MÁFIYU 2:11 - Kɛ́lɛ Niinaí

¹¹ Ti wálai náa maa vɛ́lɛi wu, tí ndoí lɔ ɛ́ɣɛ ngi njéé Mɛɛloí. Kɛ ti hítɛnga wúmbu ya, tí ngufema hé ndói yɛ. Tí tí yandɔ́ɔ́lɔ nyakáitii ndaa wói náa tí ndói w̃áábatɛngaitii fé ngeyá. Maabatɛ́ngaitii tí ɣɛí ngáá, góólii ɛ́ɣɛ ngɛ́ingai nátii ti hɔ́w̃ɔ bangɔ́ walaí taa ɣɛ́ tí w̃a filakísɛngi ɛ́ɣɛ mɛ́i.

MÁFIYU 2:11 Iomraidhean Croise

MÁFIYU 1:18

Jísu Kílisitii le kílii lɔ ngáá sí, ngi njéé Mɛɛloí w̃aahóungɔ í ɣɛi lá mbala haáw̃a Joosɛ́ yáa. Kɛ́ tɔɔ ɣɛ́ p̃ɛ́ɛ́ ti víli w̃a ɔɔ ti héi, kɛ Mɛɛloí ngatɔ́a ngáá kɛ aá lɔ́ koo h̃u. Kɛ́ Hɛ́ɛ́ma Ỹínangi yákpangi lɔ í ndoí vílini koo ya.

MÁFIYU 12:46

Ná Jísu í ɣɛ́i nɛ́nɛ áá yɛ́pɛ faŋaí yéle, kɛ ngi njéé ɛ́ɣɛ ngi ndéɣeaitii ti ɣɛ́i ngáá siỹɛngáá tí váánga. Ti ɣɛ́i lóóni ngitíí yá táá Jísu ŋál̃a w̃ɔ́ɔ́ni ngáá ti yɛ́pɛ ngelé.

MÁFIYU 14:33

Kɛ Jísu volú yélaitii ti ɣɛ́i keléngi h̃u ti Jísu hɛlingá, ti ɣɛ́i ma, “Tɔɔỹaá kái kái té ngáá yá lɔ́ yí ngáá Ngalángi H̃íỹɛndou Lói.”

MÁFIYU 2:2

tí mɔ́ɔ́ningi wó, ti ɣɛ́ ta, “Míl̃inda lɔ ndoúlalai sí í na, í ngáá Júsuai ti w̃ásangi tí ndénga? Ní ndendái w̃aa woo híya témuleɣai lɔ́ngɔ ngeleí yá foló gúla veléi h̃uu véle. Ní váánga ngáá ní ngufema hé mbɛ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:16

Kɛ tí liingá ngáá viliỹɛ́ bála bala ngáá tí maa ỹándai wɔ́li. Aáva tí Mɛɛloí lɔ́ni ná taá Joosɛ́ ɛ́ɣɛ ndoí. Ndoí i ɣɛi lááni suwaítii ti laaỹɛ́ nyáákai h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:38

Táingi na h̃u kái kái má, nyah̃ápoi sí i lií maa ndói ŋál̃aa, í sɛ́ɣɛɛ gula Ngalá ma, ná vólu, í yɛ́pɛ kɔwɔ́ato ndói wa sítii kpɛ́lɛɛ kpɛ́lɛɛ ngelé ti ɣɛ́i taá naa w̃áálɛlɛ ngáá tí tɔ́ Jɛlúsɛl̃ɛ taí h̃u wumááwongɔ í ɣɛ́ la.

NJƆÚ 19:39

Siỹɛndópoi sí tɔ́ɔ́ ɣɛ́ ma Nekodímɔ í lííni wɔ́lɔ hɔ́wɔ ta Jísu yelé ngáá kpindíi, i bahaní náa Joosɛ́ wa ngáá tí lí Jísu bɔluma. Sɛ́ndi wulɔ ta i ɣɛi ngeyá míí kíli i ɣɛi ngáá p̃áu hɔ́ndɔ ngilaa kɛɣɛ́laa. Sí félengɔi tɔ́ɔ́ supu ti sɛ́ndi wulɔí ná bátɛ la ti laahéingaitii ti ɣɛ́i ngáá mɛ́i ɛ́ɣɛ aloi.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 5:8

Ná í sóuni, fulú wɔ́li nááningɔitii ɛ́ɣɛ kele ɣelé mbélaa púú félengɔ maah̃úú nááningɔitii, tí hítɛni wumbú yá Mbáálai gakála. Mbakaí i ɣɛi ti yaá ngáá ngilá ngíla ɛ́ɣɛ góóli vaningí, suulaahéngɔ ngáá ŋani ta táa mɔ́ maakungí nɛ́ɛ́ngɔ taa tolí ngáá ísɛngi, ná vá tɔ́ í ngáá Ngalangí vóngaitii tí Yála fɛ́li ngói.