MÁFIYU 10:1 - Kɛ́lɛ Niinaí

¹ Kɛ Jísu i volú yélaa púúngɔ maah̃úú félengɔitii tolía ỹanda yílaa, í ngákpa fé ti yaá ỹína nyɔítii tevé fááw̃a nungáá volú ɛ́ɣɛ seebɛ híí fíli mbálo fááw̃a.

MÁFIYU 10:1 Iomraidhean Croise

MÁFIYU 19:28

Kɛ Jísu i ɣɛa ti w̃a, “Ngí tɔ́ɔ́ỹai le wú w̃á, ná nuí síí w̃ɔ́i taa ɣɛ ma Nuu Búsa Goo H̃ú Loí áá ɣɛ́ ngi gáámaa w̃asandai h̃u ngetéya níínai h̃u áá vá kúna, wú púúngɔ wú w̃ááh̃uu félengɔitii wú pólu, wá bɛ́lɛ wáá ɣɛ́ masandáá h̃u, wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.

MÁFIYU 26:20

Ná kpindíi í vɛ́lɛni, Jísuni ngaa polú yélaa púúngɔ maah̃úú félengɔitii ti héini ngáá tí lááỹɛ.

MÁFIYU 26:47

Jísu i loní nɔ́ɔ njɛpɛí vúma, kɛ polú yélaa púúngɔ maah̃úú félengɔitii ti tá yílaa, sí tɔ́ɔ́ ɣɛ́ ma Júdɔ í vaangá. Faŋa walá i ɣɛi polú mbowá hɔ́kpɔitii tí tí yaá ɛ́ɣɛ ngulú lúkpu ỹíí mííngaitii. Júsuai ti Yála sááɣa gula mbélai ti wutúwɔaitii ɛ́ɣɛ kele ɣelé mbélaitii tiyá lɔ tí faŋaí ná lɔ́veni.

MÁFIYU 4:23

Jísu i híya hiyaí Galéli lataí kpɛ́lɛɛ sú áá nungáá gálambo ngáá Ngala fáitii Júsuai ti Yála fɛli máákpɔ wotaítii mbu, ná vólu, áá keela woó vándai lé kɔwɔ́ato Ngalángi w̃ásandai wa, ná vólu, i ɣɛi áá seebɛ híí kpɛ́lɛɛ mbálo í ɣɛ́i nungáitii mba.

MÁFIYU 6:13

Yálaa kɛ ngáá háwu suugɔ́vɔ kpángɔ ɔ́ɔ́ vá ni yelé ɔ́ɔ́ kɛ nɔɔ́ faa ỹɔ́u ɣɛ, kɛ́ yí ní w̃ááh̃u béle Ngutuwɔ́ Ỹína Nyɔí yáá.’

MÁFIYU 9:35

Jísu i liiní taí kpɛ́lɛɛ su ɛ́ɣɛ kokóitii kpɛ́lɛɛ ngá, áá kalambongí wo Júsuai ti Yála fɛli máákpɔ wotaítii mbu. Ná vólu, áá keela woó vándai lé kɔwɔ́ato Ngalángi w̃ásandai wa. Íwaa mɔ́ɔ́ nungáitii mbaló seebɛ híí kpɛ́lɛɛ í ɣɛ́i ti wa.

MÁFIYU 9:38

Faalɔ, a Ndemɔí Ngala mɔ́ɔ́ni lɛ́i ngi ndá í ngáá sii híí ŋáni í kula mbélaa lɔve ngi báálai h̃u sitingɔ náa.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:19

Ngí ngakpá fénga wú yáá ngáá wú gɔwɔ́ ló kaali hulá húlangaitii ɛ́ɣɛ nyakúgaaliaitii ma. Ná vólu, wú yákpangi í lɔ́ve wú wáá hílima w̃ɔ́i Setána ndái wa. Ŋani fíli ɛi ỹanda héi wú wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:15

Sífaa nyá bútei ngáá hómbo ngí njɛpɛítii pu wú la, ná vólu, ngí wú gí máá gúla. Wú waahílima yélaitii kéle tɔ tɛ́i hómbo tɔɔ́ ló wú láá wú kɛlaa tɔɔ́ wú w̃ááɣaali.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:49

Sí ní Kɛ́ɛ́ɣɛ í wú gúúlongɔ la, nyá ngáá kɛ ngáá háwu wú mááhɔlɔ. Kɛ́ a ló mbéinda taa walái sí h̃u í ló su kpóloo Ngalángi yákpangi áá gúla ngelegóóh̃u wú maahɔ́lɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:13

Ná ngele í wóni, Jísu i volú yélaitii tolíni í lokolo nuu púúngɔ maah̃úú félengɔ wa ti h̃u í tí laahéi ngáá Ngalángi géélaitii.

NJƆÚ 17:2

Yí ngákpa fénga ngeyá nuu kpɛ́lɛɛ mááh̃u ngáá í kúnafɔ lɛ́ɛ́h̃ui he sítii ngeyá yí tí hengɔ́ ngeyá.

NJƆÚ 3:27

Kɛ Njɔú í ti woo yápotenga, i ɣɛ ti w̃a, “Sí fíli nɔɔ́ léi nuu áá mááhɔlɔ, aa gula Ngalá ngeyá.

NJƆÚ 3:35

Kɛɛɣɛí Ngalá ndongɔ́ɔ́ lé ngáá ngi H̃íỹɛndou Loí aáva í ŋani kpɛ́lɛɛ puá toko h̃u.

NJƆÚ 6:70

Kɛ Jísu i ngoo yápotenga, i ɣɛ ma, “Kɛmbɛ ngí lokolongɔ́ wú púúngɔ wú w̃ááh̃uu félengɔi wa, ná fíli su, wú ta yílaa tɔ ngáá ỹína nyɔu!”

TI GƐ́Ɛ́ HAÍTII 1:8

Kɛ́ wá lɔɔ vá ngakpa sɔ́lɔma ná Hɛ́ɛ́ma Ỹínangi áá ɣɛ́ wú vólu. Aáva wá lɔɔ vá ɣɛmá ngáa ní héélea Jɛlúsɛl̃ɛ taa h̃u ɛ́ɣɛ Judíya lataí h̃u kpɛ́lɛɛ ɛ́ɣɛ Samááliya lataí h̃u, í lí náa í fólo ndɔwɔlɔ́i kpɛ́lɛɛ su.”

TI GƐ́Ɛ́ HAÍTII 19:15

Kɛ́ ỹína nyɔí i ɣɛi ti w̃a, “Ngí Jísu wɔlɔ́ taá Pɔ́ɔ, kɛ́ ele wáa ngáá wú ye?”

FAA YÁKƐ KƆ́LƆI 12:1

Kɛ káámaa haa wala i ɣɛ́a ngeleí yá. Nyah̃ápoi i ɣɛi ngeleí yá, folói i ma ngáá kulaí, ngálungi i kɔwɔ́i wu. Masa mbɔ́ɔ́lɔi i ngu mba ngáá kpahái temúleɣaitii ti vɛ́lɛi mba púú maah̃úú féle.