɔ́i sí va tɔ́ɔ́ ɣɛ́ ma Júdɔ lɛ́i í ɣɛ́i áá va Jísu lokolevéma í ɣɛi maa ỹándai wɔ́lɔ bɔw̃álale Jísuni ngaa polú yélai tɔ́ɔ́ w̃ɛ́ɛ́ maa ỹándai hɔ́wɔ fíli.

NJƆÚ 18:32

Sí va ngi ɣɛí kɛinɔɔ́ ngói sítii Jísu í ndéni ngáá kíya í ɣɛ́i áá vá hááma í hítɛ nga.

NJƆÚ 2:13

Júsuai ti gúi sí taa ɣɛ́ ma Ngumaawó Kúi, i ɣɛi náá bɛɛní mba, kɛ Jísu i liingá Jɛlúsɛl̃ɛ taa walái h̃u.