Biblia Todo Logo
Bìoball air-loidhne

- Sanasan -




MÁFIYU 18:3 - Kɛ́lɛ Niinaí

3 Kɛ i ɣɛa ta, “Ngí tɔɔỹái le wú w̃a, kɛ léi wú bɔwɔ́ ɣɛ kíli ɣɛ kíya ndopo gúlo gulóaitii tí na, kɛ́ ná láá le, kúnafɔ Ngalángi w̃ásandai ɛi ɣɛ wú w̃ááh̃u.

Faic an caibideil Dèan lethbhreac




MÁFIYU 18:3
28 Iomraidhean Croise  

Bɔw̃álale, nungái sítii ti gi mái yasáángɔɔ lé, aáva tí woli h̃úitii bɔkpɔ́ngɔɔ lé, ná vólu, tí yaah̃uítii tivingá. Ngalá ngí ɣɛngɔ ta, Kɛbei taá ɣɛi ná ɣɛ́ni, tɔ́ɔ ɣɛ́ taá ỹandá lɔ ngáá yaah̃úi, taa faa ỹɛ́ni ngáá wolíi, táa faa yátɔ mba ngáá ti gí maitii. Ná ná vá ngɔ́ɔ́ ɣɛ́, tɔ́ɔ́ vóte mbá, laáva ngɔ́ɔ́ ti waló.’ ”


Jísu í ndopo gúloi lóli, í to ti liiwáá.


Faalɔ, nuí fíli ɛ́i h̃úúɣɛ wɔ́ɔ́lɔ, aáva í bɔ́wɔ ɣɛ ngáá ndopói sí ɣɛ kílii, aá lɔ í ngáá ngákpa mɔ́ɔ́ walaí Ngalángi w̃ásandai h̃u.


Kɛ́ Jísu i ɣɛi ta, “A bé ndopóaitii mba ti vá ngéle, a waá ti h̃úúhou, sífaa Ngalángi w̃ásandai lɔ nungáá w̃ááh̃u ti ɣɛ kíli í ngáá ndopoá ɣɛ kíli.”


Kɛ Jísu i ɣɛa volú yélaitii ma, “Ngí tɔɔỹái le wú w̃á, naa bangɔ́ɔ́ lé ngáá kpatɛ w̃ɔ́ɔ́ í ɣɛ́ Ngalángi w̃ásandai wu.


Ngí tɔɔỹái le wú w̃á, ná nɔɔ́ léi ngeleíni ngaa ndɔwɔlɔí sí tiyá lɔ́ na, savaí ta fíli ɛi bɛ́ nga. I lí bɛ́lɛ í tó pɛ́ɛ́sɔ laavó kúlo ɣéle tɔ mba Ngala sáva vɔnɛngɔ́i h̃u ɛi bɛ́ nga í ló su kpóloo fái kpɛ́lɛɛ í sávai h̃u í víla hitɛmá nga kp̃óu kp̃óu.


Kɛ léi wú lúva veléi kɔwɔ́ato Ngala sávai wa i ɣɛ vaí í lɔ́ve kaamɔítii Ngala sávai hááw̃a ɛ́ɣɛ Júsuai sítii taa ɣɛ́ ti w̃a Falósiai ti ndá lúva veleí wa, kɛ́ ná láá le, wɔ́i ɣɛ́ Ngalángi w̃ásandai h̃u kúnafɔ.”


Jísu í mɔ́ɔ́ ɣɛ ti w̃a, “Ná wáá ɣɛ́ wáá sú sóu, wálaa yaah̃ú yátaba, kɛ kíya nungái sítii taá Ngalá fái lá yaah̃ú kɛ́ ɛi ɣɛ ti lií h̃ú, taá kɛ. Taá ndɔ́lɛ yaah̃uí bátɛ wa, kɛinɔɔ́ nungáá ti ɣɛ́ kɔ́lɔ ngáá tiyá lɔ́ɔ sú sóu. Ngí tɔ́ɔ́ỹai le wú w̃a, ti w̃ááỹangi kpɛ́lɛɛ míl̃a tí maahɔ́lɔnga.


Faalɔ, ná wáá ŋani he nyaani yélaa yaá, wálaa ɣɛ́ wáa nda yaah̃ú nungáá tɔɔ ɣɛ́ faa wɔ́lɔ mba, kíya nungái sítii taá Ngala fái la yaah̃ú kɛ́ aa ti lií h̃u, taá kɛ. Faa bɔ́wɔi taá kɛ, taá nda yaah̃ú ná taa ɣɛ́ Júsuai ti Yála fɛli máákpɔ wotaítii mbu ɛ́ɣɛ pele walá wálaitii ma taí h̃u. Taa ná ɣɛ́ kɛinɔɔ́ nungáá ti ɣɛ́ taá tí lɛ. Ngí tɔɔỹái le wú w̃á, ti w̃ááyangi kpɛ́lɛɛ míl̃a tí mááhɔlɔnga.


