MÁFIYU 11:7 - Kɛ́lɛ Niinaí

⁷ Ná Njɔú vólu yélai nátii tí ɣɛ́i náa taa yangáima, kɛ Jísu i pɛ́lɛnga fáŋai w̃ɔ́ɔ́nima kɔwɔ́ato Njɔú wa áá ɣɛ́ ti w̃a, “Ndeé lɔ wú lííni tɔmá ngaalaí h̃u? Tufaí fɛfɛngí áá máála maalá aá lɔ wú lííni tɔma?

MÁFIYU 11:7 Iomraidhean Croise

MÁFIYU 11:8

Ná ɛ́i ɣɛ́ ngáá ná, kɛ ndéé lɔ́ hɔ́ɔ́ wú lííni tɔmá? Siỹɛ máá yílingɔ vánda wala lɔ wú lííni tɔmá? Wú súúwɔlɔ nɔ́ɔ ngáá kɛ nungái sítii taá kula vandá vándai yíli w̃a taá ɣɛ́ masa pɛ́lɛ wála waláitii mbu.”

MÁFIYU 12:20

Kíya nɔ́ɔ ɛ́i tufa w̃áálangɔ yále, ngimɔ́ɔ́ nɔ́ɔ ɛ́i bandí bándi héi nungái sítii ma ngakpá ngáa tí yɛ. Ná vólu, kíya nɔ́ɔ ɛ́i lámbo nganjéingɔ váa, ngimɔ́ɔ́ nɔ́ɔ ɛ́i tuva velé ỹɔ́u wo ngáá sítii tɛi hómbo tɔɔ bɔ́ bɔ́wɔ wa. Aa lo sí ɣɛmá í ló su nungái tí goló Ngala sávai wu.

MÁFIYU 21:25

Kɛ i ti w̃ɔ́ɔnia, i ɣɛ ti w̃a, “Míl̃inda lɔ Njɔú yákpangi í gúlani na ngáá í ngúyai wo, i gulaní Ngála ngéya baa nuu búsa yáa?” Kɛ tí ndengá ỹɔw̃ɔ́ ỹɔ́w̃ɔ lówah̃u, táá ɣɛ́ ta, “Bɛɛ́ lɔ́ a maá nde? Ná a maa ɣɛ́ ta, ‘I gulaní Ngalá ngeyá,’ aa mu w̃ɔ́ɔ́ni, i ɣɛ ta, ‘Kɛ ndeénii le hɔ́ɔ wáá láni ngáá Njɔú?’

MÁFIYU 3:5

Nungáá ti gúlani taa walái ná h̃u taá tóli ngáá Jɛlúsɛl̃ɛ ɛ́ɣɛ Jɔ́ɔ́dɛ Yɛí góóɣaka w̃áitii, í báha nɔ́ɔ naá Judíya lataí h̃uu kpɛ́lɛɛ mba, tí vá Njɔú yéle.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:18

Faalɔ, a w̃aah̃u belé ngáá wú wólilo kíli fái w̃a, bɔw̃álale nuí fíli ŋani áá ɣɛ́ ngeyá bíh̃i, ta áá bahá mba, kɛ́ nuí fíli ŋani ɛ́i ɣɛ́ ngeyá bíh̃i, sí ɣéle tɔ áá ɣɛ́ maa w̃ɔ́i gi má ngáá kɛ aá lɔ ngeyá, ɛi ló ngeya.”

NJƆÚ 1:38

Ná Jísu í vóteni i wɔ́lɛ volú, i ti lɔní, i tí w̃ɔ́ɔ́ni, i ɣɛ ta, “Ndeé lɔ́ wú lóngɔ la?” Tí ngoo yápoteni, ti ɣɛ́ ma, “Lábai,” ná wuí wáá ngáá Kaamɔ́ɔ́, “Míl̃inda lɔ́ í ngáá í héiw̃ai?”

NJƆÚ 5:35

Njɔú gálambongi wó kílii í ɣɛ́i ngáá lámbo kɛ kíli, íwaa hó, aáva i wú líívoni ngáá wú woliló ma kpɛ́ɛ́.

Ɛ́FƐSƆ 4:14

A mɔ́i mɔ́ɔ ɣɛ ngáá ndopóa sítii ngeyá taá núngaa yakpólowa ngáá ndɛɛ gálambo mbondáitii táa núngaa wúnga póte voté la.

JIMISÍ 1:6

Kɛ́ ná maa w̃ɔ́i áá Ngalá fɛ́li fááw̃a, kɛ nda ngí í ɣɛ́ su, ki mái í ɣɛ́ kpál̃au, bɔw̃álale, nuí sí ki mái ɛ́i ɣɛ́ kpál̃au kɛ kíli gulangɔ́ɔ́ lé ngáá yívoi lákpa lakpangí mbéi véle fíli fɛfɛngí áá tukpé lá naa véle lɔ áá líí la.