MÁFIYU 14:3 - Kɛ́lɛ Niinaí

^3-4 Masangí Hɛ́lɔdi i kisiyái sí wói, bɔw̃álale, sí ɔ́ɔ́ ɣɛ́ p̃ɛ́ɛ́ í ɣɛ́, i ɣɛi náá Hɛlɔ́diya yeɣéi, ngi ndéɣe Félepi ỹah̃aí ngáá ngi ỹáh̃a. Aáva Nguya Wo Mɔ́i Njɔú i ɣɛi áá nde Hɛ́lɔdi w̃a, áa ɣɛ́ ma, “Aa pele w̃a ngáá yɔ́ɔ́ í ndéɣe Félepi ỹah̃aí Hɛlɔ́diya yéɣe ngáá í ỹáh̃a.” Náá hááw̃a, Masangí Hɛ́lɔdi i ndeí ngáá tí Njɔú hóu, tí ngíli, tí píli kpindi vɛlɛ́i wu.

MÁFIYU 14:3 Iomraidhean Croise

MÁFIYU 11:2

Táingi ná h̃u, Nguya Wo Mɔ́i Njɔú í ɣɛ́i kpindi vɛlɛ́i wu. Ná í ɣɛ́i na, kɛ i sí w̃áá woo ỹɛ́ninga Ngalángi Lókolo Mbá W̃ɔ́i í ɣɛ́i áá kɛ. Faalɔ, i vólu yélaitii tɛingáá lɔ́veni ngelé ngáá tí mɔ́ɔ́ni.

MÁFIYU 14:6

Ná folói sí tí Masangí Hɛ́lɔdi leí ma í ɣɛ́i áá fóloma, nungáitii tí yatɛ́i mba maa gúi w̃a, Hɛlɔ́diya nyah̃áloi i ndoolíí wóni nungáitii kákala. Ndoolií ná lɔ́ í Hɛ́lɔdi liilɛ́ini tɔ́ tɔ́.

MÁFIYU 4:12

Ná Jísu í mɛniní ngáá Masangí Hɛ́lɔdi i Njɔú vília kpindi vɛlɛ́i wu, i yangáimani í lí Galéli lataí h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:14

Masangí tɔ́ɔ ɣɛ́ ma Hɛ́lɔdi, i sí kpɛ́lɛɛ máá woo ỹɛ́nini Jísu í ɣɛ́i áá kɛ, bɔw̃álale Jísu w̃aa woo í híyani ngwála. Nungáitii ti lɛ́ingaa ti ɣɛ́i taa ɣɛ́ ta, “Nguya Wo Mɔ́i Njɔú lé í yóɣenga sái h̃u. Ná lɔ́ í kɛ́a ngakpángi í ngeya áá káámaa haí sítii kɛ.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:17

Hɛ́lɔdi i kisiyái sí wói, bɔw̃álale, sí ɔ́ɔ́ ɣɛ́ p̃ɛ́ɛ́ í ɣɛ́, i ɣɛi náá Hɛlɔ́diya yéɣei, ngi ndéɣe Félepi ỹah̃aí ngáá ngi ỹáh̃a. Aáva Nguya Wo Mɔ́i Njɔú í ɣɛ́i áá nde Hɛ́lɔdi w̃a, áá ɣɛ́ ma, “Aa pele w̃a ngáá yɔ́ɔ́ í ndéɣe Félepi ỹáh̃ai Hɛlɔ́diya yeɣé ngáá í ỹáh̃a.” Náá hááw̃a, Masangí Hɛ́lɔdi i nungáá lɔ́veni ngáá tí Njɔú hóu ti ngíli, tí píli kpindi vɛlɛ́i wu.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:19

Faalɔ, Hɛlɔ́diya liiyáw̃al̃angɔ wala i ɣɛi lá Njɔú yáa. Ná vólu, i ɣɛi loní í páa kɛ́ aa nɛɛ ɣɛi pele hɔ́lɔni mba,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:22

Ná Hɛlɔ́diya ỹah̃aloí í lɛ́ɛ́ni, í ndoolií wóni, ndoolií ná í Másangi Hɛ́lɔdi liilɛ́ini tɔ́ tɔ taá ngi hótangaitii. Faalɔ, i ɣɛi nyah̃alói w̃a, “Sí fíli yáá ndaahéi kɛ́, ngáá fé í yáá.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:15

Kɛ Jísu i ndengá tí w̃a, i ɣɛ ta, “A w̃aah̃ú béle ngáá ngɛí gúloi ná taá pu biléi h̃u áá tɛ́nga taá tóli ngáá yíísii í ngáá Júsuai sítii taa ɣɛ́ ti w̃a Falósiai ti ndái ɛ́ɣɛ Masangí Hɛ́lɔdi ndái.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:1

