MÁFIYU 11:5 - Kɛ́lɛ Niinaí

⁵ A nde ma ngáá kɛ mbole yeláitii tiyá lɔ́ɔ ỹandá lɔ́, nɔɔnɔ yelái táá híya, sítii nduwu w̃aa heebɛ́ ỹɔ́u ỹɔ́ungi í tí luwúi w̃a, nátii tiyá lɔ́ɔ mbaló mááhɔlɔ, sítii ti wolí h̃u hítɛngɔ ngá, nátii tiyá lɔ́ɔ fáa ỹɛ́ni náa, ná vólu, saa yeláitii tiyá lɔ́ɔ wúyoɣe sái h̃u, keela woó vándai lɔ́ɔ lé nyaani yélaitii ma.

MÁFIYU 11:5 Iomraidhean Croise

MÁFIYU 10:8

A seebɛ yelái mbaló, wú saa yeláitii mbuyoɣé sái h̃u. Wú nungái sítii mbaló seebɛ ỹɔ́u ỹɔ́ungi í tí luwúi w̃a. Ná vólu, sítii ỹína nyɔí í tí vólu, wú téve ti vólu. Wú ngakpángi sí w̃aahɔ́lɔnga gbááma, faalɔ, a faí sítii kɛ gbááma.

MÁFIYU 11:4

Kɛ Jísu i ti woo yápotenga, i ɣɛ ti w̃a, “A yangáima, wú fái sítii nde Njɔú w̃a wúwaa mɛni ɛ́ɣɛ sítii wúwaa naa lɔ táá ɣɛ́.

MÁFIYU 12:13

Kɛ Jísu i ɣɛa siỹɛndópoi ná w̃a tokói háángɔ í ɣɛ́i la mba, “Loko h̃úuhulombo.” Kɛ ná í lokoí h̃úúhulombonga, aáva ngamá nɔ́ɔ́ tokoí i walóni fó í mɔ́ɔ ɣɛ kíya nɔ́ɔ toko vekái í ɣɛ́i na.

MÁFIYU 21:14

Mbole yélaitii ɛ́ɣɛ nɔɔnɔ yélaitii tí vááni Jísu yelé Hɛ́ɛ́ma Yála Pɛ́lɛi góvii h̃u aáva i ti walóni.

MÁFIYU 5:3

“Nungái sítii tí kɔ́lɔ ngáá faa vánda fíli aa ti h̃u Ngalá ngaah̃ú, aa lɔ́ ngáá faa vánda ti haáw̃a, sífaa Ngalángi w̃ásandai lɔ́ ti haáw̃a.

MÁFIYU 9:30

Kɛ ngamá nɔ́ɔ tí yaah̃úi w̃aa i ɣɛa kpál̃au táá ỹanda lɔ. Jísu vá í ti laahíi kpááŋ i ɣɛ ta, “A waá faí sí le nuu fíli má!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:37

Nungáitii kpɛ́lɛɛ pá ti gindáá vílingɔ i ɣɛi lá ngwala, táá ɣɛ́ ta, “I faítii kpɛ́lɛɛ kɛ́nga vaní. I kɛngá ngáá háwu sítii ti wolí h̃úitii sítɛngɔ nga tíwaa faa ỹɛní, ná vólu, bóboaitii tíwaa yɛ́pɛ!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:25

Ná Jísu í tɔ́ni ngáá kɛ faŋaí lɔ́ɔ tí w̃áá laahé, i ndení ỹína nyɔí w̃a, i ɣɛ ma, “Yɛ́i yí ngáá ỹína nyɔí yáá kɛ ngáá háwu nuí wóli h̃úi í hítɛnga, ná vólu, í bááh̃aa bɔɔlɔ́ma, léve siỹɛndóu loí sí volú, kúnafɔ yálaa múl̃ɔ vɛlɛ́ pólu.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:18

“Ndemɔí Ngalángi Ỹínangi lɔ́ pólu, bɔw̃álale, i lokolongá mbá ngáá ngí kééla woó vándai lé nyaani yélaitii ma. I tɔ́venga ngáá ngí sítii ti wumááwondai w̃ááheehe wó ti ngáá pelésina, ná vólu, ngí mɔ́ɔ sítii mbaló ti ngáá mbole yeláa. Ngí mɔ́ɔ sítii ngumááwo ti ngáá nungáá taa ɣɛ́ faa báma h̃u.

