MÁFIYU 2:1 - Kɛ́lɛ Niinaí

¹ Mɛɛloí i Jísu lení taí sí h̃u taá náá lolí ngáá Bɛ́tileh̃ɛ, Judíya lataí h̃u. Táingi ná h̃u, Hɛ́lɔdi lɔ í ɣɛ́i ngáá masangí tataí ná h̃u. Jísu lengɔ́i w̃a féyaa, ki maa gula yélaa ti gúlani ngáá foló gúla veléi h̃uu véle, tí va taa walái sí h̃u taá tóli ngáá Jɛlúsɛl̃ɛ,

MÁFIYU 2:1 Iomraidhean Croise

MÁFIYU 1:25

Kɛ́ Mɛɛloí ɔ́ɔ́ ɣɛ́ p̃ɛ́ɛ́ í ndoí le, taa ɣɛ́i nɛ́nɛ vílini w̃a taá Joosɛ́ í ló su kpóloo í ndói le ngáá siỹɛndóu loú. Aáva Joosɛ́ í ndaahéini ngáá Jísu.

MÁFIYU 2:16

Ná Masangí Hɛ́lɔdi í ngatɔ́ni mbá ngáá kɛ ki maa gula yélaitii tí ngakpólowanga, ndiiyáw̃al̃angɔ i ɣɛi lá. Faalɔ, i ndeí sóyaitii ma ngáá ti lí Bɛ́tileh̃ɛ taa h̃u, ɛ́ɣɛ ma látaitii su, tí ndoúlalai kpɛ́lɛɛ páá ti ngáá siỹɛndóu lengaa híítii su í séi sítii mba tí tí lengɔ́ ngáá niina, ɛ́ɣɛ sítii tí fowó félengɔ ɣɛ́nga. Táingi sí ki maa gulá yélai nátii tí kɛ́ni ngáá Masangí Hɛ́lɔdi, laá lɔ́ í gisíyai su, í kuí levéi mba ndengái paa fái w̃a.

MÁFIYU 2:19

Kɛ́ ná Masangí Hɛ́lɔdi í hááni, Ndemɔí Ngalángi w̃áleka i gulaní Joosɛ́ yááh̃u siŋal̃ái h̃u Íjepi lɔwɔlɔí h̃u,

MÁFIYU 2:3

Ná Masangí Hɛ́lɔdi í fái sí ỹɛ́nini, i ɣɛi wu nga wúúlee, nungái sítii kpɛ́lɛɛ ti ɣɛ́i Jɛlúsɛl̃ɛ taa h̃u, tiyá bɛ́lɛ tí ɣɛ́i wu nga wúúlee.

MÁFIYU 2:5

Nátii pa tí ngoo yápotei, ti ɣɛ́ ma, “Tiyá lɔɔ́ vá ndemá Bɛ́tileh̃ɛ taí h̃u, Judíya lataí h̃u. Sífaa, ná lɔ́ Ngala ndaa háá lé mɔ́i í pɔ́nɛni.

MÁFIYU 2:7

Kɛ Hɛ́lɔdi i ki maa gula yélai tolínga, laá ɛ́ɣɛ nungái nátii, tí maakpɔ́ hóu ndɔɔwu h̃ú. I ti w̃áakpɔni mba ngáá í tí w̃ɔ́ɔ́ni ngáá í ɣɛ́ kɔlɔ́ kuí ná kái kái má tí temúleɣai ná lɔ́ni ngeleí ya.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:5

Siỹɛndópoi yiláá i ɣɛi na tɔ́ɔ́ ɣɛ́ ma Sakaláya. I ɣɛi ngáá Ngala sááɣa gula mɔ́ɔ Abáija guuwuí h̃uu w̃ɔ́ɔ́ ta. Táingi ná h̃uu vá, Hɛ́lɔdi lɔ í ɣɛ́i ngáá masangí ndɔwɔlɔ́i sí h̃u taá tolí ngáá Judíya. Sakaláya ỹah̃ái vá tɔ́ɔ́ ɣɛ́ ma Ilésebɛ. Ilésebɛ va i ɣɛi ngáá Ngala sááɣa gula mɔ́i sí wɔ́lɔ tɔ́ɔ ɣɛ́ ma Éél̃ɔ ngi lé kpámbii h̃uu w̃ɔ́i ta.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:11

Hááwɔ hóloi sí, Deevé lé tái h̃u, ti wú Wumááwo Mɔ́i lengá ná. Laá lɔ́ í ngáá Ngalángi Lókolo Mbá W̃ɔ́i lɛ́i í ngáá Ndemɔí.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:15

Ná malékaitii tí tí loní na tí yangáima ngelegóóh̃u, kɛ mbaala w̃ááh̃u béle mbélaitii ti ɣɛ́a ỹɔw̃ɔ́ ỹɔ́w̃ɔ w̃a, “A mu lí Bɛ́tileh̃ɛ, a mú fái sí lɔ í ɣɛ́nga Ndemɔí Ngalá ngí ndéngɔ ngi w̃álekaitii ma tí ndénga mú w̃a.”

NJƆÚ 7:42

Pɔnɛngɔ́ɔ́ lé Ngala Kɔ́lɔi h̃u ngáá Ngalángi Lókolo Mbá W̃ɔ́i aa ɣɛ ngáá Masangí Deevé láála loí ta, Bɛ́tileh̃ɛ taí h̃u w̃ɔ́ɔ mbéinda Masangí Deevé gíte í ɣɛ́i na.”