MÁFIYU 17:9 - Kɛ́lɛ Niinaí

⁹ Ná ti ɣɛ́i taa híɣe ngihéi wa, Jísu i ndaahí kpá kpa mboní ngáá ti ye i ɣɛ ti w̃a, “Sí wú tɔ́ngɔ ngihéi wa, a waá nde nuu fíli má í ló su kpóloo nuí síí w̃ɔ́i taa ɣɛ́ ma Nuu Búsa Goo H̃ú Loí Ngala ngí mbúyoɣe sái h̃u.”

MÁFIYU 17:9 Iomraidhean Croise

MÁFIYU 12:16

Kɛ́ Jísu i ti laahíni ngáá tálaa faa fíli ndé kɔwɔ́ato mba nungáá véka w̃a.

MÁFIYU 17:12

Kɛ́ ngí nde wú w̃á, Iláija i vái kílii kɛ́ nungáitii taá ɣɛ́i kɔlɔ́, sí fíli pá í ti liivóni ti kpɛ́lɛɛ kɛ́ni lá. Ngimɔ́ɔ́ nɔ́ɔ jɔ́ Nuu Búsa Goo H̃ú Loí áá vá w̃aanɔw̃ɔ́ma ti yaá.”

MÁFIYU 17:20

Jísu i ti woo yápotei, i ɣɛ ti w̃a, “Wú lángi í wú h̃ú Ngalá fááw̃a aa letéi, kɛ́ ngí tɔɔỹái le wú w̃á, kɛbei ndangí sí í wú h̃u i ɣɛi wɔɔlɔ kulo kw̃ɛ́ɛ́ bɛ́lɛ í híti mɔ́sita gáálɛi h̃u, wáá hómbo wú ɣɛ́ ngihé ngwálai w̃a, ‘Hiɣe mbéi, yí lí múl̃ɔnda!’ Aáva aa lí ná. Wɔ́i bááh̃aa faa fíli mbá! [

MÁFIYU 17:22

Ná Jísuni ngaa polú yélaitii tí yatɛ́i mba ỹanda yílaa Galéli tiyá léé léé, Jísu i ɣɛi ti w̃a, “Tiyá lɔ́ɔ́ va nuí síí w̃ɔ́i ta ɣɛ́ ma Nuu Búsa Goo H̃ú Loí lókolevema nungáá w̃a.

MÁFIYU 17:23

Taá páa, kɛ́ ná fólo félengɔ áá gúla su, sawa kélei w̃a, Ngalá ngáá mbuyoɣé sái h̃u, í ndɛɛh̃úu vú su.” Polú yélaitii ti w̃ááw̃aanungɔ i ɣɛi lá ngwala.

MÁFIYU 17:8

Ná tí wú nga séini, taá núu fíli tɔ́i kɛ léi Jísu.

MÁFIYU 8:20

Kɛ Jísu i ngoo yápotenga, i ɣɛ ma, “Kpuulúa lɔ ndandátoa yɛ, ná vólu, taangáá tí w̃ɔníaitii mbɛ, kɛ́ ỹandá fíli aa nuí síí w̃ɔ́i yɛ taa ɣɛ́ ma Nuu Búsa Goo H̃ú Loí ɔ́ɔ́ wu ndá na.”

MÁFIYU 8:4

Kɛ Jísu i ɣɛa ma, “Yaá fái sí le nuu fíli má. Kɛ́ lí Ngala sááɣa gula mɔ́i yelé, í í hɔ́bɛ. Ná ná áá ɣɛ́, yáá sááɣai sí gúla náa kɛ kíya Ngala sávai í fengɔ́ Muusé yaá í ndéngɔ. Ná lɔ́ áá kɛ nungáitii kpɛ́lɛɛ taá ɣɛ́ kɔlɔ́ ngáá kɛ yí wálonga.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:30

Kɛ́ Jísu i ti laahíni ngáá tálaa nde nuu fíli má ngáá kɛ laá lɔ í ngáá Ngalángi Lókolo Mbá W̃ɔ́i.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:56

Nyah̃alóu guloí ná njéeni ngaa ngi kɛ́ɛ́ɣɛ ti gindáá vílingɔ i ɣɛi lá ngwala. Kɛ́ Jísu i ndení ti w̃a ngáá tálaa nde nuu fíli má sí í híyani.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:36

Ná ngoí ná í léni, kɛ Jísu volú yélaitii ti Jísu lɔngá i lóóni ngilangɔ́ nuu fíli aa mɔɔ ɣɛi kpela. Kɛ́ Jísu volú yélaa sáángɔi sítiini tí gíseini faí sí kpɛ́lɛɛ má tí tɔ́ni í ɣɛ́i táingi ná h̃u aáva táa ndéni nuu fíli má.