MÁFIYU 1:1 - Kɛ́lɛ Niinaí

¹ Jísu Kílisitii léngi lɔ́lɔndai lɔ ngáá sí. Lébilah̃auni ngaa Masangí Deevéni tɔ ti ɣɛ́i ngáá ngi káwalani wɔ́lɔ.

MÁFIYU 1:1 Iomraidhean Croise

MÁFIYU 1:18

Jísu Kílisitii le kílii lɔ ngáá sí, ngi njéé Mɛɛloí w̃aahóungɔ í ɣɛi lá mbala haáw̃a Joosɛ́ yáa. Kɛ́ tɔɔ ɣɛ́ p̃ɛ́ɛ́ ti víli w̃a ɔɔ ti héi, kɛ Mɛɛloí ngatɔ́a ngáá kɛ aá lɔ́ koo h̃u. Kɛ́ Hɛ́ɛ́ma Ỹínangi yákpangi lɔ í ndoí vílini koo ya.

MÁFIYU 1:2

Ndengí sí lɔ́lɔndai lɔkúla héimai lɔ ngáá sí, Lébilah̃au lɔ í ɣɛ́i ngáá Áise kɛ́ɛ́ɣɛ. Áise va tɔ í ɣɛ́i ngáá Jékɔ kɛ́ɛ́ɣɛ. Jékɔ va tɔ í ɣɛ́i ngáá Júdani ngaa ngi ndéɣeaitii ti kɛ́ɛ́ɣɛ.

MÁFIYU 15:22

Nyah̃ápo yiláa tɔ́ wɔ́lɔ í ɣɛ́i na, i ɣɛi ngáá taí sí h̃u w̃ɔ́ɔ́ taá náá lolí ngáá Kééna. I hiɣeí Táya ɛ́ɣɛ Sáidɔ lataí h̃u í vá Jísu yelé. I ɣɛi áá woo gúla áa ɣɛ́ Jísu w̃a, “Kawálai, yɛ́i taa í lóli ngáá Masangí Deevé Láála Loí, mááw̃aanu hóu kái! Faa bɔ́lungɔɔ lé ní ỹáh̃aloi la ngwala, maa lɔɔ nɔ́w̃ɔ ngáá ỹína nyɔí í pólu.”

MÁFIYU 3:16

Ná nɔɔ́ léi Jísu í ngúyai w̃ááhɔlɔni, i gulaí náa njɛ́i wu. Ngamá nɔ́ɔ, kɛ ngeleí laa í wónga, í Ngalángi Hɛ́ɛ́ma Ỹínangi lɔ áá yéi ngáá í héi ma, i ɣɛi gulaí ngáá poovóó kɛ kíli.

MÁFIYU 9:27

Ná Jísu va í gúlai maa ỹándai ná wa, áá lɔ́ve kpóloo, siỹɛngáá félengɔ ti wólengɔ ti hítɛi polú, táa tolí ngéleya, táá ɣɛ́ ma, “Yɛ́i taa í lóli ngáá Masangí Deevé Láála Loí, ni yaah̃ú w̃ááwaanu hóu kai!”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:33

Aáva aa ɣɛ́ ngáá masa ngwála Ísulɔ yeláitii maah̃u kúnafɔ fááw̃a. Ngi w̃ásandai vá ɛi gɛɛlɛ kúnafɔ.”

NJƆÚ 7:42

Pɔnɛngɔ́ɔ́ lé Ngala Kɔ́lɔi h̃u ngáá Ngalángi Lókolo Mbá W̃ɔ́i aa ɣɛ ngáá Masangí Deevé láála loí ta, Bɛ́tileh̃ɛ taí h̃u w̃ɔ́ɔ mbéinda Masangí Deevé gíte í ɣɛ́i na.”

