MÁFIYU 10:3 - Kɛ́lɛ Niinaí

³ Ná vólu, Félepi ɛ́ɣɛ Batólomiyu, Tɔmɔsí ɛ́ɣɛ Máfiyu lɛ́i i ɣɛi ngáá pava gula mɔ́i. Ná vólu, Áfiyɔ h̃iỹɛndou loí Jimisí ɛ́ɣɛ mɔ́ɔ́ Tádiyɔ.

MÁFIYU 10:3 Iomraidhean Croise

MÁFIYU 18:17

Ná ɛ́i ɣɛ́ kɛ́ni ɔ́ɔ́ wólilo tí w̃a, kpɛ́lɛɛ súúɣɛ ngáá Ngala fɛ́li mbéla vekáitii. Ná ɛ́i ɣɛ́ wóliloi tí w̃a, ngeɣé ngáá nuí sií w̃ɔ́ɔ áá ngáá Ngalá fɛ́li mɔɔ ɣɛ kíli ɔɔ pava gula mɔ́ɔ́ ɣɛ kíli gɔ́mɛtii háaw̃a.”

MÁFIYU 27:56

Nyáh̃ai nátii su, Mɛɛloí sí í ɣɛ́i ngáá Magadála taí h̃uu w̃ɔ́i i ɣɛi na, ɛ́ɣɛ Jimisíni ngaa Joosɛ́ ti njée Mɛɛloí, ɛ́ɣɛ Sɛ́bɛdi h̃iỹɛndou lengáitii ti njée.

MÁFIYU 9:9

Ná Jísu í gúlai maa ỹándai wá, i siỹɛndópo yiláá tɔ́ni taa ɣɛ́ ma Máfiyu. I ɣɛi ngáá pava gula mɔ́ɔ́, aáva i ɣɛi héini pava gula máá ỹandaí. Jísu va i ɣɛ ma, “Hitɛ pólu.” Aáva Máfiyu vá i yooɣéi, í hítɛ polú.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 15:40

Nyah̃áitii tɛingáá ti ɣɛ́i lóóni góóh̃a má táa naa belé. Nyah̃ái nátiini su, Mɛɛloí sí í ɣɛ́i ngáá Magadála taí h̃uu w̃ɔ́i i ɣɛi na, ɛ́ɣɛ Jimisíni ngaa Joosɛ́ ti njéé Mɛɛloí. Sálomi bɛ́lɛ i ɣɛi na.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 2:14

Ná í ɣɛ́i áá lɔ́ve kpóloo, i pava gani kula mɔ́ɔ lɔní, sí í ɣɛ́i ngáá Áfiyɔ h̃iỹɛndou loí tɔ́ɔ́ ɣɛ́ ma Lívai. Lívai i ɣɛi héini pava gula máá ỹandaí. Kɛ Jísu i ɣɛa ma, “Hitɛ pólu!” Kɛ Lívai va i yooɣénga, í hítɛ polú.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:18

Pekaítii ti ɣɛ́i ngáá Ándulu, Félepi, Batólomiyu, ɛ́ɣɛ Máfiyu. Ná vólu, Tɔmɔsí ɛ́ɣɛ Jimisí. Jimisí í ɣɛ́i ngáá Áfiyɔ h̃iỹɛndou loí. Ná vólu, Tádiyɔ ɛ́ɣɛ Sáimɔ. Sáimɔ i ɣɛi ngáá nungái sítii ti tá yílaa ti ɣɛ́i loí tí tí lɔ́wɔlɔi wúmaawo Lóómi gɔmɛtií yáa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:10

I ɣɛi ti w̃a, “Siỹɛndópo félengɔ lɔ́ wɔ́lɔ ti ɣɛ́i na, kɛ tí liingá Hɛ́ɛ́ma Yála Pɛ́lɛi góvii h̃u Ngala fɛ́lima. Ngiláángi i ɣɛi ngáá Júsuai sítiini taa ɣɛ́ ti w̃a Falósiai ti tá, pekaí va i ɣɛi ngáá pava gula mɔ́ɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:11

