MÁFIYU 10:2 - Kɛ́lɛ Niinaí

² Ngalángi gééla púúngɔ maah̃úú félengɔitii ti laahéingaitii tɔ ngáá sí, Sáimɔ, lɛ́i tɔ́ɔ́ tolí mɔ́ɔ́ ngáá Pítɛ. Ngí ndéɣei i ɣɛi ngáá Ándulu, ná vólu, Jimisíni ngaa ngi ndéɣe Njɔú, Sɛ́bɛdi h̃iỹɛndou lengáitii.

MÁFIYU 10:2 Iomraidhean Croise

MÁFIYU 17:1

Ná foló ngɔ́hitangɔ í gúlai su, Jísu i Pítɛ yeɣéni ɛ́ɣɛ Jimisíni ngaa ngi ndéɣe Njɔú, taa tiyéni tí lí ngíhe góóh̃a wálai wú mba. Naa lɔ tiyá léé léé ti ɣɛ́i na.

MÁFIYU 20:20

Kɛ Sɛ́bɛdi ỹah̃aí i vaá Jísu yelé ngáá ngi h̃íỹɛndou lou félengɔi í lá Jísu yɛ í mɔ́ɔ́ni faa bɔ́wɔ haaw̃a.

MÁFIYU 26:37

I Pítɛ yéɣeni ɛ́ɣɛ Sɛ́bɛdi h̃iỹɛndou lengaa félengɔi tí lí taá tiyéni. Kɛ Jísu i pɛlɛngá w̃aaw̃áánuma, ndii áá ỹááni.

MÁFIYU 4:18

Ná Jísu í ɣɛ́i áá híya Galéli Yɛ Walaí góóɣaka w̃a, i nyɛɛmbɛ́ mbélaa félengɔ lɔ́ni ti ngáá njee koo h̃u yiláá, táá ti ỹɛ́ɛ́ bɛ mbów̃ai víli njɛí ya. Ndiya geleí laahéingi i ɣɛi ngáá Sáimɔ, ndeɣe geleí laahéingi i ngáá Ándulu. Kɛ́ Sáimɔ laahéi pékai í ɣɛi ngáá Pítɛ.

MÁFIYU 4:21

Ná mɔ́ɔ í lɔ́vei míl̃anda w̃a, i siỹɛ péka félengɔ lɔ́i ti ngáá njee koo h̃u yiláá. Ti ɣɛ́i ngáá, Jimisí ɛ́ɣɛ ngí ndéɣe Njɔú, Sɛ́bɛdi h̃iỹɛndou lengáitii. Ti ɣɛ́i keléngi h̃u taá ti kɛ́ɛ́ɣɛni, táá tí ỹɛ́ɛ́ bɛ mbów̃aitii suuhɔlɔ́ sɔ́lɔ. Jísu í tí lolíni ngáá ti hítɛ polú.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:29

Ná Jísu ɛ́ɣɛ polú yélaa nááningɔi sítiini tɔ́ɔ́ ɣɛ́ ti w̃a Jimisí ɛ́ɣɛ ngi ndéɣei Njɔú ɛ́ɣɛ Sáimɔ taá ngi ndá ndéɣei Ándulu, ti gúlani Ngala fɛ́li máákpɔ wotaí wuu wá, tí liiní náa Sáimɔni ngaa ngi ndéɣei Ándulu ti ndá vɛ́lɛi la.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:3

Ná Jísu í ɣɛ́i héini ngihéi sí wa taá tóli ngáá Ɔ́levi Wuluí Yíhei, Hɛ́ɛ́ma Yála Pɛ́lɛi yatéve sú, Pítɛ ɛ́ɣɛ Jimisíni ngaa Njɔú ɛ́ɣɛ Ándulu tiyá léé léé tí mɔɔniní,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:30

Sítii Jísu í ɣɛ́i ti lɔ́veni ngáá Ngalángi géélaitii, tí yatɛ́ni mba Jísu yelé, ti sí kpɛ́lɛɛ súú ɣɛ la ti ɣɛ́i kɛní ɛ́ɣɛ kalambongí tí mbóni ngáá nungáitii.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:49

