MÁFIYU 22:3 - Kɛ́lɛ Niinaí

³ Nungái sítiini í ɣɛ́i ti lolíni nyah̃á wɔ́li kúi náa hááw̃a, i ngi bɔ́ilopoaitii tɔveí ngáá tí ndé ti w̃a ti vá, kɛ́ táa kɛ́ni tɔɔ vá.

MÁFIYU 22:3 Iomraidhean Croise

MÁFIYU 21:34

Ná gilépii gula sɔ́wɔi í fóloni ma, kpelé w̃ɔ́i i ngi yénge mbélaitii tɛingáá lɔ́veni kpéle híŋa mbélaitii ngelé ngáá tí kɔ́lɛ, tí ngí ndái he ti yaá, ti váa la ngelé.

MÁFIYU 23:37

Jísu í mɔ́ɔ́ ɣɛ nungái sítii ma ti ɣɛ́i Jɛlúsɛl̃ɛ taa h̃u, “Wɛ́i wú ngáá Jɛlúsɛl̃ɛ yeláitii, wá lɔ wáá Ngalá ndaa háá lé mbélaitii páa, ná múl̃ɔ áá ti lɛ́ingaa lɔ́ve wú yéle, wú ti hɔ́ɔ́ ngáá kɔtu. Naa héiw̃aa í ɣɛngɔ bih̃í ká ká ngí ɣɛ́ngɔ ngí wú vóngaitii ngatɛ́ mba ỹanda yílaa kíya tɛɛnjéi áá ngi yívoaitii ngatɛ́ mba govóngi wu, kɛ́ wáá béngɔ mbá ngɔ́ɔ́ kɛ.

MÁFIYU 3:2

I ɣɛi áá ɣɛ́ ta, “A volú yáfe wú háá ỹɔítii mba bɔw̃álale Ngalángi w̃ásandai áá vá ɣɛ́ma nuu kpɛ́lɛɛ mááh̃u h̃umbuwa i folóa ma.”

MÁFIYU 9:15

Kɛ Jísu i ti woo yápotenga, i ɣɛ ti w̃a, “Aa lɔ́ wú gí ma ngáá nyah̃á wɔ́li sótangai ti w̃ááw̃aanungɔ aa ɣɛ lá ná nyáh̃a wɔ́li mɔ́i áá ɣɛ́ ti loow̃á? Aá ɣéle p̃ɛ́ɛ́ ná ɛi ɣɛ! Kɛ́ táingi lɔɔ vá vaamá ná taá nyah̃á wɔ́li mɔ́i gúla ti yaá, naa h̃uu lɔ́ taa súngi hóu.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:34

Kɛ Jísu i mɔɔ ɣɛa ta, “Éé Jɛlúsɛl̃ɛ yeláitii, wá lɔ wáá Ngalá ndaa háá lé mbélaitii páa, ná múl̃ɔ áá ti lɛ́ngaa lɔ́ve wú yéle wú ti hɔ́ɔ́ ngáá kɔtu. Naa héi w̃aá í ɣɛngɔ bih̃í káka ngí ɣɛ́ngɔ ngí wú vóngaitii ngatɛ́ mba ỹanda yílaa kíya tɛɛnjéi áá ngi yívoaitii ngatɛ́ mba govóngi wu, kɛ́ wáá béngɔ mbá ngɔ́ɔ́ kɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:28

Faalɔ, ngi w̃áifɔlɔ ndoí ná i luuní ngwála aa kɛní ɔ́ɔ́ lɛ́ pɛlɛ́i wu. Ngi kɛ́ɛ́ɣɛ vá i gulaní náa ngitíí ya, í maanɛ́ɛ́nɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:27

Ná vólu, mbaahílima yélai sítiini taa ɣɛ́ngɔ loní ngɔ́ɔ́ masandái w̃aahɔ́lɔ, a vá ngáá ti ye, wú tí váa mbéi kákala!’ ”

NJƆÚ 5:40

Kɛ́ ná fíli su, wáá lói wɔ́ɔ́ va ngéle wɔ́ɔ́ kúnafɔ lɛ́ɛ́h̃ui w̃aahɔ́lɔ.

TI GƐ́Ɛ́ HAÍTII 13:45

Ná Júsuaitii tí faŋaí ya tɔ́i, tí tolóma batɛní naa liítii su aáva ti ɣɛ́i náá taá njɛpɛ ỹɔú ỹɔ́ungaa le kɔwɔ́ato sí wá Pɔ́ɔ ɣɛ́i áá nde.

LÓÓMI 10:21

Sí lɔ́ Ngalá ngí ndéni kɔwɔ́ato Ísulɔ yeláitii mba, i ɣɛi ta, “Toko h̃ú húlombongɔɔ lé hɔ́wɔ fíli nungái sítii fááw̃a taa kólo lála gúla ngáá ngé, ti mɔ́ɔ́ lo ndáá wú.”

HÍBULU 12:25

Wú ndá gí su gíte ngáá wálaa léle wolilóndaa w̃a Ngalá ma lɛ́i áá yɛ́pɛ wú yéle. Sítii ti léleni ngáá tí wólilo ma ná h̃u í ngí lááhingi wóni ngáá ti ye ngelewu taá vélai maa háá bamaí wa í lái ti w̃a. Muỹa ɣéle p̃ɛ́ɛ́ pele guló áá ná mɔɔ́ w̃aavela ná maa léle ngáá a mú wólilo Ngalá ma lɛ́i ngi lááhingi áá gúla ngelegóóh̃u.

HÍBULU 9:15

Háwui sí hááw̃a, Kílisitii lɔ í kɛ́lɛ niinaí sí bátɛngɔ Ngalá ndówah̃u taá nungáitii, ngáá kɛinɔɔ́ sítii Ngalá ngí lókolongɔ ti wa ngáá ngí vóngaa tí kulasuunúmai sítii maahɔ́lɔ i na kúnafɔ Ngala ngí ti guulónga la. Sí aa ɣɛ bɔw̃álale, Kílisitii i sái sí wónga áá kɛ́ ngáá háwu nuu búsaa wumáá í wo faa ỹɔ́itii ngéya tí kɛ́ni ná h̃u nɛ́nɛ kɛlɛ pɔ́lɔi í ɣɛ́i ti lówah̃u taá Ngalá.

FAA YÁKƐ KƆ́LƆI 22:17

Hɛ́ɛ́ma Ỹínangi ɛ́ɣɛ Nyáh̃a Wɔ́lingɔ Níínai kɛ ti Ndemɔí Jísu lolínga, ti ɣɛ́ ma, “Vá!” Nuí fíli áá fái sí ỹɛ́ni, aá bɛ́lɛ kule lɔ́ má í ɣɛ́ tá, “Vá!” Nuí fíli njɛ́ bɔ́le mɔ́ni áá ɣɛ́ ma, í vá í ndɛɛh̃u w̃ááhɔlɔ njɛ́i sí bɔ́le aáva ɛi sɔw̃ɔ he.