Folói ná, nungái sítii ti lɛ́ingaa ti ɣɛ́i na, ti yɛ́pɛni Jísu yelé kɔwɔ́ato Galéli yeláitii mba Páilɛɛ í ndéni tí tí váa. Tí tí vááni ná h̃u ti ɣɛ́i taá Ngala sááɣai gula.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:31

Naa hɔwɔ́ vá, Júsuai sítii taa ɣɛ́ ti w̃a Falósiai ti lɛ́ingaa tí vááni Jísu yelé, ti ɣɛ́ ma, “Gula ỹandái mbéi wa yí lí ỹandá ta, bɔw̃álale Hɛ́lɔdi longɔ́ɔ́ lé í í váa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:11

Kɛ Hɛ́lɔdini ngaa ngi hóyaitii tí pɛ́lɛnga ngɛlɛ́ gúlama Jísu h̃u táa tokohiyá ngu maah̃ú háá ɣɛ la. Tí maayíli ngáá kula vandá, tí tɔve volú Páilɛɛ yéle.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:7

Ná aa vá í ɣɛ́i kɔlɔ́ ngáá kɛ Jísu i gulangɔ́ Masangí Hɛ́lɔdi lataí h̃u, i tɔvení Hɛ́lɔdi yelé lɛ́i í ɣɛ́i Jɛlúsɛl̃ɛ ná h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:1

Ná h̃u siỹɛndópoi sí tɔ́ɔ ɣɛ́ má Tebɛliyɔ í ɣɛ́i ngáá Lóómi Lɔwɔlɔ́ W̃asa Ngwalaí, ngi hówo púúngɔ maah̃úú ndɔ́ɔ́lungɔi h̃u ngi w̃ásandai h̃u, Ngalá ngí yɛpɛní Sakaláya h̃iỹɛndou loí Njɔú yéle ngaalaí h̃u. Naa h̃uu lɔ siỹɛndópoi sí tɔ́ɔ ɣɛ́ ma P̃ɔ́tiyɔ Páilɛɛ í ɣɛ́i ngáá gɔ́mɛti nuu walaí tataí sí h̃u taá náá lolí ngáá Judíya, Hɛ́lɔdi í ngáá masangí tataí ná h̃u taá náá lolí ngáá Galéli. Ngi ndéɣe Félepi va i ɣɛi tataí sítii maah̃u taá naitii tolí ngáá Étuliya ɛ́ɣɛ Tulákɔnitɛ. Siỹɛndópoi sí bɛ́lɛ pá tɔ́ɔ ɣɛ́ ma Lesániya i ɣɛi tataí sí w̃ááh̃u taá náá lolí ngáá Abeléni. Ánasi ɛ́ɣɛ Káyafani tɔ ti ɣɛ́i ngáá Ngala sááɣa gula mbélai ti wutúwɔɔ w̃ɔ́ɔ wala walaítii.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:3

Ti lɛ́ingaa ti ɣɛ́i ngáá Jowána sí ngi h̃íỹɛngi i ɣɛi ngáá Kúsa. Kúsa va i ɣɛi áá Hɛ́lɔdi yaá wɔ́lingaitii kpɛ́lɛɛ mááh̃u belé. Nyah̃ái sí taa ɣɛ ma Susana ɛ́ɣɛ nyah̃á vékaa bih̃íw̃aa tiyá lɔ ti ɣɛ́i taa bɔ́ Jísu wa taá polú yélaitii ngáá yaá wɔ́lingaa.

TI GƐ́Ɛ́ HAÍTII 12:1

I ɣɛi ngáá táingi sí laa lówah̃u Masangí Hɛ́lɔdi í pɛlɛí faa bá lamá Ngala fɛ́li mbélaitii tɛingáá w̃a.

TI GƐ́Ɛ́ HAÍTII 4:27

Tí ndí ngu ma, ti ɣɛ́ ta, “Tɔɔỹáá hááw̃a, Masangí Hɛ́lɔdi taá Lóómi gɔmɛti nuu walaí P̃ɔ́tiyɔ Páilɛɛ tí w̃ɛ́ɛ́ni ỹandá yílaa taa walái sí h̃u taa Ísulɔ yeláitii ɛ́ɣɛ híí vekaítii, tí silíma batɛ́ í Hɛ́ɛ́ma Yénge Mɔ́i Jísu w̃a lɛ́i yí lokoloní mba.