MÁFIYU 1:16 - Kɛ́lɛ Niinaí

¹⁶ Jékɔ va tɔ í ɣɛ́i ngáá Joosɛ́ kɛ́ɛ́ɣɛ. Joosɛ́ sí ngi ỹáh̃a í ɣɛ́i ngáá Mɛɛloí. Mɛɛloí sí í ɣɛ́i ngáá Jísu njéé. Jísu sí taa ɣɛ́ ma Ngalángi Lókolo Mbá W̃ɔ́i.

MÁFIYU 1:16 Iomraidhean Croise

MÁFIYU 1:15

Ɛláyɔ va tɔ í ɣɛ́i ngáá Ɛ́liyasa kɛ́ɛ́ɣɛ. Ɛ́liyasa va tɔ í ɣɛ́i ngáá Máta kɛ́ɛ́ɣɛ. Máta va tɔ í ɣɛ́i ngáá Jékɔ kɛ́ɛ́ɣɛ.

MÁFIYU 16:16

Kɛ Sáimɔ Pítɛ í ngoo yápotenga, i ɣɛ ma, “Yá lɔ́ yí ngáá Ngalángi Lókolo Mbá W̃ɔ́i ngumaawóngi hááw̃a, Ngalángi sí í ndɛ́ɛh̃ui h̃ú kúnafɔ, ngi H̃íỹɛndou Loí waa ngáá í ye.”

MÁFIYU 16:20

Kɛ Jísu í volú yélaitii ndaahínga ngáá tálaa nde nuu fíli má ngáá kɛ laá lɔ í ngáá Ngalángi Lókolo Mbá W̃ɔ́i.

MÁFIYU 2:13

Ná ki maa gula yélaitii ti gúlai Jísu lemái wa, Ndemɔí Ngalángi w̃áleka i gulaí Joosɛ́ yááh̃u siŋal̃ái h̃u, i ɣɛ ma, “Masangí Hɛ́lɔdi lɔɔ vá ɣɛ́ma áá ndói sí wɔ́li kɛinɔɔ́ í paá. Náá háaw̃a, wuyoɣé, yí ndoí yeɣé taá ngí njéé, wú w̃áávela ndɔwɔlɔ́i sí h̃u taá tóli ngáá Íjepi. A ló na í ló su kpóloo kɛ ngáá ɣɛ́ wú w̃á p̃ɛ́ɛ́ a gulá náa wa, wɔ́ɔ́ ɣɛ́a gulá náa wa.”

MÁFIYU 27:17

Ná faŋaí í yatɛ́i mba, kɛ Páilɛɛ i ti w̃ɔ́ɔ́nia, i ɣɛ ta, “Ele lɔ wú lóngɔ ngí mááhaalo wú yɛ́, Balába ɔɔ Jísu lɛ́i taá tolí ngáá Ngalángi Lókolo Mbá W̃ɔ́i?”

MÁFIYU 27:22

Kɛ i mɔɔ i ɣɛa ta, “Ndeé lɔ náá ngáá kɛ ngáá nuí síí w̃ɔ́i wáá tolí ngáá Ngalángi Lókolo Mbá W̃ɔ́i?” Kɛ tí ngoo yápotea, ti ɣɛ́ ma, “Kpakpá kulɔ́sii w̃a, í ló na í há!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:3

Ti mɔ́ɔ ɣɛ ta, “Kápindai láa ngáá sí? Mɛɛloí lói laa ngáá sí? Jimisíni ngaa Joosɛ́ ɛ́ɣɛ Júdɔni ngaa Sáimɔ ti ndíyai laa ngáá sí? Kɛ́mbɛ ngi héélaitii tɔ mbéinda?” Faalɔ, ti bééleni Jísu wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:27

Ngalá ngí tɔvení kpélaniina ngílaa ngéle áá nɛ́ɛ́ ɣɛi siỹɛ fáá fíli kɔ́lɔ. Ndaahéingi i ɣɛi ngáá Mɛɛloí aáva maahóungɔ í ɣɛ́i lá ngáá í wála siỹɛndópo yiláá ngéya tɔ́ɔ ɣɛ́ ma Joosɛ́. Joosɛ́i sí va i ɣɛi ngáá Masangí Deevé ngi lé kpambíi h̃úú w̃ɔ́i ta.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:48

Ngi njéé ɛ́ɣɛ ngi kɛ́ɛ́ɣɛ, ti gindáá vílingɔ i ɣɛi lá ná tí tɔ́ni. Kɛ ngi njéé i ɣɛa ma, “Ní lóu, ndeénii le yí lúvangɔ ngáá ni ye h̃íí na? Naa í kɛ́ɛ́ɣɛ ni liihɛ́lɛngɔ i ɣɛngɔ lá ngwala, náá í wɔ́li kɔ́li.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:7

Aáva i ngi w̃áifɔlɔ ndoí ná léni ngáá siỹɛndóu lou, í kulaí yéle mbéle ma, í ndá suwaítii ti laaỹɛ́ nyáákai h̃u, bɔw̃álale ndaaw̃áá áá ɣɛ́i ti yɛ sotá ndááw̃aa vɛ́lɛ pɛ́lɛi wu.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:23

Jísu buteí i ɣɛi náa kɛní ngáá fowó vúu sáángɔ ná í ngi Yála ngéngengi lɔ́kula héini. I ɣɛi nungáitii kí má ngáá kɛ Jísu lɔ ngáá Joosɛ́ h̃íỹɛndou lou. Joosɛ́i sí ngi kɛ́ɛ́ɣɛ í ɣɛ́i ngáá Hɛ́li.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:22

Nungáitii kpɛ́lɛɛ tí ngoo vánda léni kɔwɔ́ato Jísu wa aáva ti gindáá vílingɔ i ɣɛi lá ngáá ngoítii í ndéni ngáá pangɔ́. Kɛ tí pɛ́lɛnga mɔɔningí wóma, tíwaa ɣɛ́ ta, “Kɛ́mbɛ Joosɛ́ lói lɔ ngáá sí?”

NJƆÚ 4:25

Kɛ nyah̃ápoi i ɣɛ́a ta, “Ngí suuwɔlɔ́ ngáá Ngalángi Lókolo Mbá W̃ɔ́i lɛí taá tolí ngáá Kílisitii aá lɔɔ vá vaamá, aáva ná áá vá aa faí kpɛ́lɛɛ ngákɛ kpál̃au ní yaa.”