Ná vólu, Jísu i ɣɛ ti w̃a, “Ná wáá ɣɛ́ wáá Ngala fɛ́li, wálaa gúla ngáá nungái sítii kɛ kíli, tiyɛ́i taá Ngala fái la yaah̃ú kɛ́ ɛi ɣɛ ti lií h̃u! Tí lói ngáá londáá Júsuai ti Yála fɛli máákpɔ wotaítii mbu ɛ́ɣɛ tái h̃uu véle wala walaítii maa hɔ́kungitii su táá Ngala fɛ́li kɛinɔɔ́ nungáitii kpɛ́lɛɛ ti ɣɛ́ taá tí lɔ. Ngí tɔɔỹái le wú w̃á, ti w̃ááyangi kpɛ́lɛɛ míl̃a tí mááhɔlɔnga.


kɛinɔɔ́, ‘Ti bɔ́ɔ́ ỹandái béle ká ká, tɛ́i náa lɔ. Ná vólu, ti bɔ́ɔ́ wolílo ká ká, tɛ́i faa ỹɛ́ni tɔɔ́ ngátɔ mba, sífaa, kɛbei ti ɣɛ́i taá ỹánda lɔ, táá faa yátɔ mba, tɔ́ɔ ɣɛ́ ɣɛ́i volú yáfeni ti háá ỹɔítii mba, ti h̃úúhaa í lo.’ ”


“A kɛ ngáá hɛmbɛ́ fíli wú lɛ́ ngáá pɛlɛ́ láa bɛ́ɛ́ngɔi ŋál̃aa véle, bɔw̃álale ngí nde wú w̃á, nuu bíh̃iw̃aa ti yá lɔɔ́ ɣɛ taa yakpá ngáá ti lɛ́ aáva tɛí hómbo.


Kɛ́ ngí Ngala fɛ́linga í hááw̃a, Sáimɔ, ngáá í lángi í í h̃u ɛi baah̃á. Ná aáva yáá ɣɛ yangáimani má, í mbálangaitii suuba ti lángi h̃ú.”


I mɔ́ɔ́ ndií ngu ma ngáá njɛpɛí, i ɣɛ ta, “Ngí tɔɔỹái le wú w̃a, wá lɔɔ vá tɔmá ngelegóóh̃u laa í wó, Ngalángi w̃álekaitii táá lɛ́ táá yéi nuí síí w̃á taá ɣɛ́ ma Nuu Búsa Goo H̃u Loí.”


Jísu i ngoo yápoteni, i ɣɛ ma, “Ngí tɔ́ɔỹai le í w̃a, nuu fíli ɛi ɣɛ Ngalángi w̃ásandai wu ná maa w̃ɔ́i ɛ́i ɣɛ́ nde mááhɔlɔi volú.”


Kɛ Jísu i ngoo yápotenga, i ɣɛ ma, “Tɔɔỹái va tɔ ngáá nde í w̃a ngáá kɛ léi nuu í nde mááhɔlɔ njɛ w̃áá velé w̃a ɛ́ɣɛ Hɛ́ɛ́ma Ỹínangi w̃aa véle w̃a, kɛ́ ná láá le, ɛi ɣɛ Ngalángi w̃ásandai wu.


Ti ɣɛ́i taá kɛ ngáá háwu nungáitii ti h̃úú áa bá ti lángitii sú Jísu haaw̃a. Ná vólu, táá nduwúh̃ulɛ ngáá ti ye ngáá ti ló ti lángitii su kpáŋ. Tí ndéni ti w̃a, ti ɣɛ́ ta, “Kɛ a maá lɔve faa bámaitii su kɛinɔɔ́ a mu wála Ngalángi w̃ásandai wu.”


Sífaa nungái sítii ti liítii kpángɔɔ le, tí wóliitii sitɛngɔ nga, ná vólu, taa yaah̃úitii tivi tɛí ỹánda lɔ́ ngáá yaah̃úitii. Kɛ bele ná láá lé, tɔ́ɔ́ ɣɛ́ táa ỹandáitii tɔ ngáá yaah̃úitii aáva tí faa ỹɛ́ni ngáá wolíítii, tí ngatɔ́ mba ngáá liítii aáva tɔ́ɔ́ vóte nyá mbá Ngalá, ngí tí waló.’ ”


Kɛ a volú yafé hɔ́ɔ́ wú háá ỹɔítii mba, wú vóte Ngalá mba kɛinɔɔ́ wú háá ỹɔítii ti wúya wú w̃á,


Mu mbála Yalá fɛ́li mbélai, wú gísiyai h̃uubɛ́ɛ́ngɔ álaa ɣɛ́ la ngáá ndopoá ti ndá ɣɛ kíli. Ná áá to faa ỹɔ́u ɣɛ́ndai wa, a ɣɛ́ ngáá ndopoá ɣɛ́ kíli. Kɛ́ wú ɣɛ́ wáá faa yátɔ mba wú gísiyaitii su kíya kpakolo ngáá gísiya.


Kɛ kíya nɔ́ɔ nyíni bɔ́lendai vílingɔ áá ɣɛ la ndoulála nɛ́ŋɛ nɛŋɛngí lii vólu, ngimɔ́ɔ́ nɔ́ɔ kule í wu w̃a wú líí vílingɔ í ɣɛ́ la Ngalá kééla woí ỹɛ́nindai volú, ná lɔ áá kɛ wú h̃úú áá ba Ngala fái h̃u, wú ngumaawóngi w̃ááhɔlɔ.


Ná vá tɔ áá kɛ naa áá ɣɛ́ gúlai kɛ́lɛma fó fóndei wú yɛ ngáá wá lɔɔ ɣɛ́ a mu Lemɔ́i Jísu Kílisitii w̃ásandai wu í na kúnafɔ lɛí í ngáá a mu Wúmaawo Mɔ́i.


Lean sinn:

Sanasan


Sanasan