MÁFIYU 2:13 - Kɛ́lɛ Niinaí

¹³ Ná ki maa gula yélaitii ti gúlai Jísu lemái wa, Ndemɔí Ngalángi w̃áleka i gulaí Joosɛ́ yááh̃u siŋal̃ái h̃u, i ɣɛ ma, “Masangí Hɛ́lɔdi lɔɔ vá ɣɛ́ma áá ndói sí wɔ́li kɛinɔɔ́ í paá. Náá háaw̃a, wuyoɣé, yí ndoí yeɣé taá ngí njéé, wú w̃áávela ndɔwɔlɔ́i sí h̃u taá tóli ngáá Íjepi. A ló na í ló su kpóloo kɛ ngáá ɣɛ́ wú w̃á p̃ɛ́ɛ́ a gulá náa wa, wɔ́ɔ́ ɣɛ́a gulá náa wa.”

MÁFIYU 2:13 Iomraidhean Croise

MÁFIYU 1:20

Ná í ɣɛ́i áá gísiya ngáá faí sí, Ndemɔí Ngalángi w̃álekai i gulaní ngaah̃ú siŋal̃ái h̃u, i ɣɛ ma, “Joosɛ́, yɛ́i yí ngáá Masangí Deevé láála lói, yálaa lúwa Mɛɛloí yéɣe fááw̃a ngáá í ỹáh̃a, bɔw̃álale Hɛ́ɛ́ma Ỹínangi yákpangi lɔ í ndói vílingɔ koo ya.

MÁFIYU 10:23

Ná taá faa bá ndá wú w̃á taa yílaa sú, a w̃aavéla taa vekái h̃u. Ngí tɔɔỹái le wú w̃á, wɔ́i nɛ́ɛ́ ɣɛ folóni Ísulɔ yeláitii ti láitii kpɛ́lɛɛ su p̃ɛ́ɛ́ nuí síí w̃ɔ́i taa ɣɛ́ ma Nuu Búsa Goo H̃ú Lói, í vá.”

MÁFIYU 2:12

Kɛ tí yangáimanga ti lɔ́wɔlɔi h̃u ngáá pele veká. Ti ná ɣɛ́i bɔw̃álale Ngalá ngi ti laahíni síŋal̃ai h̃u ngáá tálaa yángaima Masangí Hɛ́lɔdi yelé.

MÁFIYU 2:14

Kɛ Joosɛ́ í wúyoɣenga, í ndói yeɣé taá ngi njée, tí pɛlɛ liimá Íjepi lɔwɔlɔí h̃u kpɔkɔ́i ná nɔ́ɔ kái kái.

MÁFIYU 2:16

Ná Masangí Hɛ́lɔdi í ngatɔ́ni mbá ngáá kɛ ki maa gula yélaitii tí ngakpólowanga, ndiiyáw̃al̃angɔ i ɣɛi lá. Faalɔ, i ndeí sóyaitii ma ngáá ti lí Bɛ́tileh̃ɛ taa h̃u, ɛ́ɣɛ ma látaitii su, tí ndoúlalai kpɛ́lɛɛ páá ti ngáá siỹɛndóu lengaa híítii su í séi sítii mba tí tí lengɔ́ ngáá niina, ɛ́ɣɛ sítii tí fowó félengɔ ɣɛ́nga. Táingi sí ki maa gulá yélai nátii tí kɛ́ni ngáá Masangí Hɛ́lɔdi, laá lɔ́ í gisíyai su, í kuí levéi mba ndengái paa fái w̃a.

MÁFIYU 2:22

Kɛ́ ná Joosɛ́ í mɛniní ngáá kɛ Ákeleyɔ lɔ í masandái w̃aahɔ́lɔnga ngi kɛ́ɛ́ɣɛ Hɛ́lɔdi vomá, Judíya lataí w̃ááh̃u, maa hái i nduwá vúni Joosɛ́ h̃ú ndii haáw̃a na. Kɛ́ Ngalá ngi ndaahí mbói ngáá Joosɛ́ siŋal̃á véka h̃u, faalɔ, i lií náa Galéli lataí h̃u.