Laáva ná wú sí ɣɛ́nga, kɛ fái sí ndéngɔi Ngalángi géle ɣele ngói h̃u i hitɛngá nga, ngáá sí í ɣɛ́ngɔ ta, ‘Nyáá ngáá laa háá lé mbélaitii ɛ́ɣɛ ní géélaitiini tɔve ti yele. Aáva taa ndáá háá le mbélaitii ɛ́ɣɛ ní géélai sítii ti lɛ́ingaa váa, ná vólu, tí faa bá nda ti lɛ́ingaa w̃a.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:14

Ná naa hɔwɔ́ í folóni ma ngáá ti mɛɛníi ỹɛ, Jísuni ngáá polú yélai sítiini i ti laahéini ngáá Ngalángi géélaitii, taá tiyéni tí liiní ndaaỹɛ́ mbómai.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:8

Faalɔ, Jísu i Pítɛni ngaa Njɔú lɔ́veni i ɣɛ ti w̃a, “A lí wú Ngumaawó Kúi w̃aa ỹɛ́ɛ́ni ɣɛ kíli batɛ́ mɛ fááw̃a a mu mɛ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:10

Aáva ngimɔ́ɔ́ nɔ́ɔ jɔ́ í Sɛ́bɛdi h̃iỹɛndou lou félengɔitii kíndaa vílini, tiyɛ́i tɔ́ɔ ti lolí ngáá Jimisí ɛ́ɣɛ Njɔú aáva ti ɣɛ́i ngáá Sáimɔ mbálangaitii nyɛɛ́ bɛ fái h̃u. Kɛ́ Jísu i ɣɛi Sáimɔ w̃a, “Yaa lúwa, í séi hááwɔ w̃a í lí ngáá naa lúwɔɔ, yá lɔɔ ɣɛ́ yáá nungáá w̃ááloli Ngalá mbɛ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:10

Ná Ngalángi géélaitii tí yángaimani, tí vólu haaléni Jísu w̃a ngáá sí ti ɣɛ́i kɛní. Kɛ Jísu i ti yeɣénga, tí li tiyá léé lée taá tiyéni taí sí h̃u taá náá lolí ngáá Bɛsééda.

NJƆÚ 12:22

Félepi i lií, í nde Ándulu w̃a. Kɛ ti félengɔ tí líínga tí nde Jísu w̃a.

NJƆÚ 13:23

Nuí sí gíte Jísu í ɣɛ́i loí la ngwála polú yélaitiini su, i ɣɛi héini Jísu bela.

NJƆÚ 20:2

Faalɔ, í liiní ngáá viliỹɛ́ mbéinda Sáimɔ Pítɛni ngaa Jísu volú w̃ɔ́ɔ́ vekaí ná Jísu í ɣɛ́i loí la ngwala tí ɣɛ́i na, i ɣɛ ti w̃a, “Tí Ndemɔí Jísu gulangá mbéinda kpɔlungɔ́ í ɣɛ́ngɔ la na. Mbéinda va ti lííngɔ lá na, naá naa wɔlɔ́.”

NJƆÚ 21:2

Jísu volú yélaa lɛingáá ti yatɛ́ngɔ í ɣɛ́i la mba ỹanda yílaa. Sítii pa ti ɣɛ́i na ti laahéingitii ti ɣɛ́i ngáá, Sáimɔ Pítɛ ɛ́ɣɛ Tɔmɔsí lɛ́i tɔ́ɔ́ tolí ngáá Heelangí ɛ́ɣɛ Natáániyɔ lɛ́i í gúlani Kéna taí h̃u í Galéli lataí h̃u ɛ́ɣɛ Sɛ́bɛdi h̃iỹɛndou lengáitii ɛ́ɣɛ Jísu volú yélaa vekaa félengɔitii.

NJƆÚ 21:20

Pítɛ i wɔ́lɛni náa vólu í Jísu volú w̃ɔ́ɔ́ vekaí ná lɔ áá va lɛ́i Jísu longɔ́ í ɣɛ́i lá ngwala. Laá lɔ í wú pɛlɛni Jísu wa i mɔ́ɔ́ni ná h̃u ti ɣɛ́i taá laaỹɛ́, í ɣɛ ma, “Kɛɛɣɛ́, ele lɔ íwaa vá í lókolevema?”

