MÁFIYU 24:3 - Kɛ́lɛ Niinaí

³ Kɛ Jísu i liingá í héi ngihéi sí wá taa tóli ngáá Ɔ́levi Wuluí Yíhei. Kɛ polú yélaitii tí váánga ngelé tiyá léé léé. Tí mɔ́ɔ́nii ti ɣɛ́ ma, “Nde lɛ́ɛ́ ni w̃a, bele hɔ́wɔ lɔ faí sítiini táá vá ɣɛ́ma yí yɛ́pɛngɔ kɔwɔ́ato ti wa? Ná vólu, bɛ́ɛ́ vá tɔ́ áá í váálai yakɛ́ kpál̃au ɛ́ɣɛ ngetéyangi yakɛ́ɛ́lɛmai?”

MÁFIYU 24:3 Iomraidhean Croise

MÁFIYU 13:36

Kɛ Jísu i hiɣengá faŋaí liiwáá, í lí pɛlɛ́i wu. Kɛ polú yélaitii tí váánga ngelé, ti ɣɛ́ ma, “Faanɛ́ɛ́ngi kɔwɔ́ato tufa gbáámangaitii mba kpaalaí h̃u, polúi ɣɛ ngáá ni ye.”

MÁFIYU 13:49

Ngimɔ́ɔ́ nɔ́ɔ áá vá ɣɛ́ma ngetéyangi sí yakɛ́ɛ́lɛmai. Malékaitii taá vá tí túva velé ỹɔ́u yeláitii ngakɔ́lɛma taá nungái sítii ti ngáá telembo mbélaa Ngalá ngaah̃ú, táa ndiivó fáitii kɛ.

MÁFIYU 15:12

Kɛ Jísu volú yélaitii tí váa ngelé, ti ɣɛ́ ma, “Yí kɔ́lɔ ngáá ngoí sí yí ndéngɔ i baalɛngɔ́ Júsuai sítii mba taa ɣɛ́ ti w̃a Falósiai?”

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

MÁFIYU 16:28

Ngí tɔɔỹái le wú w̃a, wú lɛ́ingaa wú lóóni mbéi, wɔ́i saa w̃ááhɔlɔ í ló su kpóloo wú Nuu Búsa Goo H̃ú Loí lɔ́ áá vá ngi w̃ásandai h̃u.”

MÁFIYU 17:19

Kɛ Jísu volú yélaitii tí liingá ngelé tiyá léé léé, tí mɔ́ɔ́ni, ti ɣɛ́ ma, “Ndeénii le naa hómbongɔ nɔɔ́ ỹína nyɔí léve siỹɛndóu loí vólu?”

MÁFIYU 21:1

Ná Jísuni ngaa polú yélaitii tí ɣɛ́i taa bɛ́ɛ́ Jɛlúsɛl̃ɛ taa walái béla, tí fóloni taa yílaa su taá tóli ngáá Bɛféji. Bɛféji i ɣɛi ngihéi sí béla taá tóli ngáá Ɔ́levi Wuluí Yíhei. Naa lɔ tí ɣɛ́i na, Jísu í volú yélaa félengɔ lɔ́vei,

MÁFIYU 24:27

Bɔw̃álale nuí síí w̃ɔ́i taa ɣɛ́ ma Nuu Búsa Goo H̃ú Loí paalái volú aa ɣɛ gulaí ngáá ngeleí áá ɣɛ́ míỹa míỹa í séi foló gúla veléi h̃u véle, í fólo foló líi veléi h̃uu véle.”

MÁFIYU 24:30

Ná ná áá ɣɛ́, ŋani tá aa ɣɛ ngeleí ya sí áá nuí síí w̃ɔ́i taa ɣɛ́ ma Nuu Búsa Goo H̃ú Loí váálai volú hái yakɛ́. Híítii kpɛ́lɛɛ tí ngelewu ti w̃áá áá w̃áánu. Taá Nuu Búsa Goo H̃ú Loí lɔ íwaa vá i njɛ bilíítii nga, ngakpá ngí ngeyá, ná vólu, áá hólo míl̃a mil̃a.

