MÁFIYU 11:3 - Kɛ́lɛ Niinaí

³ Ná nátii tí fóloni Jísu w̃a, tí mɔ́ɔ́nii ti ɣɛ́ ma, “Nuí sí Njɔú í fáá léngɔ kɔwɔ́ato mba ngáá laá lɔɔ́ vá vááma ngelewu, maa w̃ɔ́i waa ngáá í ye, baa ní nuu véka luwɔɔ́ béle?”

MÁFIYU 11:3 Iomraidhean Croise

MÁFIYU 11:10

Njɔú lɔ́ Ngala Kɔ́lɔi áá yɛ́pɛ kɔwɔ́ato mba mbéi pɔnɛngɔ́i na ngáá sí Ngalá ngí ɣɛ́ngɔ ta, ‘Nyá lɔ́ɔ vá ní géélai lɔ́vema í wútuwɔ, lɛ́i íwaa vá í vélei ɣɛ kíli batɛmá í wútuwɔ.’

MÁFIYU 11:4

Kɛ Jísu i ti woo yápotenga, i ɣɛ ti w̃a, “A yangáima, wú fái sítii nde Njɔú w̃a wúwaa mɛni ɛ́ɣɛ sítii wúwaa naa lɔ táá ɣɛ́.

MÁFIYU 21:5

“Nde nungáitii má tí Jɛlúsɛl̃ɛ, yí ɣɛ́ tí w̃a, ‘A wɔlɛ lɛ́ɛ́! Wú w̃ásangi béle íwaa vá wú yéle. Aá ngáá suuwɔɔlɔ́ w̃ɔ́ɔ́, aá lɔ́ héini soohaaléngi gɔ́ma ɛ́ɣɛ soohaalé njivoí áá siya.’ ”

MÁFIYU 21:9

Faŋaí ná í ɣɛ́i Jísu w̃aa velé lá ɛ́ɣɛ faŋaí sí í ɣɛ́i polú, ti ɣɛ́i taá woo gúla, táá ɣɛ́ ta, “A mú ndaaw̃áálɛ lɛ́i taá tóli ngáá Deevé Láála Loí! Hɛ́ɛ́ lɔ́ ma lɛ́i íwaa vá Ndemɔí Ngalá ndaahéingi h̃u! A mu Ndemɔí Ngalá ndaaw̃áálɛ!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 11:9

Faŋaí sí í ɣɛ́i Jísu w̃aa velé lá ɛ́ɣɛ sí í ɣɛ́i maa buunɔ́ ti ɣɛ́i taá woo gúla, tíwaa ɣɛ́ ta, “A mú Ngála ndaaw̃áálɛ! Hɛ́ɛ́ lɔ́ ma lɛ́i íwaa vá Ndemɔí Ngála ndaahéingi h̃u!

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:38

Ti ɣɛ́i taa ɣɛ́ ta, “Bɛlɛ́ Ngalá ngi hɛ́ɛ́ masangí sí yɛ, lɛ́i íwaa vá Ndemɔí Ngalá ndaahéingi h̃u. Ndiiheí lɔ ngelegóóh̃u, ná vólu, ngufema i ɣɛ́ ngákpa Ngálangi yɛ lɛ́i í ngelegóóh̃u!”

NJƆÚ 11:27

Kɛ Mááta í ngoo yápotenga, i ɣɛ ma, “Éei, Kɛɛɣɛ́, ndángɔɔ lé la ngáá yá lɔ́ yí ngáá Ngalángi Lókolo Mbá W̃ɔ́i, yá lɔ́ yí ngáá Ngalángi H̃íỹɛndou Lói, yá lɔ́ Ngalángi ndeí ngáá yá lɔɔ vá vaamá ngeleí sí wu.”

NJƆÚ 12:13

Kɛ tí tɔkpɔ́ láɣaitii ngeɣénga, tí li kɛinɔɔ́ tí ndaaw̃ɛ́ɛ́, ti ɣɛ́i taá woo lɛ́ táá ɣɛ́ ta, “A mú Ngala ndaaw̃áálɛ! Bɛ́lɛ Ngalángi í hɛ́ɛ́ Ísulɔ yélai ti W̃ása Ngwalaí w̃a lɛ́i í waa vá Ndemɔí Ngalá ndaahéingi h̃u!”

NJƆÚ 16:14

Aa ɣɛ áá kɛ kíya káámaangɔ, bɔw̃álale sí ngáá ɣɛ́ ngáá nde ma, laá lɔ áá ɣɛ́ áá nde wú w̃a.

NJƆÚ 4:21

Kɛ Jísu i ɣɛa ma, “Nyah̃ápoi, la gíte ngáá sí, ná waa ngáá naa hɔwɔ́i lɔɔ vá fóloma ma ngáá wɔ́i mɔ́ɔ́ ɣɛ wáá Kɛɛɣɛí Ngalángi hɛ́li ngihéi sí ɣéle tɔ su kɛlaa Jɛlúsɛl̃ɛ.

NJƆÚ 6:14

Ná nungái tí náa lɔ́ni Jísu i káámaa hái sí ɣɛ́ni, kɛ tí pɛ́lɛnga ɣɛ́ma ta, “Tɔɔỹáá kái kái te siỹɛndópoi sí lɔ í ngáá nuí síí w̃ɔ́i taa ɣɛ ma Ngalá Ndaa Háá Lé Mɔ́i ti ɣɛngɔ́ ta aa lɔɔ va ngeleí sí wu!”

NJƆÚ 7:31

Kɛ́ ná fíli su, nuu bíh̃iw̃aa ti ɣɛ́i faŋaí ná h̃u ti laní ngáá Jísu. Aáva ti ɣɛ́i taa ɣɛ́ ta, “Ná Ngalángi Lókolo Mbá W̃ɔ́i aá va, aa mɔɔ káámaa haaní kɛ í lɔ́ve siỹɛndópoi sí wa?”

HÍBULU 10:37

Kíya nɔ́ɔ pɔnɛngɔ́ Ngala Kɔ́lɔi h̃u ngáá sí í ɣɛ́ngɔ ta, “Naa guló laa lówah̃u nɔ́ɔ lɛ́i kule í ma í vá, aá lɔɔ vá vaamá aáva aá lɔɔ vá h̃úmbuwa.