MÁFIYU 2:23 - Kɛ́lɛ Niinaí

²³ I lií í ɣɛ́ taí sí h̃u taá tóli ngáá Násɔlɛ. Ná vá tɔ náa í kɛ́ni faí sí Ngalá ngi ndení laa háá lé mbélaitii ma tí hítɛi nga, ngáá sí tí ɣɛ́i ta, “Taá ɣɛ́ taá tóli ngáá Násɔlɛ w̃ɔ́i.”

MÁFIYU 2:23 Iomraidhean Croise

MÁFIYU 1:22

Sí kpɛ́lɛɛ i ɣɛi kɛinɔɔ́ fái sí Ndemɔí Ngalá ngi ndéni laa háá lé mɔ́i w̃a ngáá í ndé í hítɛ nga. Ngáá sí í ɣɛ́i ta,

MÁFIYU 21:11

Kɛ́ faŋaí i ngapótei, ti ɣɛ́ ta, “Jísu lɔ ngáá sí, Ngalá ndaa háá lé mɔ́i í gúlangɔ Násɔlɛ taí h̃u, Galéli lataí h̃u.”

MÁFIYU 26:71

Kɛ i liingá ngáá kovíi ná bákii laa vélei tongɔ́ í ɣɛi la kovíi w̃a. Naa lɔ nyah̃aloú vekaí í tɔí na, kɛ i ɣɛa sítii ma ti ɣɛ́i lói na, “Siỹɛndópoi sí í ɣɛngɔ Násɔlɛ w̃ɔ́i Jísu wa.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:24

“Ndeé lɔ́ í lóngɔ yí kɛ ngáá ni ye yɛ́i yí ngáá Jísu, Násɔlɛ w̃ɔ́i? Yí vaá ngáá yí ni ɣɛ kíli ỹaaní? Ngí kɔ́lɔ ele wáá ngáá í ye. Yá lɔ́ yí ngáá Ngalángi Hɛ́ɛ́ma W̃ɔ́i í í lɔ́vengɔ ngeleí sí wu.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:9

Naa laa lówah̃u vá, Jísu i hiɣení Násɔlɛ taa h̃u Galéli lataí h̃u, í vá Njɔú yéle. Njɔú vá í nguyaí wóni lá Jɔ́ɔ́dɛ Yɛí h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:26

Ilésebɛ yalungí wɔhíta kélei koí h̃u, Ngalá ngí malékai Gébilɛ lɔvení Násɔlɛ taí h̃u í tataí sí h̃u taá náá lolí ngáá Galéli.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:37

Nátii tí ngoo yápoteni, ti ɣɛ́ ma, “Jísu í ngáá Násɔlɛ taí h̃úu w̃ɔ́i, aá lɔ íwaa lɔ́ve.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:39

Ná Mɛɛloíni ngaa Joosɛ́ ti vílani faí sítii kpɛ́lɛɛ kɛ́ma ngáá Ndemɔí Ngalángi hávai í ndéni ngáá kɛ tí kɛ, tí yángaimani náa Galéli lataí h̃u ti láa h̃u taá naa lolí ngáá Násɔlɛ.

NJƆÚ 18:7

Kɛ Jísu i mɔ́ɔ́ ti w̃ɔ́ɔ́ninga, i ɣɛ ta, “Ele lɔ wúwaa kɔlí?” Ti mɔ́ɔ́ ngoo yápote, ti ɣɛ́ ma, “Jísu lɛ́i í gúlangɔ Násɔlɛ taí h̃u.”

NJƆÚ 19:19

Kɛ Páilɛɛ va i ndengá tí kɔlɔ guló vɔ́nɛ tí pɛlɛ Jísu gulɔsií wu kɔlɔɔ́ véle. Sí pɔnɛngɔ́ í ɣɛ́i la aá lɔ ngáá sí, “Násɔlɛ w̃ɔ́i Jísu lɔ ngáá sí. Laá lɔ́ í ngáá Júsuaitii ti W̃ása Ngwalaí.”

TI GƐ́Ɛ́ HAÍTII 2:22

Kɛ Pítɛ í mɔ́ɔ ndengá, i ɣɛ ta, “A wolílo sí w̃a, Ísulɔ yelaítii. Jísui sí í ngáá Násɔlɛ taí h̃uu w̃ɔ́i, laá lɔ í ngáá nuí Ngalá ngí tɔvengɔ́ wú yéle aáva i ngakɛ́ngɔ ngáá wú ye ngáá ngakpa fáá walaítii ɛ́ɣɛ káámaa haítii í ɣɛ́i áá kɛ taá kindaa vilí fáitii Ngalángi yákpangi h̃u. Aáva wú faa wɔ́lɔ kɔwɔ́ato faí sítii mba.

TI GƐ́Ɛ́ HAÍTII 24:5

Ní siỹɛndópoi sí lɔ́ngɔ ngáá kɛ tulɔ́bu gula mɔ́ɔ́ le. Aá lɔɔ́ kɛ ngáá háwu kpɔɔlɔ walá wala áá la Júsuaitii ndowah̃u ndɔwɔlɔ́i sí h̃u hááli hááli. Sítii tí woo ɣɛ́a su yílaa, tí ngoo yílaangi sí bátɛ taa ɣɛ́ ma Násɔlɛ Woo Yiláangi, laá lɔ í ngáá ti wutúwɔɔ w̃ɔ́i.