MÁFIYU 10:16 - Kɛ́lɛ Niinaí

¹⁶ Jísu í mɔ́ɔ́ ɣɛ ta, “Nyáá ngáá wú lɔ́ve kíya nɔ́ɔ mbaalaitii taa ɣɛ́ na fulá húwa liiwáá. Faalɔ, a w̃aah̃ú béle kíya kaalií géle ɣeléngɔ. Ná vólu, wú lúva veléitii kɛ kíli í ɣɛ́ lúúỹaa kíya poovóóngi í na lɛ́i ɛ́i ỹanda héi ŋani fíli mba.

MÁFIYU 10:16 Iomraidhean Croise

MÁFIYU 24:25

Ngí fái sítii ndengá wú w̃á naa wutúwɔɔ, faalɔ, a giséi w̃a!

MÁFIYU 24:45

Kɛ Jísu i mɔɔ ɣɛa ti w̃a, “Kɛ ngenge mɔ́i bɛɛ́ lɔ hɔ́ɔ í ngáá tokolá ma yénge mɔ́i aáva ki máá ngúlangɔ lɛí ngi núú walaí áá ngéɣe í to ngi mbála yengé mbélaitii ngutúwɔɔ ngáá áá yáá mɛɛní he ti yaá na mɛɛní ỹɛ́ sɔ́wɔi kái kái áá fólo ma?

MÁFIYU 25:2

Ndɔ́ɔ́lungɔi ti ɣɛ́i ngáá tamál̃a mbélaa, ndɔ́ɔ́lungɔ vekaítii pá ti ngáá sɛmbɛ heí yélaa.

MÁFIYU 25:4

Kɛ́ sɛ́mbɛ héi yélai tí ngulɔ́i yeɣéni baabɔlɔ́ɔ́ngaitii su, tí kpáha ti hɛ́fɛ lambongáitii mba.

MÁFIYU 25:9

Kɛ́ nátii tí tí woo yápoteni, ti ɣɛ́ tí w̃a, ‘Kpéle, tɛingaa ɛi kulaɣɛ́ mu wa maa wúyeni. Wá ɣéle, a lí sítii ngelé táa ngúlɔi w̃ááɣɛ, wú ta yaá bɔ́wɔ hááw̃a.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:3

A lí, nyáá ngáá wú lɔ́ve kíya nɔ́ɔ mbaalaní taa ɣɛ́ na fulá húwaa liiwáá.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:15

Sífaa nyá bútei ngáá hómbo ngí njɛpɛítii pu wú la, ná vólu, ngí wú gí máá gúla. Wú waahílima yélaitii kéle tɔ tɛ́i hómbo tɔɔ́ ló wú láá wú kɛlaa tɔɔ́ wú w̃ááɣaali.

TI GƐ́Ɛ́ HAÍTII 20:29

Ngí kɔ́lɔ ngáá kɛ ná ngáá ɣɛ́ ɣɛi volú yáfeni, nungáitii ti ɣɛ kíli í ngáá hɔlɔ wɔlí hulángɔitii taá va wú lííwaa wɛ́i wú gulángɔ ngáá mbaala bɔ́ kɛ kíli aáva tɛi wú w̃ááhaalo.

KƆ́L̃E HESENDAA GƆLƆÍ 14:20

Mu mbála Yalá fɛ́li mbélai, wú gísiyai h̃uubɛ́ɛ́ngɔ álaa ɣɛ́ la ngáá ndopoá ti ndá ɣɛ kíli. Ná áá to faa ỹɔ́u ɣɛ́ndai wa, a ɣɛ́ ngáá ndopoá ɣɛ́ kíli. Kɛ́ wú ɣɛ́ wáá faa yátɔ mba wú gísiyaitii su kíya kpakolo ngáá gísiya.

KƆ́L̃E GƆ́LƆI HELE KÉLEI 1:12

Sí naa maayónga tevé aá wáá ngáá ni gi má ɣɛ́ngɔ lé kpál̃au ngáá ni lúva veléi i ɣɛ́i vaní ngeleí sí wúú hááw̃a ɛ́ɣɛ wá bútei wú hááw̃a. Ní ndɛɛh̃ú w̃aaw̃úỹangɔ ɛ́ɣɛ tɔɔỹáá gele h̃uuhíyanga kɛ kíya Ngalá ndóngɔ ní kɛ. Naa ná ɣɛ́ni nuu búsa géle ɣele maa véle w̃a kɛ́ Ngalángi háá bɔwɔí w̃áá véle w̃a.

