MÁFIYU 2:4 - Kɛ́lɛ Niinaí

⁴ Masangí Hɛ́lɔdi i Ngala sááɣa gula mbélai ti wutúwɔai maakpɔ́i mba ɛ́ɣɛ kaamɔítii Ngala sávai hááw̃a í féni Muusé yáá i ti w̃ɔ́ɔ́ni, i ɣɛ ti w̃a, “Míl̃inda lɔ táa vá Ngalángi Lókolo Mbá W̃ɔ́i lemá na?”

MÁFIYU 2:4 Iomraidhean Croise

MÁFIYU 13:52

I ɣɛ ti w̃a, “Náá hááw̃a, kaamɔítii Ngala sávai hááw̃a, í féngɔ Muusé yaá, tiyɛ́i tí tɔɔỹáá gálambo maahɔ́lɔnga kɔwɔ́ato Ngalángi w̃ásandai wa, ti gulangɔ́ɔ́ lé nɔ́ɔ ngáá pɛlɛ́ w̃ɔ́i áá gúla ngáá ŋani niináini ngaa ngi vɔ́lɔi ngi yándɔɔlɔ lomuí h̃u.”

MÁFIYU 2:3

Ná Masangí Hɛ́lɔdi í fái sí ỹɛ́nini, i ɣɛi wu nga wúúlee, nungái sítii kpɛ́lɛɛ ti ɣɛ́i Jɛlúsɛl̃ɛ taa h̃u, tiyá bɛ́lɛ tí ɣɛ́i wu nga wúúlee.

MÁFIYU 2:5

Nátii pa tí ngoo yápotei, ti ɣɛ́ ma, “Tiyá lɔɔ́ vá ndemá Bɛ́tileh̃ɛ taí h̃u, Judíya lataí h̃u. Sífaa, ná lɔ́ Ngala ndaa háá lé mɔ́i í pɔ́nɛni.

MÁFIYU 21:15

Kɛ́ Ngala sááɣa gula mbélai ti wutuwɔ́aitii ɛ́ɣɛ kaamɔítii Ngala sávai hááw̃a, ti liiyáw̃al̃angɔ i ɣɛi la ná tí káámaa haítii tɔ́i í kɛ́ni, ɛ́ɣɛ sí mɔ́ɔ ndopóaitii ti ɣɛ́i taá woo gúla Hɛ́ɛ́ma Yála Pɛ́lɛi góvii h̃u, táá ɣɛ́ ta, “Lɛí taá tóli ngáá Masangí Deevé Láála Loí, bɛlɛ́ ndaaw̃áá í lɛ́!”

MÁFIYU 21:23

Kɛ Jísu i yangáimanga Hɛ́ɛ́ma Yála Pɛ́lɛi góvii h̃u. Ná í ɣɛ́i áá kalambongí wó, kɛ Ngala sááɣa gúla mbélai ti wutúwɔai ɛ́ɣɛ kele ɣelé mbélaitii tí váa ngelé, tí mɔ́ɔ́ni, ti ɣɛ́ ma, “Ngakpángi híí bɛ́ɛ lɔ í í yáá yíwaa faí sítii kɛ? Ele vá tɔ́ í maa yákpangi héngɔ í yáa?”

MÁFIYU 26:3

Kɛ Ngala sááɣa gula mbélei ti wútuwɔaitii ɛ́ɣɛ kéle ɣelé mbélaitii Júsuaitii fááw̃a tí w̃áákpɔa mba Ngala sááɣa gula mbélai ti wutúwɔɔ w̃ɔ́ɔ́ walaí tɔ́ɔ́ ɣɛ́ ma Káyafa, ngi vɛ́lɛ walaí wu.

MÁFIYU 26:47

Jísu i loní nɔ́ɔ njɛpɛí vúma, kɛ polú yélaa púúngɔ maah̃úú félengɔitii ti tá yílaa, sí tɔ́ɔ́ ɣɛ́ ma Júdɔ í vaangá. Faŋa walá i ɣɛi polú mbowá hɔ́kpɔitii tí tí yaá ɛ́ɣɛ ngulú lúkpu ỹíí mííngaitii. Júsuai ti Yála sááɣa gula mbélai ti wutúwɔaitii ɛ́ɣɛ kele ɣelé mbélaitii tiyá lɔ tí faŋaí ná lɔ́veni.

MÁFIYU 27:1

Ngelendáá lɛtɛngí, Ngala sááɣa gula mbélai ti wutúwɔaitii kpɛ́lɛɛ ɛ́ɣɛ kele ɣelé mbélai Júsuai faaw̃a tí faa h̃uubatɛ́ mbói ngáá ti Jísu vaa.

