MÁFIYU 13:3 - Kɛ́lɛ Niinaí

³ I faa bíh̃iw̃aa léni tí w̃a faanɛ́ɛ́ngaa h̃u, áá ɣɛ́ tí w̃a, “Siỹɛndópo yiláá tɔ́ wɔ́lɔ í ɣɛ́i na, i líí hakpa súwu váhamai.

MÁFIYU 13:3 Iomraidhean Croise

MÁFIYU 13:4

Aáva ná í ɣɛ́i áá fáha, ti lɛ́ingaa ti gúlani pele gaalɛ́i w̃a. Ti lɛ́ingaa ti gúlani kɔtu wɔtú ndɔ́wɔlɔi w̃a. Ná vólu, ti lɛ́ingaa ti gúlani mbéinda ngali ngáli sapeítii ti ɣɛ́i na. Kɛ́ ná fíli sú, hakpá súwui nái ti lɛ́ingaa ti gúlani ndɔwɔlɔ́ vánda w̃a. Sítii ti gúlani pele gaalɛ́i w̃a, w̃ɔniáitii tí vááni, tí tí bɔ́le. Sítii ti gúlani kɔtu wɔtú ndɔwɔlɔí w̃a, pɔlɔ́i aa ɣɛi ti wu bih̃í. Faalɔ, tí háleni fála fala sífaa pɔlɔ́i yakpɔ́tungɔ aa ɣɛi lá ti w̃a. Kɛ́ ná fowói í léveni, i hakpá fálei nátii kpandií bɔw̃álale, pɔlɔ́i yakpɔ́tungɔ aa ɣɛi lá ti w̃a. Ná vólu, sítii ti gúlani mbéinda ngali ngáli sapeítii ti ɣɛ́i na, ngali ngáli tufaí nátii tí háleni, tí hákpa fálei nátii mbololáá yíli. Sítii pa ti gúlani ndɔwɔlɔ́ vándai w̃a, ti lɛ́ingaa tɔkúla héi w̃aá yiláángi ɔ́ɔ́ ɣɛ́ mba ngáá puu sáángɔ, ti lɛ́ingaa puu ngɔ́hitangɔ. Ti lɛ́ingaa vá tɔkúla héi w̃aá yiláángi ɔ́ɔ́ nuu yáá laahé bɛ́lɛ.”

MÁFIYU 13:53

Ná Jísu í vílai faanɛ́ɛ́ngai sítii kpɛ́lɛɛ séima, i gulaí náa maa ỹándai ná wa,

MÁFIYU 22:1

Jísu i yɛpɛní mɔ́ɔ́ ti yelé faanɛ́ɛ́ngaitii su, i ɣɛ ta,

MÁFIYU 24:32

Kɛ Jísu i mɔɔ ɣɛa ti w̃a, “Kɛ a gisíya lɛ́ɛ́ ngáá féki wuluí kíya í na. Ná wáá ngáá, ná féki wuluí yékeitii taa nɛ́ku, wáá ɣɛ nɔ́ɔ kɔlɔ́ ngáá kɛ saw̃aí i bɛɛngá mba.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:1

Kɛ Jísu i pɛlɛngá yɛpɛmá nungáitii ngelé faanɛ́ɛ́ngaitii su íwaa ɣɛ́ ta, “Siỹɛndópoi lɔ wɔ́lɔ í ɣɛ́i na, i kpelé láni í sí ŋaníí hí mba taá tóli ngáá gilépii. I kpakií lóni ma. Ná vólu, í ndówai wɔ kɔtuí wa ngáá ti ɣɛ́ táa gilépii yanjɔ́wɔlɔ suu yɛí áá ɣɛ́a vú su, tí kpátɛ ngáá gilépi lɔí. Ná vólu, i mɔɔ kpɔ́ngi lóni ngáá kɔtuí kpeléi ná h̃u. Kɛ i maa bélei hénga kpelé híŋa mbélaitii ngeyá siŋa h̃u, í yóóɣe, í lí siya má.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:12

Nungái sítii Jísu í njɛpɛí sí vúni tí w̃a, ti ɣɛ́i taá péle wɔlí mba ngáá ti Jísu hou, bɔw̃álale ti ɣɛ́i kɔlɔ́ ngáá kɛ i faanɛ́ɛ́ngi sí héingɔ ti yɛ. Kɛ́ ti ɣɛ́i taa lúwa faŋaí wa. Faalɔ, tí ndóni na tí li.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:23

Kɛ Jísu i ti lolínga, í yɛ́pɛ ti yelé faanɛ́ɛ́ngaa h̃u, i ɣɛ ta, “Setána aa ɣelé Setána levé náa nuí vólu?”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:13

Kɛ Jísu i ɣɛa ti w̃a, “Ná wɔ́i ɣɛ́ faanɛ́ɛ́ngi sí yátɔngɔ mba, kɛ wáá ɣéle faanɛ́ɛ́ngi ta fíli ngátɔ náa mba?”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:33

Jísu i yɛpɛní ti yelé faanɛ́ɛ́ kpih̃íngɔ h̃u ti gúlangɔ í ɣɛ́i lá ngáá wee ngáá tɔ́ɔ́ ngatɔ́ mba.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:41

Kɛ Pítɛ í Jísu w̃ɔɔniá, i ɣɛ ma, “Kɛɛɣɛ́, yá lɔ́ɔ faanɛ́ɛ́ngi sí héi ni yɛ baa nuí kpɛ́lɛɛ?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:10

Kɛ Jísu i ɣɛa ti w̃a, “Ndɔɔwu h̃ú háitii kɔwɔ́ato Ngalángi w̃ásandai wa Ngalá ngi kulaá kɛlɛ́ma wú yɛ ngáá wú ngátɔ mba. Kɛ́ sítii taa ngáá pólu yélaa, ngáá yɛ́pɛ ti yelé faanɛ́ɛ́ngaa h̃u kɛinɔɔ́ ti bɔ́ɔ́ ỹandái béle tí kpéle tɛ́i naá lɔ. Aáva ti bɔ́ɔ́ wolílo ká ká, tɛ́i faa fíli mɛ́ni tɔɔ́ ngatɔ́ mba.”

NJƆÚ 16:25

Jísu í mɔ́ɔ́ ɣɛ ta, “Ngí njɛpɛí sítii pungá wú w̃a faanɛ́ɛ́ngaa h̃u, kɛ́ naa hɔwɔ́i lɔɔ va folóma ma na h̃u ngɛ́i mɔ́ɔ njɛpɛ fíli pú wú yéle faanɛ́ɛ́ su. Kɛ́ aá ɣéle, ngáá ɣɛ́ náá ngáá yɛ́pɛ wú yéle kɔwɔ́ato ní Kɛ́ɛ́ɣɛ wa, ngíwaa ngakɛ́ wú yáá kpál̃au.