MÁFIYU 10:5 - Kɛ́lɛ Niinaí

⁵ Ngalángi gééla púúngɔ maah̃úú félengɔi sítii Jísu i ti lɔ́veni, sítii kule í ɣɛ́i ti w̃a ngáá tí kɛ, i ndéni ti w̃a, i ɣɛ ta, “A waa lí sítii ti látai h̃u taa ngáá Júsua. Ná vólu, wálaa lí nungái sítii taa ɣɛ́ tí w̃a Samááliyangaitii, ti lái tá h̃u.

MÁFIYU 10:5 Iomraidhean Croise

MÁFIYU 22:3

Nungái sítiini í ɣɛ́i ti lolíni nyah̃á wɔ́li kúi náa hááw̃a, i ngi bɔ́ilopoaitii tɔveí ngáá tí ndé ti w̃a ti vá, kɛ́ táa kɛ́ni tɔɔ vá.

MÁFIYU 4:15

“Wɛ́i wú ngáá Sɛ́biyul̃ɔ yelaítii ɛ́ɣɛ wɛ́i wú ngáá Náfutali yeláitii, wú yívoi ŋál̃a véle, Jɔ́ɔ́dɛ Yɛí góóɣaka w̃a vékai, Galéli lataí h̃u, wɛ́i wáá ngáá Júsua,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:7

Kɛ i volú yélaa púúngɔ maah̃úú félengɔitii tólinga ỹánda yílaa, í ti lɔ́ve tɔvé ngáá felé féle. Ná vólu, í ngakpá fé ti yaá ỹína nyɔítii téve fááw̃a nungáitii polú.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:1

Ná sí í gúlani su, Ndemɔí Jísu i lokoloní nuu vúú ngɔ́felangɔ maah̃úú félengɔ vékaa wa, í tí lɔ́ve wutúwɔ ngáá felé féle taa fíli su ɛ́ɣɛ ỹandá fíli í ɣɛ́i náa áá va liimá na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:33

Ná ná í gúlani su, nungái sítiini taa ɣɛ́ ti w̃a Samááliyangaitii ti tá yílaa i ɣɛi siya sú peleí ná w̃a. Kɛ́ ná í folóni siỹɛndópoi ná w̃a, i tɔní, maaw̃áánu í sou.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:16

I liiní, í bé bɔwɔ́ wa, í gúla Jísu gɔwɔ́ wú, í sɛ́ɣɛɛ gulá ma. Siỹɛndópoi sí va í ná ɣɛ́ni, i ɣɛi ngáá sotá, Samááliya w̃ɔ́ɔ i ɣɛi lá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:1

Jísu í volú yélaa púúngɔ maah̃úú félengɔitii tólini ỹánda yílaa, i ngakpá fé ti yaá ỹína nyɔítii kpɛ́lɛɛ téve fááw̃a nungáitii polú ɛ́ɣɛ seebɛítiini mbaló fááw̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:2

Aáva i ti lɔ́veni ngáá tí kééla woó vándai le kɔwɔ́ato Ngalángi w̃ásandai wa, ná vólu, tí seebɛ yeláitii mbaló.

NJƆÚ 17:18

Ngí ti lɔ́venga ngeleí sí wu í yéngengi w̃a kíya nɔ́ɔ yí tɔ́vengɔ ngeleí sí wu.

NJƆÚ 20:21

Ná Jísu i mɔ́ɔ laalíni ti w̃a, kɛ i ɣɛ́a ta, “Kíya nɔ́ɔ ní Kɛ́ɛ́ɣɛ í tɔ́vengɔ, ngimɔ́ɔ́ nɔ́ɔ nyá bɛ́lɛ ngáá wú lɔ́ve.”

NJƆÚ 4:20

Ni kawálani wɔ́lɔ tɔ́ɔ́ Ngala fɛ́lɛ ngihéi sí h̃u kɛ́ wá Júsuai wú ɣɛ́ mbéi kule í nuu w̃a nuu í ɣɛ́ áá Ngala fɛ́li na, naa wáá ngáá Jɛlúsɛl̃ɛ.”