NJƆÚ 21:24

Jísu volú w̃ɔ́i sí va tɔ í faa léngɔ kɔwɔ́ato faí sítii mba, ná volú, í tí vɔ́nɛ. Aáva ní súúwɔlɔ ngáá faí sítii í ndéngɔ, tɔɔỹaá wáá ngáá ti ye.

NJƆÚ 6:67

Kɛ Jísu i volú yélaa púúngɔ maah̃úú félengɔitii mɔɔningá, i ɣɛ ta, “Wá bɛ́lɛ wú lóngɔɔ lé wú lí?”

NJƆÚ 6:70

Kɛ Jísu i ngoo yápotenga, i ɣɛ ma, “Kɛmbɛ ngí lokolongɔ́ wú púúngɔ wú w̃ááh̃uu félengɔi wa, ná fíli su, wú ta yílaa tɔ ngáá ỹína nyɔu!”

NJƆÚ 6:71

Jísu i ɣɛi áá yɛ́pɛ kɔwɔ́ato Júdɔ wa, Sáimɔ Ɛsikɛ́liyɔ h̃iỹɛndou loi. Laá lɔ́ í ɣɛ́i áá vá Jísu lokolevéma aáva i ɣɛi ngáá Jísu volú yélaa púúngɔ maah̃úú félengɔitii tí tá.

NJƆÚ 6:8

Kɛ Jísu volú w̃ɔ́ɔ́ vekaí tá tɔ́ɔ́ ɣɛ́ ma Ándulu, Sáimɔ Pítɛ ndéɣei, i yɛpɛngá, i ɣɛ ta,

TI GƐ́Ɛ́ HAÍTII 1:13

Ná tí fóloni Jɛlúsɛl̃ɛ, tí lííni tí lɛ́ ngeleya pɛ́lɛi wu lómui ná h̃u ti ɣɛ́i na. Sítii ti ɣɛ́i lómui ná h̃u ti laahéingaitii ti ɣɛi ngáá, Pítɛ, Njɔú, Jimisí, Ándulu, Félepi, Tɔmɔsí, Batólomiyu, Máfiyu, Jimisí sí í ɣɛ́i ngáa Áfiyɔ h̃íỹɛndou loí, ɛ́ɣɛ Sáimɔ sí í ɣɛ́i ngáá nungái sítii ti tá ti ɣɛ́i loí tí tí lɔ́wɔlɔi wumááwo Lóómi gɔmɛtií yaá, ɛ́ɣɛ múl̃ɔ Júdɔi sí í ɣɛ́i ngáá Jimisí h̃íỹɛndou loí.

TI GƐ́Ɛ́ HAÍTII 1:26

Kɛ tí falángaitii kulangá aáva í nɛ́ɛ́ Matáya w̃a. Faalɔ, i bahaní naá Ngalángi gééla púúngɔ maah̃úú yiláángaitii mba.

TI GƐ́Ɛ́ HAÍTII 12:2

I ndení ngáá tí Njɔú ndíyai Jimisí váa ngáá mboɣá hɔ́kpɔi.

TI GƐ́Ɛ́ HAÍTII 3:1

Folo yílaa, Pítɛni ngaa Njɔú ti ɣɛ́i taa lí Hɛ́ɛ́ma Yála Pɛ́lɛi góvii h̃u Ngala fɛ́li táingi w̃a kpɔkɔ hólo yakpámai.

KƆ́L̃E HESENDAA GƆLƆÍ 15:7

Ná vólu, i gulaní Jimisí yááh̃u, ná vólu mɔ́ɔ́, Ngalángi gééla vekaítii kpɛ́lɛɛ.

Ɛ́FƐSƆ 4:11

Aá gítei vá tɔ́ nɔ́ɔ í fémbɛ wɔ́lingaitii fengɔ́ nungáitii ngeyá ná wáa ngáá, ngenge tókoitii. I ti lɛ́ingaa ɣɛ́ngɔ ngáá Ngalángi géélaitii, í tí lɛ́ingaa ɣɛ́ ngáá Ngalá ndaa háá lé mbélaitii, í tí lɛ́ingaa ɣɛ́ ngáá Ngala ngóó le mbélaitii, í tí lɛ́ingaa ɣɛ́ ngáá Ngala fɛ́li mbélaitii tí w̃ááh̃u béle mbélaa, í mɔ́ɔ tí lɛ́ingaa ɣɛ́ ngáá Ngala Kɔ́lɔ ɣɛ mbélaitii.