NJƆÚ 10:25

Jísu í ti woo yápoteni, i ɣɛ ti w̃a, “Ngí ndengá wú w̃a kílii kɛ́ wáá loí wɔ́ɔ́ lá ngáá ngé. Káámaa haí sítii ngí ti ɣɛngɔ́ ní Kɛ́ɛ́ɣɛ Ngalángi yákpangi w̃áá véle w̃a tiyá lɔ́ taá ngakɛ́ kpál̃au ngáá kɛ ele wáá ngáá ngé.

NJƆÚ 10:38

Kɛ́ ná ngáá ɣɛ́ ngáá ti wo, kíya bɛ́lɛ wáá lái ngáá ngé, kɛ a lá hɔ́ɔ́ ngáá káámaa háitii ngí ti ɣɛa. Kɛinɔɔ́ wú ngátɔ mba kpál̃au ngáá kɛ naa ní Kɛ́ɛ́ɣɛ ni ɣɛ kíli i yíla kpé pele kpɛ́lɛɛ sú.”

NJƆÚ 2:23

Ná h̃u Jísu í ɣɛ́i Jɛlúsɛl̃ɛ taa walaí h̃u Júsuai ti Wumááwo Kúi ná h̃u, nuu bíh̃iw̃aa ti láni lá ná tí tɔ́ni áá káámaa haítii kɛ.

NJƆÚ 3:2

I liiní Jísu yelé ngáá kpindíi, i ɣɛ ma, “Kaamɔ́ɔ́, ní kɔ́lɔ ngáá yá lɔ́ yí ngáá kaamɔí yí gúlangɔ Ngalá ngelé, sífaa nuu fíli ɛ́i belé káámaa haí sítii kɛ yíwaa ti ɣɛ ná Ngalá ngɛ́i belé ɣɛ́ ɣɛi polú.”

NJƆÚ 5:36

Kɛ́ faa lɔ́ ngéya mbuuỹííngɔ i lɔ́ve sí wa Njɔú í ndéni. Sífaa, ngengengí kái kái Kɛɛɣɛí Ngalá ngí féngɔ ngéya ngáá ngí vílama aáva ngíwaa mbo, laá lɔ í ngáá faí áá ngákɛ ngáá Kɛɛɣɛí Ngalá tɔ í tɔ́vengɔ.

NJƆÚ 9:7

I ɣɛ ma, “Lí yí yaah̃ú wúya kpólingi sí h̃u taa tolí ngáá Sáilow̃ɔ.” Maa lááheingi volúi waa ngáá Tɔ́vengɔi. Kɛ maa h̃íỹɛndopoi i lía njɛí ná h̃u, í yaah̃ú wúya. I yangáimai naá ngi vɛ́lɛ la íwaa ỹandá lɔ́.

TI GƐ́Ɛ́ HAÍTII 2:22

Kɛ Pítɛ í mɔ́ɔ ndengá, i ɣɛ ta, “A wolílo sí w̃a, Ísulɔ yelaítii. Jísui sí í ngáá Násɔlɛ taí h̃uu w̃ɔ́i, laá lɔ í ngáá nuí Ngalá ngí tɔvengɔ́ wú yéle aáva i ngakɛ́ngɔ ngáá wú ye ngáá ngakpa fáá walaítii ɛ́ɣɛ káámaa haítii í ɣɛ́i áá kɛ taá kindaa vilí fáitii Ngalángi yákpangi h̃u. Aáva wú faa wɔ́lɔ kɔwɔ́ato faí sítii mba.

JIMISÍ 2:5

Mu mbála vandáitii, a wolílo. Kɛ́mbɛ Ngalá ngí lókolongɔ sítii mba ti ỹááningɔi tiyɛ́i ngeleí sí wú bátɛi ta áá ti yáa, ngáá ti ɣɛ́ ngáá kpatɛ yélaa ndangí h̃u taa ɣɛ́ su ngwala ngáá Jísu Kílisitii? Ngalángi w̃ásandai vá í ɣɛ́ ti w̃ááh̃u. Ngi w̃ásandai sí lɔ́ í sítii kuulóngɔ lá ti longɔ́ ngáá laá Ngála.