MÁFIYU 22:9 - Kɛ́lɛ Niinaí

⁹ Faalɔ, a lí pele walái w̃a, nungái sítii fíli wáá tí lɔ, wú tí lolí kuí háaw̃a.’

MÁFIYU 22:9 Iomraidhean Croise

MÁFIYU 20:7

Nátii tí ngoo yápoteni, ti ɣɛ́ ma, ‘Nuu fíli aa ni yeɣéngɔ ngáá ni yénge mbɛ.’ Kɛ i ɣɛa ti w̃a, ‘Kɛ a lí hɔ́ɔ́ wá bɛ́lɛ wú yénge ní bélei h̃u.’

MÁFIYU 22:10

Aáva, bɔ́ilopoaitii tí liiní pele waláitii ma tí nungáitii kpɛ́lɛɛ ngátɛ mba tɔ́ɔ́ ti lɔ, nungái sítii ti ɣɛ́i ngáá tuva velé ỹɔ́u yelaa, ɛ́ɣɛ tuva velé vánda yelaa, tí lí ngáá ti ye, kɛ nyah̃á wɔ́li kotái wuu laá í hénga kpé ngáá sítii tí tí lolíni.

MÁFIYU 22:8

Kɛ i ngi bɔ́ilopo vekaítii tolínga, i ɣɛ ti w̃a, ‘Ní lói ỹáh̃a wɔlí kúi i folónga náa ma, kɛ́ nungái sítii ngí tí lolíngɔ taá kúlaɣɛi ngáá nungáá vaa hááw̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:47

Aáva keela woí kɔwɔ́ato polú yafé fái wa faa ỹɔ́i wa, ɛ́ɣɛ faa ỹɔ́u h̃úúhaalondai ndaahéingi h̃uu lɔ taá nde na. Kɛ́ kɛ tɔkúla aa hei Jɛlúsɛl̃ɛ í ló su í foló ngelewu kpɛ́lɛɛ.

TI GƐ́Ɛ́ HAÍTII 13:47

sífaa, Ndemɔí Ngalá ngí faa léngɔ ni w̃a ngáá sí, i ɣɛ ta, ‘Ngí í ɣɛa ngáá lámbo fo kɛ kíli sítii faaw̃a taa ngáá Júsua kɛinɔɔ́ yí vá ngáá ngumaawóngi yí fólo lá ndɔwɔlɔ́i kpɛ́lɛɛ su.’ ”

Ɛ́FƐSƆ 3:8

Toow̃aá aa mbá Ngalángi vóngaitii ndiiwáá. Kɛ́ ná fíli sú, Ngalá ngí ngenge kpíkpi fengɔ́ ngéya ngáá ngi kééla woó vándai lé sítii ma taa ngáá Júsua kɔwɔ́ato faa bɔ́wɔ h̃uulɔ́vengɔ wálai wa nuu áá maahɔ́lɔ ná áá ɣɛ́ Kílisitii wɔ́lɔ.

FAA YÁKƐ KƆ́LƆI 22:17

Hɛ́ɛ́ma Ỹínangi ɛ́ɣɛ Nyáh̃a Wɔ́lingɔ Níínai kɛ ti Ndemɔí Jísu lolínga, ti ɣɛ́ ma, “Vá!” Nuí fíli áá fái sí ỹɛ́ni, aá bɛ́lɛ kule lɔ́ má í ɣɛ́ tá, “Vá!” Nuí fíli njɛ́ bɔ́le mɔ́ni áá ɣɛ́ ma, í vá í ndɛɛh̃u w̃ááhɔlɔ njɛ́i sí bɔ́le aáva ɛi sɔw̃ɔ he.