KƆ́L̃E GƆ́LƆI HELE KÉLEI 11:14

Laáva sí áa ngáá kindaa vilí fáa, sífaa, Setána ɣele tɔ aa bɔwɔ́ gúla ngáá maléka w̃aanɛ́ɛ́ngɔ ɣɛ kíli áá hólo.

KƆ́L̃E GƆ́LƆI HELE KÉLEI 11:3

Kɛ́ nyá lɔ́ lúwa ngáá sí í ɣɛ́i ngáa Ádau ỹah̃a Íífi ɔ́ɔ́ ɣɛ́ ngáá wú ye. Ná wáá ngáá kíya kaalií í Ádau ỹah̃aí Íífi yakpólowani ngáá ndɛɛ géle ɣélengi ná í fáa ỹɔ́u ɣɛ́i, ngimɔ́ɔ́ nɔ́ɔ tɛ́ingaa h̃u tíwaa vá wú yákpolowama ngáá wɔ́i mɔ́ɔ́ bɔwɔ́ gúla fó fóndei kɛ́lɛma Kílisitii yɛ́.

KƆ́L̃E GƆ́LƆI HELE KÉLEI 8:20

Niỹá lɔɔ w̃aah̃ú béle kɛinɔɔ́ nuu fíli álaa wɔ́lɔ ngáá ni ye kɔwɔ́ato ndiiwolé lóko bɔmbaí sítii fáa h̃u.

FÉLEPA 2:15

kɛinɔɔ́ wú ɣɛ́ ngáá faa ỹɔ́u ɣɛ tála yelaa. Ná vólu, wú ɣɛ́ ngáá Ngala ndéngaa, wú w̃ááw̃uỹangɔ í ɣɛ́ la fó ngáá nuu fíli álaa faa ỹɔ́u lɔ wú h̃u ná wú faa ỹɔ́u yélaitii ndiiwáá faa ỹɔ́u yéteyangi sí h̃u. Kɛ́ wú holó ti liiwáá kɛ kíya temúleɣaitii tí na ngeleí ya

KƆLƆ́SE 1:9

Háwui nátii kpɛ́lɛɛ fááw̃a, hɔ́wɔ fíli naá Ngála fɛ́li wú yɛ í séi ná h̃úú w̃á ni wú w̃áá woo ỹɛ́nini. Niỹa lɔ́ɔ́ Ngala fɛ́li ngáá í kɛ́ ngáá háwu sí ndongɔ lá nga ngi ɣɛ́ kpál̃au ngáá wú ye. Ná wáá ngáá, ngi Hɛ́ɛ́ma Ỹínangi í kɛ ngáá háwu wú géle ɣelengɔ í ɣɛ la, wúwaa fáitii ngatɔ́ mba.

KƆLƆ́SE 4:5

Wú gɛ́ɛ́ háitii wú lówah̃u wáá sítii taa lái ngáá Jísu Kílisitii í ɣɛ́ ngáá kele ɣéle péle. Mbéi hɔ́wɔi fíli wáá lóko w̃ááhɔlɔ sí í ngáá faa vánda wáá hómbo wú kɛ ti yɛ, a kɛ ti yɛ.

TƐSALÓNIKA HESENDAA GƆLƆÍ 2:10

Ná h̃ú ní ɣɛ́i wú lóów̃a, naá tuva véle ỹɔ́u fíli kúlai ngáá wú ye, ni lelémbongɔ i ɣɛi la wú yaa, tɔmbema w̃áá fíli aá ɣɛi ni wa. Wú ná h̃úúwɔlɔ aáva Ngalá bɛ́lɛ nɔ́ í suuwɔlɔ́.

TƐSALÓNIKA HESENDAA GƆLƆÍ 5:22

Aáva sí fíli ɛ́i ɣɛ́ pele w̃a, wú bé ná wa.