NJƆÚ 4:5

I folói taí ta h̃u taa tolí ngáá Séka, Samááliya lataí h̃u. Naa vá ngaa ɣɛi gooh̃á ndɔwɔlɔ́i sí wa Jékɔ í fɛ́ni ngi lóu Joosɛ́ yɛ wɔ́lɔ.

NJƆÚ 4:9

Nyah̃ápoi í ngoo yápoteni, i ɣɛ ma, “Yá lɔ ngáá Júsu w̃ɔɔ, nyáá va ngí ngáá Samááliya w̃ɔɔ, aa ɣelé kɛ naa yáá mɔ́ɔ́ni kpɔle yɛ́ hááw̃a?” Háwui í kɛ́ni nyah̃ápoi í sí léi ma, i ɣɛi ngáa, Júsuai ɛ́ɣɛ Samááliyangai taá ɣɛi bɔí yaá haa w̃a.

NJƆÚ 7:35

Kɛ Júsuai ti wutúwɔaitii ti ɣɛ́a ỹɔw̃ɔ́ ỹɔ́w̃ɔ w̃a, “Míl̃inda lɔ́ siỹɛndópoi sí íwaa ɣɛ́ i lí na ngáá a mɔí tɔ? Baa ɔ́ɔ́ ɣɛ́ yɛ́ɛ́ áá lí mbéinda a mu vóngai ti vahá fáhangɔ na Gilísi yélaitii ndiiwáá, ngáá í ɣɛ́ áá Gilísi yélai galambó?

NJƆÚ 8:48

Kɛ Júsuaitii tí ngoo yápotenga, ti ɣɛ́ ma, “Kɛ tɔɔỹaá laa ngáá sí ní ndengɔ́ í w̃á ngáá Samááliya w̃ɔɔ waa ngáá í ye, ná vólu, ỹína nyɔí lɔ í vólu?”

TI GƐ́Ɛ́ HAÍTII 1:8

Kɛ́ wá lɔɔ vá ngakpa sɔ́lɔma ná Hɛ́ɛ́ma Ỹínangi áá ɣɛ́ wú vólu. Aáva wá lɔɔ vá ɣɛmá ngáa ní héélea Jɛlúsɛl̃ɛ taa h̃u ɛ́ɣɛ Judíya lataí h̃u kpɛ́lɛɛ ɛ́ɣɛ Samááliya lataí h̃u, í lí náa í fólo ndɔwɔlɔ́i kpɛ́lɛɛ su.”

TI GƐ́Ɛ́ HAÍTII 10:45

Júsuai sítii ti langɔ í ɣɛ́i la ngáá Jísu tiyɛ́i ti toní Pítɛ wa ti gúlani Jɔ́pa, ti gindáá vílingɔ i ɣɛi lá ngáá Ngalángi hé mbɛ wɔlingí, ná waa ngáá Hɛ́ɛ́ma Ỹínangi i vúni sítii su taa ngáá Júsua tiyá bɛ́lɛ.

TI GƐ́Ɛ́ HAÍTII 8:1

Sɔ́ɔ va i ɣɛi na, laáva í lúw̃ai ma ngáá tí Sitívi vaa. Folói ná w̃aa vá tɔ faa bá ndándai Ngalá fɛ́li mbélaitii ma í tɔ́kula héini Jɛlúsɛl̃ɛ taa walái h̃u. Kɛ léi Ngalángi géélaitii taá váha fáhani, kɛ́ Ngala fɛ́li mbélaa vekaítii kpɛ́lɛɛ tí vahá fáhani Judíya lataí h̃u kpɛ́lɛɛ taá Samááliya lataí h̃u.

TƐSALÓNIKA HESENDAA GƆLƆÍ 2:16

Ti longɔ́ɔ́ lé tí ni betéve Ngalá kééla woí wa níwaa ndé sítii ma taa ngáá Júsua kɛinɔɔ́ nátii tɔ́ɔ ngúmaawongi w̃ááhɔlɔ. Faa ỹɔ́i híí kpɛ́lɛɛ tí vílaa ngáá kɛ ngu tevéngɔi wul̃a ngáá ná. Ngalangí háá bamaí i folóa náa ti wa.