TI GƐ́Ɛ́ HAÍTII 2:30

Kɛ́ Másangi Deevé í ɣɛ́i ngáá Ngalá ndaa háá lé mɔ́ɔ aáva i ɣɛi kɔlɔ́ ngáá kɛ Ngalá ngí kuulóngɔ, í kɛ́lɛ ngeɣé ngéya ngáá laá lɔɔ vá laá Deevé ngi létɔi ta héima laá Deevé vóma masandái h̃u.

LÓÓMI 1:3

Aá lɔ́ ngáá keela woo kɔwɔ́ato Ngalangí H̃íỹɛndou Loí Jísu Kílisitii wa, lɛ́i í mɔ́ɔ ngáá a mu Lemɔí, lɛ́i í ɣɛ́i ngáá Masangí Deevé lé kpámbii h̃uu w̃ɔ́ɔ nuu búsa gákai w̃áá véle w̃a.

LÓÓMI 4:13

Ngalá ngí Lébilah̃au guulóni ɛ́ɣɛ ngí láála lengáitiini ngáá aá lɔ́ɔ ngéteyangi lókoleve tí w̃a aáva taá ɣɛ́i koló tɔ́ Lébilah̃au í ɣɛ́i sú Ngala sávaitii mbu ná lɔ́ í kɛ́i Ngála ngí kuulóngi sí wóni lá, kɛ́ sífaa Lébilah̃au í ɣɛ́i ngáá telembo mɔ́ɔ ngi lángi w̃áá véle w̃a.

LÓÓMI 9:5

Ti káwalani ti ɣɛ́i wɔ́lɔ ngáá nuu yánguyangɔni Ngalá ngááh̃u. Ti káwalai sítii tɔ nɔ́ɔ mɔ́ɔ́ ti ɣɛ́i ngáá Kílisitii káwalani nuu busá gákai w̃aa vele w̃a. Bɛlɛ́ Ngalá lɛ́i í fáá kpɛ́lɛɛ mááh̃u ngáá masa, ndaaw̃áá í lɛ́ kúnafɔ taá ngí ndá gúnafɔ! Amíína.

GALÉSIYA 3:16

Ngalangí kuulóngitii í mbóni ngáá Lébilah̃au ɛ́ɣɛ Lébilah̃au láála loí. Ndengɔ́ láá le Ngalá Kɔ́lɔi h̃u ɔ́ɔ́ ɣɛ́ ta, “Lébilah̃au laala lengáitii.” Ná ná áá ɣɛ́, kɛ tɔ́ɔ́ ɣɛ́ bíh̃i, kɛ́ sí ndéngɔ aá wáá ngáá sí, “Lébilah̃au laala loí.” Ná wáa ngáá taala lou yílaa kpé, laáva mbaa ngáá Kílisitii.

TÍMOTI HESENDAA GƆLƆÍ 2:5

Ngalá ngí yíla kpé aáva nuu yílaa tɔ áá kɛ́ ngáá háwu nuu lówah̃u áá bátɛ wáá Ngalá, nuí ná vá mbaa ngáá Jísu Kílisitii lɛ́i laá gíte í ngáá nuu búsa.

TÍMOTI GƆ́LƆI HELE KÉLEI 2:8

Gisíya lɛ́ɛ ngáá Jísu Kílisitii, lɛ́i í ɣɛ́i ngáá Masangí Deevé lé kpámbi h̃uu w̃ɔ́i tá, Ngalá ngí mbuyoɣéni sái h̃u. Fái sítii pá tɔ ti ngáá keela wóo vándai ngíwaa nde.

FAA YÁKƐ KƆ́LƆI 22:16

Jísu i mɔ́ɔ ɣɛ ta, “Nyɛ́i ngí ngáá Jísu, ngí ní w̃alékai lɔ́venga í fái sítii ndé wú kpɛ́lɛɛ má wú ngáá Ngala fɛ́li mbélaitii. Nyá lɔ́ ngáá Masangí Deevé lé kpámbii h̃uu w̃ɔ́ɔ, nyá lɔ́ múl̃ɔ ngí ngáá ngele su lémuleɣai ngáá hólo.”