MÁFIYU 17:5 - Kɛ́lɛ Niinaí

⁵ Pítɛ i lói nɔ́ɔ njɛpɛí vúma, ngamá nɔ́ɔ kɛ njɛ bilíi i ɣɛ́i áá hólo ngwala i vaangá, í ti w̃áábɔlu. Kɛ ngoí ta aá tɔ áá gúla njɛ bilíi ná h̃u. Ngoí ná i ɣɛi ngáá sí, “Sí lɔ í ngáá ní H̃íỹɛndou Loí, ndóngɔ lá, aá lɔ ndíílɛingɔ fááw̃a ngwala. A wolílo ndaa wóó w̃a!”

MÁFIYU 17:5 Iomraidhean Croise

MÁFIYU 12:18

“Ní yénge mɔí lɔ́ ngáá sí lɛ́i ngí lókolonga mba, laá lɔ́ ndóngɔ lá, laá vá tɔ́ ndíílɛingɔ fááw̃a. Ní H̃ɛ́ɛ́ma Ỹínangi aa ɣɛ polú. Sí í ngáá tɔɔỹaá vélei ndóngɔ nuu kpɛ́lɛɛ ỹandá kpɛ́lɛɛ ti ɣɛ́ taa híya lá, aa ɣɛ áá nde.

MÁFIYU 17:6

Ná Jísu volú yélaa sáángɔitii tí ngói sí ỹɛ́nini, ti h̃undɛ́i tí ya pɛ́lɛ ndɔwɔlɔ́i wa ti h̃ú áá bɛ́li.

MÁFIYU 3:17

Ná naa í ɣɛ́i kpɛ́ɛ́, kɛ ngoo tá í gulangá ngelegóóh̃u, ngoí ná va i ɣɛi ngáá sí, “Sí lɔ́ í ngáá ní H̃íỹɛndou Loí, ndóngɔ lá. Aá lɔ́ ndíílɛingɔ tɔ́ fááw̃a.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:11

Kɛ ngoo tá i gulangá ngelegóóh̃u, íwaa ɣɛ́ ta, “Yá lɔ yí ngáá ní H̃íỹɛndou Loí ndóngɔ ngáá í ye. Yá lɔ ndíílɛingɔ tɔ́ í hááw̃a.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:7

Kɛ njɛ bilíí i vaangá í tí w̃áábɔlu, kɛ ngoí tá i gulangá njɛ bilíí ná h̃u. Ngoí ná i ɣɛi ngáá sí, “Sí lɔ í ngáá ní H̃íỹɛndou Loí ndóngɔ lá. A wolílo ndaa wóó w̃á.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:22

Hɛ́ɛ́ma Ỹínangi í yéi, í héi ma. Kpatɛ gilíí gúlangɔ i ɣɛi lá ngáá poovóó. Kɛ ngoo tá í gulangá ngelegóóh̃u, ngoí ná vá i ɣɛi ngáá sí, “Yá lɔ yí ngáá ní H̃íỹɛndou Loí, ndóngɔ ngáá í ye. Yá lɔ́ ndíílɛingɔ tɔ́ í hááw̃a.”

NJƆÚ 3:16

Sífaa, Ngalá ndóngɔ ngáá nuu búsai ngwala ná lɔ́ í kɛ́ni í ngi H̃íỹɛndou Lou yiláá kpéngi lɔ́veni ngáá nuí fíli áá lá ngáá ngi H̃íỹɛndou Loí ɛi saa w̃ááhɔlɔ kɛ́ aa kúnafɔ lɛ́ɛ́h̃ui w̃ááhɔlɔ.

NJƆÚ 3:35

Kɛɛɣɛí Ngalá ndongɔ́ɔ́ lé ngáá ngi H̃íỹɛndou Loí aáva í ŋani kpɛ́lɛɛ puá toko h̃u.

NJƆÚ 5:37

Kɛɛɣɛí Ngalá pa í tɔ́vengɔ, laá bútei i faa léa kɔwɔ́ato mbá. Aáva nápa wáá nɛ́ɛ ngoo ỹɛ́nini, kɛlaa wɔ́ɔ́ tɔ.

TI GƐ́Ɛ́ HAÍTII 1:9

Ná Jísu í vílani sí lemá, ti yaah̃ú w̃a nɔ́ɔ kɛ Ngalá ngí tɛngá ngeleí ya, njɛbilíi í maabɔ́lu. Taá mɔ́ɔ ɣɛi taá tɔ.

TI GƐ́Ɛ́ HAÍTII 7:37

Muuséi sí lɔ í ndéni Ísulɔ yeláitii ma, i ɣɛ ta, ‘Ngalá tɔɔ vá laa háá lé mɔ́ɔ́ gulamá wú bɔ́wɔ bɔ́wɔ vóngaitii ndiiwáá wú yɛ́ kíya nɔ́ɔ ngí na.’

Ɛ́FƐSƆ 1:6

kɛinɔɔ́ laa Ngalá ndaaw̃áá í lɛ́ ngi háá bɔwɔ vanda walaí hááw̃a sí í féngɔ mu yaá ngi líívo Síỹɛndou Loí w̃áá véle w̃a.

KƆLƆ́SE 1:13

Ngalá ngí mu gúlanga kpíndi h̃u w̃ásandai wú, í vá ngáá mu ye lɛ́i lɛ́i ngi líívo Siỹɛndou Loí w̃ásandai wu.

HÍBULU 5:9

Maanɔw̃ɔ́i sí í híyai su, aá lɔ́ áá ngákɛ ngáá kɛ Jísu lɔ ngáá kolo mɔ́ɔ́ wála, aáva laá maa véle lɔ́ náa nuu áá kúnafɔ lɛ́ɛ́h̃ui w̃ááhɔlɔ ma, ná wáá ngáá, nuí fíli áá gólo mbɛ.

FAA YÁKƐ KƆ́LƆI 1:7

A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.

FAA YÁKƐ KƆ́LƆI 14:14

Kɛ ngí wɔ́lɛa, ngí njɛ bilí wólengi lɔ́, ŋani tá i ɣɛi njɛ bilí ná yá kulangɔ́ ngáá nuu búsa. Góóli w̃ása mbɔ́ɔ́lɔi í ngu mba ɛ́ɣɛ mbowá yándiili mbɔɔlɔngɔ́ i ngeyá.