HÍBULU 3:1

Faalɔ, wɛ́i wú ngáá mu mbála Yalá fɛ́li mbélai, wɛ́i wá bɛ́lɛ Ngala ngí wú lólinga ngáá wú vá ngelé, a wóliɣɛ Jísu w̃a. Ná wáá ngáá Jísu lɛ́i Ngala ngí tɔ́vengɔ, í ngáá Ngala sááɣa gula mɔ́ɔ walaí Ngalá fɛ́lindai sí w̃áá véle w̃a a mu langɔ́ la.

PÍTƐ HESENDAA GƆLƆÍ 1:1

Nyɛ́i ngí ngáá Pítɛ, ngí ngáá Jísu Kílisitii géélai, nyá lɔ ngáá kɔlɔí sí vɔ́nɛ wú yéle, wɛ́i Ngala ngí lókolonga wú wá ngáá ngi vóngaa wú maavelá véle h̃u tataí sítii su taá tí lolí ngáá Pɔ́tɔ, Galésiya, Kapadósiya, Ésiya ɛ́ɣɛ Bɛtíniya.

PÍTƐ GƆ́LƆI HELE KÉLEI 1:1

Nyɛ́i ngí ngáá Sáimɔ Pítɛ, ngí ngáá Jísu Kílisitii yénge mɔɔ ɛ́ɣɛ mɔ́ɔ ngi géélai, nyá lɔ́ ngáá kɔlɔí sí vɔ́nɛ wú yéle wɛ́i wú nda pánda wálai w̃ááhɔlɔnga mu su. Mú kpɛ́lɛɛ mú nda ngílaa kpéngi sí w̃áahɔlɔngɔ Jísu Kílisitii lélembongi w̃áá véle w̃a lɛ́i í ngáá mu Yálangi ɛ́ɣɛ mu Wúmaawo Mɔ́i.

NJƆÚ GƆ́LƆI HELE KÉLEI 1:1

Nyɛ́i ngí ngáá ngutuwɔ́ w̃ɔ́i Ngala fɛ́li mbélaitii fááw̃a, nyá lɔ ngáá kɔlɔí sí vɔ́nɛ í yéle waa í léngaitii yɛ́i yí ngáá nyáh̃apoi sí Ngalá ngí lókolongɔ í wá. Ndóngɔɔ lé ngáá wu kpɛ́lɛɛ ngáá tɔɔỹaá. Ngílaa laa le nɔ́ɔ kɛ́ sítii kínɛi tí tɔɔỹái wɔlɔ́ tiyá bɛ́lɛ ti longɔ́ɔ́ lé ngáá wú ye,

NJƆÚ GƆ́LƆI HAWA KÉLEI 1:1

Nyɛ́i ngí ngáá ngutuwɔ́ w̃ɔ́i Ngala fɛ́li mbélaitii fááw̃a, nyá lɔ ngáá kɔlɔí sí vɔ́nɛ í yéle, Gééyɔ, yɛ́i yí ngáá ní mbála vandái, ndóngɔ ngáá í ye ngáá tɔɔỹaá.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 18:20

A gooh̃unɛ́ɛ́ wɛ́i kínɛi wú ngelegóóh̃u, bɔw̃álale Babél̃ɔ i wolóa. A gooh̃unɛ́ɛ́ wɛ́i wú ngáá Ngalángi vóngaitii, ɛ́ɣɛ Ngalángi géélaitii í báha Ngalá ndáá háá lé mbélaitii mba. Faa ỹɔ́i í kɛ́ngɔ ngáá wú ye, Ngala ngí pelé lálanga aáva maa háá bamaí lɔ́ Ngalá ngáá nda ma.

FAA YÁKƐ KƆ́LƆI 22:8

Nyɛ́i ngí ngáá Njɔú, ngí fái sí ỹɛ́nini aáva ngi kpɛ́lɛɛ súúlɔ. Ná ngí vílai kpɛ́lɛɛ mɛ́nima ɛ́ɣɛ súúlɔma, ngí hítɛi wúmbu yá malékai sí gákala í fái sítii kɛ́ni ngáá ngé ngáá ngí fɛli.