Falósi w̃ɔ́i i liiní, í lo ỹanda véka gba, í Ngala fɛ́li. I ɣɛi ta, ‘Ngí sɛ́ɣɛɛ gula í w̃á Ngala, ngáá kɛ́ kíli aa ngáá nungáá vékai nátii kpɛ́lɛɛ ti ɣɛ kíli tiyɛ́i ti ngáá ŋuỹá yélaa ɛ́ɣɛ faa ỹɔ́u ɣɛ́ mbélaa ɛ́ɣɛ taá hítɛ nungáá ỹáh̃aitii pólu. Ngí sɛ́ɣɛɛ gula í w̃a kɛ́ kíli aa ngáá kíya pava gula mɔ́i sí ɣɛ kíli í na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:13

Kɛ́ pava gula mɔ́i laá i liiní, í lo p̃óuma kulo, aa wɔlɛní p̃ɛ́ɛ́ ngeleya, kɛ́ i gilísuu léveni nɔ́ɔ, i ɣɛ ta, ‘Ngalá, mááw̃aanu hóu kái, nyá lɔ́ ngáá faa ỹɔ́u w̃ɔ́ɔ.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 19:2

Siỹɛndópo yiláá tɔ́ɔ́ ɣɛ́ ma Sákiyɔ, i ɣɛi ngáá pava gula núú walaí taí ná h̃u aáva kpatɛngɔ́ i ɣɛi la.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:27

Ná sí í gúlani su, kɛ Jísu i gulangá na í li, í pava gula mɔ́ɔ w̃aale héini lɛ́i ndaahéingi í ɣɛ́i ngáá Lívai, i héini pava gula máá ỹandaí. Kɛ Jísu i ɣɛa ma, “Hitɛ pólu.”

NJƆÚ 1:48

Kɛ Natáániyɔ i Jísu w̃ɔ́ɔninga, i ɣɛ ma, “Yí kɔ́lɔ?” Jísu i ngoo yápoteni, i ɣɛ ma, “Ngí í lɔ́ngɔ ná h̃u nɛ́nɛ yí ɣɛ́ngɔ féki wuluí wu p̃ɛ́ɛ́ Félepi ɔ́ɔ́ í lóli.”

NJƆÚ 11:16

Jísu volú w̃ɔ́i sí tɔ́ɔ́ ɣɛ ma Tɔmɔsí ndaahéi pekai í ɣɛ́i ngáá Heelangí, i ndení Jísu volú yélaa vékaitii ma, i ɣɛ ta, “A muỹá bɛ́lɛ a mu lí Bɛ́tani taí h̃u kɛinɔɔ́ a mu báha Jísu wa, mu ha.”

NJƆÚ 14:22

Kɛ siỹɛndópoi sí taa ɣɛ́ ma Júdɔ, kɛ́ aa ɣɛi ngáá Júdɔ Ɛsikɛ́liyɔ, i ndengá Jísu w̃a, i ɣɛ ma, “Kaamɔ́ɔ́, ndéénii le yáá bɔwɔ́ ɣɛ́ ngáá ni ye ngáá pangɔ, kɛ́ yɛ́i bɔwɔ́ ɣɛ́ ngáá nungáá vekaítii ngáá pangɔ?”

NJƆÚ 14:5

Kɛ Tɔmɔsí í mɔ́ɔ́ninga, i ɣɛ́ ma, “Kɛɛɣɛ́, naá kɔlɔ́ mbéi yíwaa lí na, ná ná áá ɣɛ, naá ɣelé ɣɛ́ náá peleí wɔlɔ́?”

NJƆÚ 14:9

Jísu i ngapóteni, i ɣɛ ta, “Ndɛmbí ngwálai sí a mú mbóa ỹanda yílaa maa wúyeni, ná fíli su Félepi, yáá nɛ́ɛ́ kɔ́lɔ kpɛ́? Nuí fíli í tɔ́nga, kɛ maa w̃ɔ́i i ní Kɛ́ɛ́ɣɛ lɔngá. Aá ɣelé kɛ́ náá yáá ɣɛ́ má, ‘Í Kɛ́ɛ́ɣɛ ɣɛ ngáá ni ye’?

NJƆÚ 21:2

Jísu volú yélaa lɛingáá ti yatɛ́ngɔ í ɣɛ́i la mba ỹanda yílaa. Sítii pa ti ɣɛ́i na ti laahéingitii ti ɣɛ́i ngáá, Sáimɔ Pítɛ ɛ́ɣɛ Tɔmɔsí lɛ́i tɔ́ɔ́ tolí ngáá Heelangí ɛ́ɣɛ Natáániyɔ lɛ́i í gúlani Kéna taí h̃u í Galéli lataí h̃u ɛ́ɣɛ Sɛ́bɛdi h̃iỹɛndou lengáitii ɛ́ɣɛ Jísu volú yélaa vekaa félengɔitii.

