MÁFIYU 2:6 - Kɛ́lɛ Niinaí

⁶ ‘Wɛ́i wú ngáá Bɛ́tileh̃ɛ yeláitii, Júda lataí h̃u, wú lɔ́wɔ yánjeingɔ láá le, Júda lataí h̃uu láá wala walaítii ndiiwáá, tiyɛ́i ti lɔwɔ́itii tɛ́ngɔi. Wú lɔ́wɔitii tɛngɔ́ɔ́ lé bɔw̃álale ngutuwɔ́ w̃ɔ́ɔ́ lɔɔ vá gúlama wú h̃ú, lɛ́i áá ɣɛ́ ní vóngai maah̃u tiyɛ́i tí ngáá Ísulɔ yeláitii.’ ”

MÁFIYU 2:6 Iomraidhean Croise

MÁFIYU 2:1

Mɛɛloí i Jísu lení taí sí h̃u taá náá lolí ngáá Bɛ́tileh̃ɛ, Judíya lataí h̃u. Táingi ná h̃u, Hɛ́lɔdi lɔ í ɣɛ́i ngáá masangí tataí ná h̃u. Jísu lengɔ́i w̃a féyaa, ki maa gula yélaa ti gúlani ngáá foló gúla veléi h̃uu véle, tí va taa walái sí h̃u taá tóli ngáá Jɛlúsɛl̃ɛ,

MÁFIYU 28:18

Kɛ́ Jísu i vuuvaní ti béla, i ɣɛ ti w̃a, “Ngakpángi sí í ngelegóóh̃u ɛ́ɣɛ ngeleí sí wu, Ngala ngí ti hénga ngéya.

NJƆÚ 21:16

Naa héiw̃aa héle kélei i ɣɛi ngáá sí náa Jísu í mɔ́ɔ́nini í ɣɛ́i ma, “Njɔú h̃íỹɛndou loí Sáimɔ, í lóngɔɔ lé ngáá ngé?” Ná í ngoo yápote, i ɣɛ ma, “Eeí, Kɛɛɣɛ́, yí kɔlɔ́ ngáá ndóngɔɔ lé ngáá í ye.” Kɛ Jísu i ɣɛa ma, “Pólu yélaitii maah̃ú béle kíya mbaala w̃ááh̃u béle mɔ́i áá ngí wáálaitii maah̃ú béle.”

NJƆÚ 7:42

Pɔnɛngɔ́ɔ́ lé Ngala Kɔ́lɔi h̃u ngáá Ngalángi Lókolo Mbá W̃ɔ́i aa ɣɛ ngáá Masangí Deevé láála loí ta, Bɛ́tileh̃ɛ taí h̃u w̃ɔ́ɔ mbéinda Masangí Deevé gíte í ɣɛ́i na.”

Ɛ́FƐSƆ 1:22

Ngala ngí ngakpá féngɔ Kílisitii yáa ŋani kpɛ́lɛɛ mááh̃u í mɔ́ɔ́ kɛ ngáá ngutuwɔɔ́ w̃ɔ́ɔ́ walaí Ngala fɛ́li mbélaitii faaw̃a.

KƆLƆ́SE 1:18

Kílisitii lɔ́ í ngáá Ngalá fɛ́li mbélai ti wungí. Ngalá fɛ́li mbélai pa tiyá lɔ́ Kílisitii wa kíya nɔ́ɔ nuu lúwui áá ɣɛ nuu w̃a. Aá va tɔ áá kɛ́ ngáá háwu Ngalá fɛ́li mbélai táa ɣɛ́ ndɛɛh̃u gítei h̃u. Aá vá tɔ́ í ngáá hésendaa w̃ɔí Ngala ngí mbuyoɣéni sái h̃u, kɛinɔɔ́ ngilaá kpé ngoo í ɣɛ́ nda ŋani kpɛ́lɛɛ mááh̃u.

HÍBULU 7:14

Ngakɛngɔ́ɔ́ lé kpál̃au ngáá a mu Lemɔ́i Jísu i gulangɔ́ nde kpambíi sí h̃u taa tolí ngáá Júda. Aáva nápa ná Muusé ɔ́ɔ́ ɣɛ́a yɛ́pɛ kɔwɔ́ato Ngala sááɣa gula fáá wa, aa nde kpambíi ná laahéi tólini na.

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 7:17

bɔw̃álale Mbaalaí, í masa ngwálai bɔ́kpɔngi béla, aá lɔ́ɔ ɣɛ́ ngáá tí w̃ááh̃u béle mɔ́i. Laá lɔ́ ngáá ti w̃ááh̃u béle mɔ́i kíya nɔ́ɔ mbaala w̃ááh̃u bele mɔ́i í na. Aá pele ɣɛ ngáá ti ye áá lí í tó ndɛɛh̃u w̃ááhɔlɔ njɛ́i wa. Ngalá tɔ́ɔ vá ti yaah̃ú wɔ́lɔyɛi kpɛ́lɛɛ kpálema tí yaah̃ú.”