MÁFIYU 7:29

bɔw̃álale ngi gálambongi ɣɛ́ kíli aa ɣɛi ngáá kíya kaamɔítiini Ngala sávai hááw̃a ti ndái ɣɛ kíli. Kɛ́ laá ɣéle, i kalambongí wóni ngáá wumaa yákpa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:31

Kɛ Jísu i pɛlɛngá múl̃ɔ volú yélaitii kalambóma, i ɣɛi áá ɣɛ́ ti w̃a, “Kɛ nuí síí w̃ɔ́i taa ɣɛ́ ma Nuu Búsa Goo H̃ú Loí í máánɔw̃ɔ bíh̃i bih̃i ngeɣé faa bíh̃iw̃aa h̃u. Aáva kele ɣelé mbélaitii ɛ́ɣɛ Ngala sááɣa gula mbélai ti wútuwɔaitii ɛ́ɣɛ kaamɔítiini Ngala sávai hááw̃a taá bééle mba. Ná vólu, tí páa, kɛ́ ná foló félengɔ áá gúla su sawa kélei w̃a Ngalá ngaa mbuyoɣé sái h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:19

Kaamɔítiini Ngala sávai hááw̃a ɛ́ɣɛ Ngala sááɣa gula mbélai ti wútuwɔaitii ti ɣɛ́i taá pele wɔlí mbá ngáá ti Jísu hou ngamá bɔw̃álale ti ɣɛ́i kɔlɔ́ ngáá kɛ i faanɛ́ɛ́ngi sí héingɔ ti yɛ. Kɛ́ ti ɣɛ́i taa lúwa nungáitii mbá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:10

Ngala sááɣa gula mbélai ti wútuwɔaitii ɛ́ɣɛ kaamɔítii Ngala sávai hááw̃a ti ɣɛ́i lóóni na táa faa ỹɔ́u ỹɔ́ungaitii tɛ Jísu wu mba nɔ́ɔ kélei ngáá ndiihiká híka.

NJƆÚ 18:3

Naa lɔ Júdɔ í lííni na ngáá Lóómi hóya bɔngí. Hɛ́ɛ́ma Yála Pɛ́lɛi w̃aah̃ú béle mbélai tí lɛ́ingaa ti ɣɛ́i polú. Ngala sááɣa gula mbélai ti wutúwɔaitii ɛ́ɣɛ Júsuai sítii taa ɣɛ́ ti w̃a Falósiai tɔ ti ɣɛ́i nátii tɔvení. Kɔ ỹaakáitii ti ɣɛ́i ti kpɛ́lɛɛ ngéya lámbongai ɛ́ɣɛ ngalíítii. Jísu i ɣɛi kɔlɔ́ faí sí kínɛi ti ɣɛ́i taa vá kɛmá lá, faalɔ, i liini ti yelé, aáva Júdɔ lɛ́i í ɣɛ́i áá Jísu lokolevé i ɣɛi na. Kɛ Jísu i ti w̃ɔ́ɔ́ninga, i ɣɛ ti w̃a, “Ele lɔ wúwaa kɔlí?” Kɛ́ tí ngoo yápotenga, ti ɣɛ́ ma, “Jísu lɛ́i í gulángɔ Násɔlɛ taí h̃u, laá lɔ́ níwaa kɔlí.” I ɣɛ ti w̃a, “Kɛ nyá lɔ́ ngáá sí.”

NJƆÚ 3:10

Kɛ Jísu i ɣɛa ma, “Yí ngáá kalambo kɛɛɣɛ́ wala Ísulɔ yeláitii faaw̃a, yáá faí sítii ngatɔ́ngɔ mba?”

NJƆÚ 7:32

Kɛ Júsuai sítii taa ɣɛ́ ti w̃a Falósiai tí ngátɔnga mba ngáá nungáitii ti faŋaí h̃u tiyá lɔɔ wu pɛ́lɛ vɛlɛ́ wa ngáá faí sí léndaa kɔwɔ́ato Jísu wa. Faalɔ, Falósiai taa Ngalá sááɣa gula mbélai ti wutúwɔai ti Hɛ́ɛ́ma Yála Pɛ́lɛi w̃aah̃ú bele mbélai tɔvení ngáá ti Jísu hou.

NJƆÚ 8:3

Kɛ kaamɔítii Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiai tí váánga ngáá nyah̃ápo yiláá Jísu yelé. Ti ɣɛ́i nyah̃ápoi ná hóuni kɔlɔsiyá mbóndai h̃u. Kɛ tí tónga nungái kpɛ́lɛɛ ngutúwɔ,

TI GƐ́Ɛ́ HAÍTII 23:9

Kɛ́ maa hái ná i ɣɛi náa ngáá sɔɔlɛ wála léé lée. Kɛ́ kaamɔítii Ngala sávai hááw̃a sítii ti ɣɛ́i ngáá Falósiaitii ti lɛ́ingaa tí wúyoɣeni, táá maaɣaalí gúla bútei ngwala, táá ɣɛ́ ta, “Naá nɛ́ɛ́ siỹɛndópoi sí háá ỹaani fíli tɔ́ni. Ná náa hɔ́ɔ wɔ́li áá ɣɛ́ ngáá maléka ɔɔ ná láá lé í ɣɛ ngáá ngafuw̃ángi tá lɔ áá ɣɛ́ yɛ́pɛngɔ ngelé.”

TI GƐ́Ɛ́ HAÍTII 4:5

Folo vékai w̃a, Júsuai ti wutuwɔ́aitii ɛ́ɣɛ kele ɣelé mbélaitii ɛ́ɣɛ kaamɔítii Ngala sávai hááw̃a tí máákpɔ hóuni Jɛlúsɛl̃ɛ taa walái h̃u.

TI GƐ́Ɛ́ HAÍTII 6:12

Náá hááw̃a, tí nungáitii kɛ́ni wúúlee taá kele ɣelé mbélaitii ɛ́ɣɛ kaamɔítii Ngala sávai hááw̃a, tí Sitívi hou, tí váa lá Júsuai ti Háá H̃uu Haa Lé Mbélaa wala waláitii kákala.