MÁFIYU 13:12 - Kɛ́lɛ Niinaí

¹² Bɔw̃álale nuí fíli ŋani áá ɣɛ́ ngeyá bih̃í, ta áá báha mba aáva kpih̃íw̃aa aa ɣɛ ngeyá, kɛ́ nuí fíli ŋani ɛ́i ɣɛ́ ngeyá bih̃í, sí gúloi ɣéle tɔ áá ɣɛ́ ngeyá, ɛi ló ngéya.”

MÁFIYU 13:12 Iomraidhean Croise

MÁFIYU 21:43

Jísu í mɔ́ɔ́ ɣɛ ta, “Faalɔ, ngí ndé wú w̃a, Ngalángi w̃ásandai lɔɔ vá gulamá wú yáá í hé nungái sítii ngéya taa híya ngáá sí Ngalá ndóngɔ tí kɛ. [

MÁFIYU 25:29

Sífaa, nuí fíli ŋani áá ɣɛ́ ngeyá bih̃í, ta áá báha mba aáva kpih̃íngɔ aa ɣɛ náa ngeyá, kɛ́ nuí fíli ŋáni ɛ́i ɣɛ́ ngeyá bih̃í, sí gúloi ɣéle tɔ áá ɣɛ́ ngeyá, ɛi ló ngéya.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:9

Kɛ Jísu i mɔɔningí wónga, i ɣɛ ta, “Ná kpéle w̃ɔ́i sí áá vá, ndeé lɔ áá kɛ? Aa va í kpéle híŋa mbélai nátiini páa, í kpélei he kpelé híŋa mbélaa vekaa yaá siŋa h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:42

Kɛ́ fái i yíla nɔ́ɔ kpé kule í ma í ɣɛ. Sí vá í ngáá fái sí kule í ma í ɣɛ́ aá lɔ Mɛɛloí í ngeɣénga aáva nuu fíli ɛi kulá ngeyá.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:48

Kɛ́ ngénge mɔ́i sí ɛi ɣɛ kɔlɔ́ sí í ngáá ngi núu walaí liivó fái, laáva í faa ɣɛ́ í ngáá ndeve haá ɛi ndeve bih̃íngɔ w̃aahɔ́lɔ. Bɔw̃álale nuí fíli Ngalá ngáá ŋani hé ngéya bih̃í kulé lɔ́ má í fé bih̃í, nuí vá Ngalá ngáá fé ngéya bih̃í ngwala kulé lɔ́ ma í fé bih̃í ngwála.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:2

Kɛ kpatɛ w̃ɔ́i i yaá wɔ́li maah̃ú béle mɔ́i ná lolínga, í mɔ́ɔ́ni, i ɣɛ ma, ‘Sí ngí mɛningɔ́ kɔwɔ́ato í wá, tɔɔỹaá le? Vá yí wóna, bɔw̃álale yáá mɔ́ɔ ɣɛmá ngáá ngeyá wɔ́li maah̃ú belé mɔ́ɔ́ kúnafɔ.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:25

Kɛ́ Lébilah̃au i kpatɛ w̃ɔ́i woo yápoteni, i ɣɛ ma, ‘Ní lóu, ná h̃u yí ɣɛ́ngɔ ngelewu ndɛɛh̃ú h̃u yí faa vánda vándaitii maahɔ́lɔni yí ɣɛ́i loní la, Lásɔlɔ va faa ỹɔ́itii tɔ í maahɔ́lɔni, kɛ́ sí h̃u aá lɔ náa mbéi ngapɔpɔ́ su, yáa vá yí nduwu ya fuulɛ́ wála h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:18

Faalɔ, a w̃aah̃u belé ngáá wú wólilo kíli fái w̃a, bɔw̃álale nuí fíli ŋani áá ɣɛ́ ngeyá bíh̃i, ta áá bahá mba, kɛ́ nuí fíli ŋani ɛ́i ɣɛ́ ngeyá bíh̃i, sí ɣéle tɔ áá ɣɛ́ maa w̃ɔ́i gi má ngáá kɛ aá lɔ ngeyá, ɛi ló ngeya.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:26

Ná nuu fíli áá wúfe ngáá ní hái ɛ́ɣɛ ndáá wóitii, ná Nuu Búsa Goo H̃ú Loí áá vá ngi yákpa maanɛɛnɛɛngí h̃u ɛ́ɣɛ ngi Kɛ́ɛ́ɣɛi taá hɛ́ɛ́ma w̃álekaitii ti yákpa maanɛɛnɛɛngí h̃u, aa wufe ngáá maa w̃ɔ́i bɛ́lɛ ngi hái.

JIMISÍ 4:6

Kɛ́ sítii kele tɔ ti lɔwɔ́baɣangɔ láá lé Ngalá ngeyá, Ngalángi haa bɔwɔí áá fe suuwɔ́ɔ́lɔngɔɔ lé ngwala. Ná lɔ í kɛngɔ́ pɔnɛngɔ Ngala Kɔ́lɔi h̃u ngáá sí, “Ngalá ngaah̃u longɔ́ɔ́ lé sítii mba ti h̃úúwɔɔlɔngɔ kɛ́ ngi haa bɔwɔí lɔ sítii mbɛ ti wú nga njéingɔ.”

FAA YÁKƐ KƆ́LƆI 2:5

A gisíya ngáá kíya wú híɣenga wú lúva véle vándai wa. A vólu yáfe wú háá ỹɔítii mba, wú vóte sítii mba wú ɣɛ́ngɔ wáá kɛ́ hése. Ná wɔ́i ɣɛ́ vólu yáfei wú háá ỹɔítii mba, nyá lɔ́ɔ́ vá ngí wú ndá góóli lowaí yeɣé vóma.