TI GƐ́Ɛ́ HAÍTII 10:22

Kɛ nátii ti ɣɛ́a ma, “Kɔníliya sí í ngáá nuu wálai Lóómi hoyaitii ti w̃aah̃u w̃ɔ́i ta laa lɔ í ni lɔ́vengɔ í yéle. Aá lɔ ngáá telembo mɔ́ɔ Ngalá ngaah̃ú. Ná vólu, Ngalángi lúwamba lɔ́ sú, aáva Júsuai kpɛ́lɛɛ taá wufé ma. Ngalángi w̃áleka i ndengɔ́ ma ngáá í nde í w̃a yí vá ngi vɛ́lɛ la kɛinɔɔ́ sí í í la yáá va ndemá ma í mɛ́ni.”

TI GƐ́Ɛ́ HAÍTII 10:7

Ná Malékai sí í yɛ́pɛni Kɔníliya yelé í lííni, kɛ Kɔníliya i ngi yénge mbelaa félengɔ lolínga taá ngu maa hóya yiláá sí í ɣɛ́i bɔwɔ́ gulaní kɛlɛ́ma Ngalá mbɛ.

TI GƐ́Ɛ́ HAÍTII 12:11

Kɛ Pítɛ i vaá h̃u, i ɣɛ ta, “Ngí kɔlɔ́ náa ngáá kɛ tɔɔỹáá kái kái té ngáá kɛ Ndemɔí Ngalá i ngi w̃álekai lɔ́vengɔ ngáá í vá, í mááwalo Hɛ́lɔdi yakpangí yaá ɛ́ɣɛ sí kínɛi Júsuaitii ti ɣɛ́ngɔ taá gisíya lá ngáá ti kɛ́ ngáá ngé.”

TI GƐ́Ɛ́ HAÍTII 12:7

Ngamá nɔ́ɔ, Ndemɔí Ngalángi w̃áleka i gulaní Pítɛ yááh̃u kpindi vɛlɛ́i wu, í naa ɣɛ kpál̃au, í Pítɛ w̃ááleve, í ɣɛ ma, “Wuyoɣé bála bala!” Kɛ njɔlɔwɔítii ti gúlanga Pítɛ lokoítii su yɔ́ɔ́lɛɛ.

TI GƐ́Ɛ́ HAÍTII 16:36

Kpindi vɛlɛ́ w̃ááh̃u belé mɔ́i i ndení náa Pɔ́ɔ w̃a, i ɣɛ ma, “Masangáitii tí ndengá má ngáá ngí lókogula náá wú h̃ú wáá Sáilɔ. Faalɔ, faa áá mɔɔ wú wa, a lí náa. A lí ndiilɛí h̃u!”

TI GƐ́Ɛ́ HAÍTII 5:19

Kɛ́ ná í ɣɛ́i ngáá kpindíi, Ndemɔí Ngalángi w̃áleka i vaaní í kpindi vɛlɛ́i laawó ndááwo, í tí gúla na.

TI GƐ́Ɛ́ HAÍTII 7:19

I mu vóngaitii ngakpólowani, í tí h̃úúhou kíli ỹɔu wo gíte áá faa bɔ́lu ti la áá mɔ́ɔ́ kɛ ngáá háwu táá ti léngaitii pili vilí kɛinɔɔ́ ti há.

FAA YÁKƐ KƆ́LƆI 12:14

Kɛ́ tí kóɣɛ govó ngwála wala félengɔ héni nyah̃ápoi yáá ngáá í góvo la í lí ngaalaí h̃ú, mbéi Ngala ngí náá bátɛni mbɛ ngáá í ló ná fowó sáángɔ ɛ́ɣɛ síkpɛ fááw̃a, Ngalá ngááyaa maah̃ú béle. Aáva kaalii sí ɛi foló ma.

FAA YÁKƐ KƆ́LƆI 12:4

Temúleɣaitii kínɛi ti ngélei yá, ná tɔ́ɔ wɔ́lɛ sú sáwa ɔ́ɔ́ seiw̃aá yílaangi ná kpɛ́lɛɛ kpó kpói ngáá wóngi í pú ngélewu. Kaalíi sí i ɣɛi lóóni nyah̃ápoi sí gakála ngáá í ngí lói ỹɛ́ ná nɔ́ɔ́ léi ɔ́ɔ́ ndoí le.

FAA YÁKƐ KƆ́LƆI 12:6

Nyah̃ápoi sí í w̃aavelái, í lí ngaalaí h̃u mbéi Ngala ngí náá bátɛi mbɛ ngáá í ló ná. Naa lɔ í loí ná Ngalá ngáá mááh̃u belé foló tásu ngíla hɔ́ndɔ félengɔ púu ngɔ́hitangɔ (1,260) hááw̃a.