MÁFIYU 24:37

Kíya í ɣɛ́i Nówa ndá yéteyangi h̃u, ngimɔ́ɔ́ nɔ́ɔ jɔ́ áá vá ɣɛ́ma nuí síí w̃ɔ́i taa ɣɛ́ ma Nuu Búsa Goo H̃ú Loí ndá hóloi w̃a íwaa vá vaamá ma.

MÁFIYU 24:39

Ná fíli su, taá faa wɔ́lɔi sí wá í ɣɛ́i áá vá ɣɛ́ma, í ló su kpóloo njɛhéngi í va í tí kpɛ́lɛɛ máábɔle. Ngimɔ́ɔ́ nɔ́ɔ áá vá ɣɛ́ma nuí síí w̃ɔ́i taa ɣɛ́ ma Nuu Búsa Goo H̃ú Loí vaa l̃áingi w̃a vólu.

MÁFIYU 24:43

Kɛ́ a faí sí yá tɔ lɛ́ɛ mba, kɛbei pɛlɛ́ w̃ɔ́i i ɣɛi kɔ́lɔ táingi ŋúỹa w̃ɔ́i áá vá ma kpindíi, ɔ́ɔ́ ɣɛ́ ɣɛi naa w̃ááh̃u bélei. Ɛ́i belé ɣɛ́ kɛní ŋuỹá w̃ɔ́i ɔ́ɔ́ ngi vɛ́lɛi laa wólo.

MÁFIYU 28:20

Wú ti galámbo ti híya ngáá faí sítii kpɛ́lɛɛ ngí ndengá wú w̃a ngáá wááyaa ti ɣɛ. Aáva tɔɔỹaá hááw̃a, nyá lɔɔ ɣɛ́ wú vólu hɔ́wɔ fíli í ló sú í foló ngetéyangi sí yakɛ́ɛ́lɛmai w̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:7

Jísu volú yélaitii ti mɔ́ɔ́nini, ti ɣɛ́ ma, “Kaamɔ́ɔ́, bele hɔwɔ́ lɔ́ faí sítiini táa vá ɣɛmá yí yɛ́pɛngɔ kɔwɔ́ato ti wa? Ná vólu, bɛɛ́ lɔ́ áá ngakɛ́ kpál̃au ngáá kɛ faí sítii tiyá lɔ́ɔ vá náá ɣɛ́ma?”

TI GƐ́Ɛ́ HAÍTII 1:7

Kɛ Jísu i ti woo yápotenga, i ɣɛ ti w̃a, “Kule áá wú w̃á ngáá wɔ́ɔ́ ɣɛ́ kɔ́lɔ sɔwɔ́i ɔɔ folói Kɛɛɣɛí Ngalá ngí lókolongɔ mba kpɔwɔ́ bɔ́wɔ yakpangí h̃u.

HÍBULU 9:26

Kɛ bele ngí múl̃ɔ kule í ɣɛ́i ma í ɣɛ́ na, kɛ ná ná ɔ́ɔ́ ɣɛ, kɛ Kílisitii w̃áánɔw̃ɔndai hei h̃úú ɔ́ɔ́ ɣɛ́ bíh̃i ká ka í séi ngeléwu bátɛ sɔ́wɔi w̃a. Kɛ́ áá ɣéle, fáitii ngákɛɛlɛmaa bɛɛngɔ́i sí náá mba i bɔ́wɔ gúlanga kɛ́lɛma nuu kpɛ́lɛɛ fááw̃a ngáá kɛinɔɔ́ í faa ỹɔ́i wúya nuu kpɛ́lɛɛ má ngáá bɔwɔ́ gúlandai ngáá saáɣa naa héiw̃aa í ɣɛ́i yíla kpé.