TI GƐ́Ɛ́ HAÍTII 1:13

Ná tí fóloni Jɛlúsɛl̃ɛ, tí lííni tí lɛ́ ngeleya pɛ́lɛi wu lómui ná h̃u ti ɣɛ́i na. Sítii ti ɣɛ́i lómui ná h̃u ti laahéingaitii ti ɣɛi ngáá, Pítɛ, Njɔú, Jimisí, Ándulu, Félepi, Tɔmɔsí, Batólomiyu, Máfiyu, Jimisí sí í ɣɛ́i ngáa Áfiyɔ h̃íỹɛndou loí, ɛ́ɣɛ Sáimɔ sí í ɣɛ́i ngáá nungái sítii ti tá ti ɣɛ́i loí tí tí lɔ́wɔlɔi wumááwo Lóómi gɔmɛtií yaá, ɛ́ɣɛ múl̃ɔ Júdɔi sí í ɣɛ́i ngáá Jimisí h̃íỹɛndou loí.

TI GƐ́Ɛ́ HAÍTII 12:17

Kɛ Pítɛ loko ɣɛa ngáá ti ye mɛ́mɛ ngáá tí w̃áá ɣɛ ló. Laáva i suugúlani náa ti w̃a kɛ kíya Ndemɔí Ngalá ngí kulangɔ́ kpindi vɛlɛ́i wu. Kɛ i ɣɛa ta, “A faí sí le Jimisí w̃á taá mu mbála Yalá fɛ́li mbeláá vekaítii.” Kɛ i gulangá naa wa, í li ỹanda véka.

TI GƐ́Ɛ́ HAÍTII 15:13

Ná ti vílani yɛpɛmá, kɛ Jimisí i yɛpɛngá, i ɣɛ ta, “Mu mbálangaa, a wolílo lɛ́ɛ!

TI GƐ́Ɛ́ HAÍTII 21:18

Ná ngele í wóni, naa Pɔ́ɔni ní liiní ngáá ní Jimisí lɔ́, aáva Ngala fɛ́li mbélai ti géle ɣele mbeláitii kpɛ́lɛɛ ti ɣɛ́i na.

GALÉSIYA 1:19

Aáva í síɣe Pítɛ wa, ngáá Ngalángi gééla veka fíli tɔ́ni kɛ nɔ́ɔ léi Jimisí, Ndemɔí Jísu ndéɣei.

GALÉSIYA 2:9

Jimisí, Pítɛ ɛ́ɣɛ Njɔú, tiyɛ́i naa Yála fɛli mbélai taa ti yéɣe ngáá ngutuwɔ́aitii, tí ngátɔni mba ngáá kɛ Ngalá ngí ngengengí sí héngɔ ngéya gba ngáá ngí mbo. Faalɔ, tí fáma wóni ní w̃a naá Bánaba ngáá í ngákɛ ngáá kɛ ni lɔ́ngɔ niỹá lɔ́ɔ ngenge ngílaa mbó. Ni kpɛ́lɛɛ ní lúw̃ai náa ma ngáá nyá ɛ́ɣɛ Bánaba ni lí naayáa kééla wóó vándai lé sítii ma taa ngáá Júsua, tiyá va ti lí taayáá nde Júsuaitii ma.

JIMISÍ 1:1

Nyɛ́i ngí ngáá Jimisí ngí ngáá ngenge mɔ́ɔ́ Ngalá mbɛ taa Ndemɔí Jísu Kílisitii, nyá lɔ́ ngáá kɔlɔí sí vɔ́nɛ. Ngí há wú kpɛ́lɛɛ má wɛ́i wú ngáá Ngala fɛ́li mbélai wú váhangɔ hááli ndɔwɔlɔ́i kpɛ́lɛɛ su.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:1

Nyɛ́i ngí ngáá Júu, ngi ngáá Jimisí ndéɣei ɛ́ɣɛ Jísu Kílisitii yénge mɔɔ, nyá lɔ́ ngáá kɔlɔí sí vɔ́nɛ wú yéle wɛ́i Kɛɛɣɛí Ngála ngí wú lólingɔ ngáá wú ɣɛ ngáá Ngala fɛ́li mbélaitii. Ná wáá ngáá, wɛ́i Ngalá ndóngɔ ngáá wú ye aáva Jísu Kílisitii áá wu w̃ááh̃u béle.