MÁFIYU 11:1 - Kɛ́lɛ Niinaí

¹ Ná Jísu í vílani volú yélaa púúngɔ maah̃úú félengɔitii galámboma, kɛ i hiɣengá maa ỹándai, í lí kalambo mbóma ɛ́ɣɛ mɔ́ɔ́ keela woó vándai léma taítii su ti ɣɛ́i naa béla.

MÁFIYU 11:1 Iomraidhean Croise

MÁFIYU 28:20

Wú ti galámbo ti híya ngáá faí sítii kpɛ́lɛɛ ngí ndengá wú w̃a ngáá wááyaa ti ɣɛ. Aáva tɔɔỹaá hááw̃a, nyá lɔɔ ɣɛ́ wú vólu hɔ́wɔ fíli í ló sú í foló ngetéyangi sí yakɛ́ɛ́lɛmai w̃a.”

MÁFIYU 4:23

Jísu i híya hiyaí Galéli lataí kpɛ́lɛɛ sú áá nungáá gálambo ngáá Ngala fáitii Júsuai ti Yála fɛli máákpɔ wotaítii mbu, ná vólu, áá keela woó vándai lé kɔwɔ́ato Ngalángi w̃ásandai wa, ná vólu, i ɣɛi áá seebɛ híí kpɛ́lɛɛ mbálo í ɣɛ́i nungáitii mba.

MÁFIYU 7:28

Ná Jísu í vílani faí sítiini ndemá, faŋaí gíndaa vílingɔ i ɣɛi lá ngáá kíya í kalambongí wóni ngáá ti ye,

MÁFIYU 9:35

Jísu i liiní taí kpɛ́lɛɛ su ɛ́ɣɛ kokóitii kpɛ́lɛɛ ngá, áá kalambongí wo Júsuai ti Yála fɛli máákpɔ wotaítii mbu. Ná vólu, áá keela woó vándai lé kɔwɔ́ato Ngalángi w̃ásandai wa. Íwaa mɔ́ɔ́ nungáitii mbaló seebɛ híí kpɛ́lɛɛ í ɣɛ́i ti wa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:12

Faalɔ, Jísu volú yélaitii tí liiní tí Ngala ngói le ngáá nungáitii tí vólu yáfe ti háá ỹɔítii mba.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 23:5

Kɛ́ nungáitii tí ndií nɔ́ɔ ngu ma ngáá ndendáá táá ɣɛ ta, “Jísu lɔɔ́ nungáitii ngu séi heí wa hááli hááli Judíya lataí kpɛ́lɛɛ su ngáá ngi gálambongi. I tɔkúla héingɔ Galéli lataí h̃u aáva i lowá su i vaá í foló mbéinda fáli.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:1

Ná sí í gúlai su, Jísu i lɔve tɔvéni taa wala waláitii su ɛ́ɣɛ kokóitii nga áá keela woó vándai le kɔwɔ́ato Ngalángi w̃ásandai wa. Polú yélaa púúngɔ maah̃úú félengɔitii ti ɣɛ́i polú

NJƆÚ 15:10

Ná wáá gólo ní hávaitii mbu, ngáá ndí ngú ma ngáá ndongí ngáá ɣɛ́ su ngáá wú ye kíya nɔ́ɔ ngí gólongɔ ní Kɛ́ɛ́ɣɛ hávaitii mbu, áá ndi ngu ma ngáá ndongí í su ngáá nge.

NJƆÚ 15:14

Ná wɔ́lii wáá híya ngáá savaí sítii ngí ndangɔ́ wú yaa, kɛ wá lɔ ngáá ní mbálangaa.

TI GƐ́Ɛ́ HAÍTII 1:2

í lóngɔ su í foló folói ná h̃uu w̃a í lɛ́ɛ́ni ngelegóóh̃u. Aáva ɔ́ɔ́ ɣɛ́ p̃ɛ́ɛ́ í lɛ́ ngelegóóh̃u, i faa léni sítii ma í ɣɛ́i lokoloní tí wa ngáá Ngalángi géélaitii. I ndení tí w̃a Ngalángi Hɛ́ɛ́ma Ỹínangi yákpangi w̃aa véle w̃á sí kule í ɣɛ́i ti w̃a taa ɣɛ́a kɛ.

TI GƐ́Ɛ́ HAÍTII 10:38

Ná wáá ngáá, kíya Ngalá ngí ngi Hɛ́ɛ́ma Ỹínangi ɛ́ɣɛ ngi yákpangi yéini Jísu w̃a lɛ́i í ngáá Násɔlɛ taí h̃uu w̃ɔ́i. Ná vólu, kíya Jísu í ɣɛ́i áá lɔ́ve tɔvé áa faa vándaitii kɛ aáva áá nungái sítii kpɛ́lɛɛ mbálo ti ɣɛ́i Ngutuwɔ́ Ỹína Nyɔí yákpangi wu, bɔw̃álale Ngalá ngi ɣɛí Jísu laá polú.

TI GƐ́Ɛ́ HAÍTII 10:42

Jísu i ndengɔ́ ni w̃a ngáá ní kééla woó vándai lé nungáitii ma, ná vólu, ní ndé ngáá kɛ Ngalá ngí lókolongɔ mba ngáá sítii ti ndɛɛh̃u h̃u ɛ́ɣɛ saa yeláitii mbaaléve mɔ́i.

TƐSALÓNIKA HESENDAA GƆLƆÍ 4:2

Wú faa wɔ́lɔ sítii mba Ndemɔí Jísu í ndéni ngáá a mu ɣɛ́ maá tí ɣɛ, ní tí lení wú w̃a.

TƐSALÓNIKA GƆ́LƆI HELE KÉLEI 3:10

Ná ni ɣɛ́i wú lóów̃a, ní ndéni wú w̃a, ni ɣɛ́ ta, “Nuí fíli ɛ́i ɣɛ́ yéngeni, maa w̃ɔ́i álaa lááỹɛ.”

TƐSALÓNIKA GƆ́LƆI HELE KÉLEI 3:6

Mu mbála Yalá fɛ́li mbélai, niỹá lɔ́ɔ fái sí lé náa wú w̃a ngáá ndaahí ngóó bikpi Ndemɔí Jísu Kílisitii laahéingi h̃u ngáá sítii taa ɣɛ́ héi gbááma wú lííwaa tɛi ɣɛ́ lói tɔ́ɔ faa vaá fíli mbó ɛ́ɣɛ sítiini tɛí ɣɛ́ taa híya ngáá fái sítiini ní tí lengɔ́ wú w̃a, waa bɔ́ faa fíli má wáá tiyéni.

TÍMOTI HESENDAA GƆLƆÍ 6:14

Maa háitii mbaa ngáá, yí fái sítii kɛ ngáá pangɔ́ ɛ́ɣɛ tɔmbema w̃áá fíli álaa ɣɛ í wá faa fíli su í ló su bɛ́lɛ a mu Lemɔ́i Jísu Kílisitii í va.